ວັນທີ 2 ພຶດສະພາ ອັງກິດ ເຊິ່ງແມ່ນປະເທດເປັນປະທານໝູນວຽນ ຂອງກຸ່ມ 7 ປະເທດອຸດສາຫະກຳພັດທະນາແຖວໜ້າຂອງໂລກ (G7) ໄດ້ແຈ້ງໃຫ້ຊາບບັນດາເປົ້າໝາຍກ່ຽວກັບການຊ່ວຍໜູນ ດ້ານການເງິນໃຫ້ແກ່ການຕໍ່ສູ້ຕ້ານການປ່ຽນແປງຂອງດິນຟ້າອາກາດ ແລະ ການສຶກສາໃຫ້ແກ່ ເດັກຍິງ ຈະແມ່ນເນື້ອໃນສຳຄັນແຖວໜ້າ ໃນການພົບປະລະຫວ່າງລັດຖະມົນຕີການຕ່າງປະເທດ G7ເຊິ່ງຄາດວ່າຈະດຳເນີນແຕ່ 3 ພຶດສະພາ ຢູ່ນະຄອນຫຼວງ ລອນດອນ ຂອງ ອັງກິດ.
ໃນແຈ້ງການສະບັບໜຶ່ງທ່ານລັດຖະມົນຕີການຕ່າງປະເທດ ອັງກິດ ໂດມິນິກ ຣາບ ຢືນຢັນວ່າ ບັນດາປະເທດ G7 ຈະມີການກະທຳແນໃສ່ຮັບປະກັນການສຳຜັດຢ່າງຍຸດຕິທຳ ຕໍ່ຢາວັກຊີນກັນ ໂຄວິດ - 19 ໃນທົ່ວໂລກ. ພ້ອມກັນນັ້ນບັນດາປະເທດຈະວາງອອກບັນດາເປົ້າໝາຍກ່ຽວກັບການສຶກສາໃຫ້ແກ່ເດັກຍິງ ພ້ອມກັນເຫັນດີຕໍ່ແຜນການທະເຍີທະຍານ ໃນການຕໍ່ສູ້ຕ້ານການປ່ຽນແປງຂອງດິນຟ້າອາກາດ ແລະ ຍົກອອກບັນດາມາດຕະການໃໝ່ ແນໃສ່ສະກັດກັ້ນໄພອຶດຫິວ.
(ແຫຼ່ງຄັດຈາກ VOV)
