ບັນຍາກາດກອງປະຊຸມສຳມະນາ (ພາບ: hanoimoi.com.vn)
ດັ່ງນັ້ນ, ປີ 2018 ດ້ວຍຫຼາຍສັນຍານຄວາມເປັນໄປໄດ້ແມ່ນຫຼາຍກວ່າປີ 2017 ນັ້ນ ຈະແມ່ນປີທີ່ມີ ກາລະໂອກາດ ແລະ ບາດກ້າວກະໂດດຂັ້ນໃຫ້ແກ່ພື້ນຖານເສດຖະກິດ. ກອງປະຊຸມສຳມະນາເສດຖະກິດ ໂດຍ ໜັງສືພິມເສດຖະກິດຫວຽດນາມ ໄດ້ສົມທົບກັບຫ້ອງການການຄ້າ ແລະ ອຸດສາຫະກຳ ຫວຽດນາມ (VCCI)ຈັດຂຶ້ນ, ເຊິ່ງໄດ້ດຳເນີນໃນວັນທີ 20 ມີນາ, ທີ່ນະຄອນໂຮ່ຈີມິນ (ຫວຽດນາມ).
ກ່າວຄຳເຫັນທີ່ກອງປະຊຸມສຳມະນາ, ທ່ານ ໂງວັນຕ໋ວນ, ຮອງຫົວໜ້າຄະນະເສດຖະກິດສູນກາງ ໃຫ້ຮູ້ວ່າ ປີ 2017 ໄດ້ມີບັນດາຕົວເລກທີ່ໜ້າປະທັບໃຈທີ່ສຸດ: ສຳເລັດ ແລະ ລື່ນກາຍ 13 ຄາດໝາຍ ທີ່ໄດ້ວາງອອກທັງໝົດ, ໃນນັ້ນ GDP ເພີ່ມຂຶ້ນ 6.81%; ສະພາບແວດລ້ອມເສດຖະກິດຂອງຫວຽດນາມ ເພີ່ມຂຶ້ນ ຈາກອັນດັບ 82 ເປັນ ອັນດັບ 68/190 ພື້ນຖານເສດຖະກິດ; ດັດສະນີກຳລັງສາມາດແກ້ງແຍ້ງ ເພີ່ມຂຶ້ນຈາກ 60 ເປັນ 55/137 ພື້ນຖານເສດຖະກິດ… ພ້ອມກັນນັ້ນ, ຫວຽດນາມກໍຕັ້ງໜ້າເຊື່ອມໂຍງ ເຂົ້າກັບສາກົນ ເພື່ອຊຸກຍູ້ການປ່ຽນແປງໃໝ່ ແລະ ມີຫົວຄິດປະດິດສ້າງພາຍໃນປະເທດ. ບັນດາຂີດ ໝາຍນີ້ ໄດ້ປະກອບສ່ວນຊຸກຍູ້ການຮ່ວມສຳພັນເສດຖະກິດຢ່າງແຮງກວ່າ ແລະ ຍົກສູງກຳລັງ ແກ້ງແຍ້ງຂອງຫວຽດນາມໃນຕະຫຼາດໂລກ.ກ່ຽວກັບແງ່ຫວັງໃນໄລຍະຈະມາເຖິງ, ທ່ານ ຫວູວຽດງວ້ານ, ສະມາຊິກໜ່ວຍໃຫ້ປຶກສາດ້ານ ເສດຖະກິດຂອງນາຍົກລັດຖະມົນຕີ ຖືວ່າ ປີ 2018 ຈະແມ່ນປີມີທັງກາລະໂອກາດ ແລະ ສິ່ງທ້າທາຍ ສະຫຼັບກັນ. ສຳລັບກາລະໂອກາດ ປີ 2018, ເສດຖະກິດໂລກຈະມີການເຄື່ອນເໜັງຢ່າງຕັ້ງໜ້າກວ່າ ເມື່ອທຽບໃສ່ປີ 2017.
(ແຫຼ່ງຄັດຈາກ VOV)