• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ໄຂກອງປະຊຸມຄະນະປະຈຳສະພາແຫ່ງຊາດຄັ້ງທີ 47

ກອງປະຊຸມຖືກດຳເນີນໃນລະຫວ່າງວັນທີ 10 – 12 ສິງຫາ, ຄະນະປະຈຳສະພາແຫ່ງຊາດຈະດຳເນີນການພິຈາລະນາ, ປະກອບຄຳເຫັນໃສ່ຫຼາຍເນື້ອໃນສຳຄັນ.


ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ

(ພາບ: VGP)


ຕອນເຊົ້າວັນທີ 10 ສິງຫາ, ຢູ່ຮ່າໂນ້ຍ, ໄດ້ໄຂກອງປະຊຸມຄະນະປະຈຳສະພາແຫ່ງຊາດຄັ້ງທີ 47. ກອງປະຊຸມຖືກດຳເນີນໃນລະຫວ່າງວັນທີ 10 – 12 ສິງຫາ, ຄະນະປະຈຳສະພາແຫ່ງຊາດຈະດຳເນີນການພິຈາລະນາ, ປະກອບຄຳເຫັນໃສ່ຫຼາຍເນື້ອໃນສຳຄັນ.

        ກ່າວຄຳເຫັນໄຂກອງປະຊຸມຄັ້ງທີ 47, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ຊີ້ແຈ້ງວ່າ: ກອງປະຊຸມຖືກດຳເນີນໃນສະພາບເກີດໂລກລະບາດໂຄວິດ-19 ຄັ້ງໃໝ່ ດ້ວຍບັນດາການຜັນແປທີ່ສັບສົນ. ດ້ວຍບົດຮຽນທີ່ມີຢູ່ແລ້ວ, ທັງລະບົບການເມືອງຈາກຂັ້ນສູນກາງລົງຮອດຂັ້ນຮາກຖານ, ໂດຍສະເພາະແມ່ນຢູ່ບັນດາທ້ອງຖິ່ນ, ພາຍໃຕ້ການຊີ້ນນຳພາໂດຍກົງຈາກລັດຖະບານ, ທັງລະບົບການເມືອງສືບຕໍ່ສາມັກຄີກັນຮ່ວມແຮງຮ່ວມໃຈຄວບຄຸມເຂດເກີດໂລກລະບາດ. ທ່ານນາງປະທານສະພາແຫ່ງຊາດ ຫງວຽນທິກິມເງິນ ເນັ້ນໜັກວ່າ: ບັນດາອົງການ, ສຳນັກງານຕ້ອງຮັບມືກັບສະພາບການໃນປະຈຸບັນ ເພື່ອໃຫ້ມີແຜນການຜັນຂະຫຍາຍ ແລະ ປະຕິບັດສຳເລັດບັນດາໜ້າທີ່ໃນຊຸມເດືອນທີ່ຍັງເຫຼືອຂອງທ້າຍປີ 2020.

        ທີ່ກອງປະຊຸມນີ້, ຄະນະປະຈຳສະພາແຫ່ງຊາດໄດ້ປະກອບຄຳເຫັນກ່ຽວກັບບາງບັນຫາທີ່ຍັງມີຄວາມເຫັນແຕກຕ່າງກັນຂອງ 4 ຮ່າງກົດໝາຍ, ລວມມີ: ກົດໝາຍວ່າດ້ວຍການພັກອາໄສ (ສະບັບປັບປຸງ); ກົດໝາຍວ່າດ້ວຍການປັບປຸງ, ເພີ່ມເຕີ່ມບາງມາດຕາຂອງກົດໝາຍວ່າດ້ວຍການປັບໄໝລົງໂທດການລະເມີດບໍລິຫານ; ກົດໝາຍວ່າດ້ວຍການປ້ອງກັນຊາດຫວຽດນາມ; ກົດໝາຍວ່າດ້ວຍການປົກປັກຮັກສາສິ່ງແວດລ້ອມ (ສະບັບປັບປຸງ).

        ຄະນະປະຈຳສະພາແຫ່ງຊາດກໍ່ປະກອບຄຳເຫັນໃສ່ຍຸດທະສາດພັດທະນາອົງການກວດສອບແຫ່ງລັດຮອດປີ 2030; ບົດລາຍງານໝາກຜົນ 3 ປີແຫ່ງການປະຕິບັດມະຕິເລກທີ 42, ປີ 2017 ຂອງສະພາແຫ່ງຊາດຊຸດທີ 14…

(ແຫຼ່ງຄັດຈາກ VOV)

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ກວ່າເຄິ່ງໜຶ່ງມູນຄ່າການສົ່ງອອກຂອງ ຫວຽດນາມ ໄປຍັງ ອາເມລິກາ ແມ່ນບັນດາຜະລິດຕະພັນເຕັກໂນໂລຢີສູງ (ເຄື່ອງໃຊ້ເອເລັກໂຕນິກ, ໂທລະສັບສະມາດຟົນ), ເຄື່ອງຕັດຫຍິບ ແລະ ເກີບ, ສ່ວນຍັງເຫຼືອແມ່ນບັນດາຜະລິດຕະພັນອື່ນ ຄືເຄື່ອງເຟີນີເຈີ ແລະ ຜະລິດຕະພັນກະເສດ.

Top