• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫວຽດນາມ ເປັນປະທານກອງປະຊຸມກ່ຽວກັບ ຊູດັງໃຕ້ ຢູ່ສະຫະປະຊາຊາດ

      ທ່ານເອກອັກຄະລັດຖະທູດ ດັ້ງດິ່ງກຸຍ ໄດ້ກະຕຸກຊຸກຍູ້ໃຫ້ລັດຖະບານ ຊູດັງໃຕ້ ແລະ ບັນດາຝ່າຍທີ່ກ່ຽວຂ້ອງ ຈົ່ງເພີ່ມທະວີການຮ່ວມມືກວ່າອີກໃນການຜັນຂະຫຍາຍບັນດາມະຕິກ່ຽວຂ້ອງ ຂອງສະພາຄວາມໝັ້ນຄົງ
ທ່ານເອກອັກຄະລັດຖະທູດ ດັ້ງດິ່ງກຸຍ
(ພາບ: TTXVN)
      ວັນທີ 18 ມິຖຸນາ, ຢູ່ສຳນັກງານສະຫະປະຊາຊາດ, ທີ່ນິວຢອກ, ປະເທດອາເມລິກາ, ດ້ວຍຖານະເປັນປະທານຄະນະກຳມະການຂຶ້ນກັບຂອງສະພາຄວາມໝັ້ນຄົງສະຫະປະຊາຊາດກ່ຽວກັບ ຊູດັງໃຕ້ (ຄະນະກຳມະການ 2206), ທ່ານເອກອັກຄະລັດຖະທູດ ດັ້ງດິ່ງກຸຍ, ຫົວໜ້າຄະນະຜູ້ຕາງໜ້າຫວຽດນາມ ປະຈຳສະຫະປະຊາຊາດ, ໄດ້ເປັນປະທານກອງປະຊຸມຂອງຄະນະກຳມະການ. ກ່າວຄຳເຫັນທີ່ກອງປະຊຸມ, ທ່ານເອກອັກຄະລັດຖະທູດ ດັ້ງດິ່ງກຸຍ ໄດ້ກະຕຸກຊຸກຍູ້ໃຫ້ລັດຖະບານ ຊູດັງໃຕ້ ແລະ ບັນດາຝ່າຍທີ່ກ່ຽວຂ້ອງ ຈົ່ງເພີ່ມທະວີການຮ່ວມມືກວ່າອີກໃນການຜັນຂະຫຍາຍບັນດາມະຕິກ່ຽວຂ້ອງ ຂອງສະພາຄວາມໝັ້ນຄົງ, ໃນນັ້ນມີມະຕິເລກທີ 2577, ເພື່ອແນໃສ່ມຸ່ງໄປເຖິງເລື່ອງລົບລ້າງຄຳສັ່ງຂວ້ຳບາດຫ້າມອາວຸດສຳລັບ ຊູດັງໃຕ້ ເມື່ອເງື່ອນໄຂອະນຸຍາດ. ນອກນັ້ນ, ຄວນເພີ່ມທະວີການເຈລະຈາ ແລະ ການຮ່ວມມືລະຫວ່າງກຸ່ມນັກຊ່ຽວຊານກ່ຽວກັບ ຊູດັງໃຕ້ (PoE) ກັບ ຊູດັງໃຕ້ ແລະ ບັນດາປະເທດໃນພາກພື້ນ.
        ແລະກໍ່ໃນວັນດຽວກັນ, ສະມັດຊາໃຫຍ່ສະຫະປະຊາຊາດ ໄດ້ຈັດກອງປະຊຸມ ແລະ ຮັບຮອງເອົາມະຕິກ່ຽວກັບສະພາບການຢູ່ມຽນມາ. ກ່າວຄຳເຫັນທີ່ກອງປະຊຸມ, ທ່ານເອກອັກຄະລັດຖະທູດ ດັ້ງດິ່ງກຸຍ ໄດ້ຢ້ຳຄືນຄຳຮຽກຮ້ອງໃຫ້ທຸກຝ່າຍຢູ່ ມຽນມາ ຈົ່ງຢຸດຕິການໃຊ້ຄວາມຮຸນແຮງໂດຍທັນທີ, ຟື້ນຟູຄວາມໄວ້ເນື້ອເຊື່ອໃຈ, ເລີ່ມເຄື່ອນໄຫວການເຈລະຈາໄກ່ເກ່ຍ.
 (ແຫຼ່ງຄັດຈາກ VOV)

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ກວ່າເຄິ່ງໜຶ່ງມູນຄ່າການສົ່ງອອກຂອງ ຫວຽດນາມ ໄປຍັງ ອາເມລິກາ ແມ່ນບັນດາຜະລິດຕະພັນເຕັກໂນໂລຢີສູງ (ເຄື່ອງໃຊ້ເອເລັກໂຕນິກ, ໂທລະສັບສະມາດຟົນ), ເຄື່ອງຕັດຫຍິບ ແລະ ເກີບ, ສ່ວນຍັງເຫຼືອແມ່ນບັນດາຜະລິດຕະພັນອື່ນ ຄືເຄື່ອງເຟີນີເຈີ ແລະ ຜະລິດຕະພັນກະເສດ.

Top