ຄ້າຍຄືກັນກັບເຂດຊົນນະບົດຫຼາຍແຫ່ງຢູ່ພາກໃຕ້, ສວນປູກ ຕົ້ນໄມ້ກິນໝາກລ້າຍທ່ຽວໄດ້ກຳເນີດເກີດຂຶ້ນມາ ຕາມບັນພະບຸລຸດໄດ້ສ້າງຂຶ້ນມາກ່ອນນີ້ແລ້ວ. ສວນປູກຕົ້ນໄມ້ກິນໝາກ ລ້າຍທ່ຽວ ແມ່ນເກາະໜ່ວຍໜຶ່ງທີ່ຖືກສ້າງຂຶ້ນດ້ວຍແມ່ນຳ້ ໄຊ ງ່ອນ ທີ່ໄຫຼມາຈາກນະຄອນ ໂຮ່ຈີມິນ ເຖິງຕາແສງ ຖ້ວນອານ ແລ້ວແຍກອອກເປັນສອງຄອນ.
ເດີນຕາມເສັ້ນທາງປູຢາງແຕ່ບ້ານ ລ້າຍທ່ຽວ ເຖິງເທດສະບານ ຖຸເຢົ່າໂມດ, ງ່າຍທີ່ຈະພົບເຫັນສວນປູກຕົ້ນໄມ້ ຫຼາຍແຫ່ງຍາວ ຢຽດຕັ້ງຫຼາຍສີບກິໂລແມັດຕິດຕໍ່ກັນ ຜ່ານບ້ານ ລາ້ຍທ່ຽວ, ອານແທກ, ຫວິງຝູ໋ ແລະ ບັນດາຕາແສງ ບິ່ງເຍີມ, ຮືງດິງ, ອານ ເຊີນ ທີ່ຂຶ້ນກັບເທດສະບານ ຖ້ວນອານ.
ຫຼາຍປີຜ່ານມາ, ແຂວງ ບິ່ງເຢືອງ ໄດ້ອະນຸມັດຜ່ານຫຼາຍແຜນງານ, ຈັດຕັ້ງການຄົ້ນຄວ້າ, ສຳມະນາ, ສົນທະນາ ເພື່ອຊອກ ຫາວິທີການຟື້ນຟູຄືນເຄື່ອງໝາຍການຄ້າໝາກໄມ້ລ້າຍທ່ຽວ. ຈັດຕັ້ງປະຕິບັດວຽກງານຕົວຈິງ, ເປັນຕົ້ນແມ່ນການຈັດ ຕັ້ງ ງານບຸນ “ລ້າຍທ່ຽວໃນລະດູໝາກໄມ້ສຸກ” ປີ 2013, ພ້ອມ ກັບການຊ່ວຍເຫຼືອຕ່າງໆ ໃຫ້ແກ່ ເຈົ້າຂອງສວນປະກອບສ່ວນ ໃນການຟື້ນຟູ ຊື່ສຽງຂອງໝາກໄມ້ ລ້າຍທ່ຽວ. ຄຽງຄູ່ກັນນັ້ນ, ເຈົ້າຂອງສວນຫຼາຍຄົນກໍ່ໄດ້ມີການລົງທຶນ, ສ້ອມແປງເສັ້ນທາງເດີນ, ຊ້ອມແປງເໝືອງ, ສວນຂອງຕົນໃຫ້ງາມຕາ ເພື່ອພັດທະນາ ການທ່ອງທ່ຽວໄປຕາມທິດຍືນໂຍງ, ຍຶດຖືຊື່ສຽງອິດທິພົນ ແລະ ຄຸນນະພາບເປັນສິ່ງສຳຄັນ.
 ສວນປູກຕົ້ນໝາກໄມ້ ລ້າຍທ່ຽວ ຫຼາຍແຫ່ງທີ່ມີອາຍຸແຕ່ 100-200 ປີ.  ສວນຕົ້ນໝາກກ້ຽງໃຫຍ່ເຕັມໄປດ້ວຍໝາກທີ່ດົກໝາກ ຢູ່ ລ້າຍທ່ຽວ.  ຄອບຄົວໜຶ່ງຢູ່ ລ້າຍທ່ຽວ ເກັບກ່ຽວໝາກມີ້ໃນສວນ ຂອງຕົນ.  ເກັບກ່ຽວໝາກກ້ຽງໃຫຍ່ໃນສວນທີ່ ລ້າຍທ່ຽວ. |
ຈຸດພິເສດຂອງສວນປູກຕົ້ນໄມ້ ລ້າຍທ່ຽວ ແມ່ນຊາວ ກະສິ ກອນຈະອາໄສຢູ່ໃນສວນທັງດຳລົງຊີວິດ ທັງເບິ່ງແຍງ ດູແລຕົ້ນ ໄມ້ຢ່າງສະດວກ. ໃນເວລາຫວ່າງງານ, ເຂົາເຈົ້າສາມາດໄປ ຊອກຫາເຮັດວຽກອື່ນເພີ່ມ. ອາດເວົ້າໄດ້ວ່າ ແຕ່ລະຄອບຄົວທີ່ ກຳລັງອາໄສໃນສວນປູກຕົ້ນໝາກໄມ້ ລ້າຍທ່ຽວ ມີສວນປູກ ນ້ອຍພຽງສອງ, ສາມແຫ່ງກໍ່ ສາມາດຮັບປະກັນໃຫ້ຊີວິດການ ເປັນຢູ່ຂອງຕົນໝັ້ນທ່ຽງໄດ້ແລ້ວ.
ນອກຈາກມີຄຸນຄ່າທາງດ້ານເສດຖະກິດແລ້ວ, ສວນປູກຕົ້ນໄມ້ ລ້າຍທ່ຽວ ຍັງມີທ່າແຮງບົ່ມຊ້ອນໃນດ້ານທ່ອງທ່ຽວທີ່ຍິງໃຫ່ຍ, ນຳແຫຼ່ງລາຍຮັບບໍ່ໜ້ອຍມາໃຫ້ແກ່ຊາວບ້ານ ແລະ ທ່ອງຖິ່ນ. ລະດູເກັບກ່ຽວໝາກໄມ້ ຊຶ່ງກໍ່ເປັນລະດູທີ່ຊາວທ້ອງຖິ່ນ ແລະ ນັກທັດສະນາຈອນ ພາກັນມາທີ່ນີ້. ນັກທ່ອງທ່ຽວມາທີ່ນີ້ສາ ມາດຍ່າງເລາະຫຼິ້ນຢູ່ໃຕ້ຮົ່ມເຢັນຂອງຕົ້ນໄມ້ທີ່ເຕັມໄປດ້ວຍ ໝາກໄມ້ອັນດົກຫນາ, ພັກຜ່ອນນອນໃນອູ່ຮັບເອົາອາກາດທີ່ ປອດໂປ່ງ ແລະ ກິນໝາກໄມ້ທີ່ຫອມຫວານຫຼາຍຊະນິດ.
 ໝາກສົ້ມ ( Baccaurea) ສຸກແດງໃນສວນຢູ່ ລ້າຍທ່ຽວ.  ໝາກມີ້ໂຕ້ໜື, ເປັນໝາກໄມ້ພິເສດຂອງ ລ້າຍທ່ຽວ, ໜ່ວຍນ້ອຍ ແຕ່ມີກິ່ນຫອມ, ແຊບ.  ຕົ້ນໝາກສົ້ມທີ່ດົກໝາກ.  ໝາກຖົ່ວລຽນ ລ້າຍທ່ຽວ ມີກິ່ນຫອມ, ແຊບ ແລະ ຫວານ ເປັນພິເສດ.  ໝາກມັງຄຸດ, ໝາກໄມ້ທີ່ມີຊື່ສຽງໃນສວນຂອງ ລ້າຍທ່ຽວ.  ໝາກໄມ້ໄດ້ວາງຂາຍທົ່ວທຸກແຫ່ງຢູ່ ລ້າຍທ່ຽວ.  ໝາກມັງຄຸດ ລ້າຍທ່ຽວໄດ້ຖືກຮັບຮອງເປັນໝາກໄມ້ຊະນະເລີດໜຶ່ງ ໃນຈຳນວນ 50 ຊະນິດໝາກໄມ້ພິເສດຂອງ ຫວຽດ ນາມ. |
ຕາມທ່ານ ຮວິ່ງທິແທງເຟືອງ, ຮອງປະທານຄະນະກຳມະການປະຊາຊົນເທດສະບານຖ້ວນອານແລ້ວ, ຍ້ອນເງື່ອນໄຂ ທຳມະ ຊາດ, ຜະລິດຕະພັນທ່ອງທ່ຽວຂອງ ຖ້ວນອານ ນັ້ນຄືສວນໝາກໄມ້ ລ້າຍທ່ຽວ ບໍ່ສາມາດແຍກຈາກການພັດທະນາການທ່ອງທ່ຽວເຂດຕາເວັນອອກສຽງໃຕ້ໄດ້. ເພາະສະນັ້ນ, ການຮ່ວມມືພັດທະນາລະຫວ່າງນະຄອນ ໂຮ່ຈີມິນ ແລະ ບັນດາແຂວງໃກ້ຄຽງໃນຂົງເຂດແມ່ນຍຸດທະສາດສຳຄັນ. ສິ່ງດັ່ງກ່າວ ຈະກໍ່ສ້າງກົນໄກຮ່ວມມືພັດທະນາການ ທ່ອງທ່ຽວ, ໃຫ້ເໝາະສົມກັບຊັບພະຍາກອນທ່ອງທ່ຽວທຳມະຊາດ, ປະ ຫວັດສາດ-ວັດທະນະທຳຂອງທ້ອງຖິ່ນ.
ບົດ: ຫງວຽນຫວູແທ່ງດາດ - ພາບ: ທົງຫາຍ
