(ຮັບປະກັນຄວາມສະຫງົບປອດໄພໃຫ້ສັບປະດາຂັ້ນສູງ APEC 2017 ຢ່າງເດັດຂາດ)
ທ່ານປະທານປະເທດ ຫວຽດນາມ ເຈີ່ນດ້າຍກວາງ ຊີ້ແຈ້ງວ່າ ສັບປະດາຂັ້ນສູງ APEC ຄັ້ງທີ 25 ຈະດຳເນີນຢູ່ນະຄອນດ່ານັງ ແຕ່ວັນທີ 06-11 ຕຸລາ, ເຊິ່ງແມ່ນເຫດການສຳຄັນທີ່ສຸດຂອງປີ APEC 2017 ດ້ວຍການເຂົ້າຮ່ວມຂອງປະມຸກລັດ, ຫົວໜ້າຄະນະ 21 ພື້ນຖານເສດຖະກິດສະມາຊິກ, ຮັບປະກັນການປ້ອງກັນຄວາມປອດໄພຢູ່ໃນລະດັບສູງສຸດ. ທ່ານປະທານປະເທດ ເຈີ່ນດ້າຍກວ່າງ ເນັ້ນໜັກວ່າ ວຽກງານຮັບປະກັນຄວາມສະຫງົບປອດໄພ, ຄວາມເປັນລະບຽບຮຽບຮ້ອຍໃຫ້ສັບປະດາຂັ້ນສູງ APEC ໄດ້ຕອບສະໜອງໄດ້ຄວາມຮຽກຮ້ອງຕ້ອງການໂດຍພື້ນຖານ. ເພື່ອຮັບປະກັນຄວາມສະຫງົບປອດໄພໃຫ້ສັບປະດາຂັ້ນສູງ APEC 2017 ຢ່າງເດັດຂາດນັ້ນ, ທ່ານປະທານປະເທດ ເຈີ່ນດ້າຍກວ່າງ ສະເໜີໃຫ້ ກະຊວງຕຳຫຼວດ, ກະຊວງປ້ອງກັນປະເທດ, ອານຸກຳມະການປ້ອງກັນຄວາມສະຫງົບ - ສາທາລະນະສຸກ ແລະ ບັນດາກະຊວງ, ຂະແໜງການ, ທ້ອງຖິ່ນຕ່າງໆທີ່ກ່ຽວຂ້ອງກວດກາຄືນຢ່າງຮີບດ່ວນ, ເພີ່ມເຕີມ, ສ້າງແຜນການປ້ອງກັນຄວາມປອດໄພສັບປະດາຂັ້ນສູງ APEC 2017 ຢູ່ດ່ານັງ ໃຫ້ສຳເລັດ, ໃນນັ້ນມີວິທີການສຳຮອງ ແລະ ແກ້ໄຂກໍລະນີທີ່ເກີດໃໝ່. ພ້ອມທັງ, ສ້າງວິທີການປ້ອງກັນບັນດາຄະນະຜູ້ແທນຂັ້ນສູງໃນການພົບປະ, ຢ້ຽມຢາມສອງຝ່າຍ ຢູ່ດ່ານັງ, ກວາງນາມ, ຮ່າໂນ້ຍ, ນະຄອນໂຮ່ຈີມິນ ແລະ ບັນດາທ້ອງຖິ່ນທີ່ກ່ຽວຂ້ອງໃຫ້ສຳເລັດ.
ທ່ານປະທານປະເທດ ເຈີ່ນດ້າຍກວາງ ກໍ່ໄດ້ສະເໜີໃຫ້ ກະຊວງຕຳຫຼວດ ສືບຕໍ່ສົມທົບກັບກຳລັງປ້ອງກັນຄວາມສະຫງົບ, ຕຳຫຼວດບັນດາປະເທດຕ່າງໆເພື່ອແລກປ່ຽນຂໍ້ມູນຂ່າວສານທີ່ກ່ຽວຂ້ອງເຖິງວຽກງານຮັບປະກັນຄວາມສະຫງົບປອດໄພ. ສົມທົບກັບອົງການຕຳຫຼວດຄະດີອາຍາສາກົນ ແລະ ອົງການຕຳຫຼວດຄະດີອາດຍາບັນດາປະເທດ ອາຊຽນ ຜັນຂະຫຍາຍບັ້ນເຄື່ອນໄຫວປ້ອງກັນໄລຍະໄກຜ່ານການກວດກາໃນລະບົບຖານຂໍ້ມູນດີຈີຕອນກ່ຽວກັບເປົ້າໝາຍກໍ່ການຮ້າຍ, ສົງໄສເປັນຜູ້ກໍ່ການຮ້າຍ ແລະ ຕາມລາໃນຂອບເຂດສາກົນເພື່ອມີມາດຕະການສະກັດກັ້ນຢ່າງທັນການ.
(ແຫຼ່ງຄັດຈາກ VOV)
