ທ່ານ ຟ້າມບິ່ງມິງ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ໂອ້ລົມທາງໂທລະສັບກັບເຈົ້າຊາຍ Faisal bin Farhan Al Saud ລັດຖະມົນຕີກະຊວງການຕ່າງປະເທດ ອາຣັບບິ ຊາອຸດິ (ພາບ: Baoquocte)

ທີ່ການໂອ້ລົມທາງໂທລະສັບທ່ານ ຟ້າມບິ່ງມິງ ໄດ້ຢັ້ງຢືນວ່າ ຫວຽດນາມ ຖືເປັນສຳຄັນ ແລະ ມີຄວາມປາດຖະໜາຢາກພັດທະນາການພົວພັນຮ່ວມມືມິດຕະພາບກັບອາຣັບບິ ຊາອຸດິ ໃນຫຼາຍດ້ານ ໃຫ້ຫຼາຍກ່ວາອີກ.

ລັດຖະມົນຕີສອງທ່ານ ໄດ້ຕີລາຄາສູງເລື່ອງການນຳກະຊວງການຕ່າງປະເທດສອງປະເທດ ມີການໂອ້ລົມທາງໂທລະສັບເປັນປະຈຳເພື່ອແລກປ່ຽນກ່ຽວກັບບັນຫາທີ່ຕ່າງຝ່າຍຕ່າງມີຄວາມສົນໃຈ, ຖືນີ້ແມ່ນຫຼັກຖານທີ່ມີຊີວິດຊີວາຂອງການພົວພັນຮ່ວມມືອັນດີງາມລະຫວ່າງສອງກະຊວງການຕ່າງປະເທດເວົ້າສະເພາະ ແລະ ສອງປະເທດເວົ້າລວມ.

        ລັດຖະມົນຕີສອງທ່ານໄດ້ເນັ້ນໜັກວ່າ ສອງຝ່າຍຄວນເພີ່ມທະວີການພົວພັນສອງຝ່າຍໃຫ້ຫຼາຍກ່ວາອີກໃນບັນດາຂົງເຂດຄື ການເມືອງ, ເສດຖະກິດ, ການລົງທຶນ, ການທ່ອງທ່ຽວ… ເພື່ອຜົນປະໂຫຍດຂອງປະຊາຊົນສອງປະເທດ, ເພື່ອສັນຕິພາບ ແລະ ສະຖຽນລະພາບໃນພາກພື້ນ ແລະ ໂລກ.

(ແຫຼ່ງຄັດຈາກ VOV)