ພາບປະກອບ
ວັນທີ 15 ພຶດສະພາ, ຄະນະກວດກາຂອງ EU ມາຢ້ຽມຢາມ ຫວຽດນາມ, ເຮັດວຽກກັບກະຊວງກະສິກຳ ແລະ ພັດທະນາຊົນນະບົດ, ບາງທ້ອງຖິ່ນແຄມທະເລ, ວິສາຫະກິດປຸງແຕ່ງ, ສົ່ງອອກສິນໃນນ້ຳເພື່ອກວດກາ, ຕີລາຄາຄືນໝາກຜົນເຊິ່ງ ຫວຽດນາມ ເຮັດໄດ້ໃນການແກ້ໄຂ “ບັດເຫຼືອງ” ຂອງຄະນະກຳມະການ ເອີລົບ (EC) ສຳລັບການສົ່ງອອກສິນໃນນ້ຳທີ່ຫາມາໄດ້ຈາກທະເລຂອງ ຫວຽດນາມ ເຂົ້າຕະຫຼາດເອີລົບ. ເພື່ອຮັບໃຊ້ໃຫ້ຄະນະກວດກາຂອງ EU ມາ ຫວຽດນາມ ນັ້ນ, ກົມໃຫຍ່ສິນໃນນ້ຳໄດ້ສ້າງຕັ້ງຫ້ອງການ IUU; ໃນນັ້ນ, ມີບັນດາເອກະສານກ່ຽວຂ້ອງຢ່າງຄົບຖ້ວນເພື່ອຮັບໃຊ້ການເຮັດວຽກກັບ EU. ພິເສດ, ກົມໃຫຍ່ສິນໃນນ້ຳ ໄດ້ມີລະບົບພື້ນຖານເອກະສານອາຊີບຫາປາລວມມີລະບົບທີ່ຮັບປາ, ເຮືອກ່ຳປັ່ນ…
ກ່ຽວກັບບັນດາໝາກຜົນເຊິ່ງ ຫວຽດນາມ ບັນລຸໄດ້ ໃນການແກ້ໄຂ “ບັດເຫຼືອງ” ຂອງ EC, ທ່ານລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ຫງວຽນຊວນເກື່ອງ ຖືວ່າ, ປະຈຸບັນ, ຫວຽດນາມ ໄດ້ສ້າງສຳເລັດ 9 ຂໍ້ສະເໜີແນະເຊິ່ງ EC ຍົກອອກມາເປັນເທື່ອລະກ້າວ ເພື່ອຮັບປະກັນອາຊີບຫາປາຢ່າງມີຄວາມຮັບຜິດຊອບ, ຍືນຍົງ. ບັນດາເນື້ອໃນທີ່ໄດ້ເຕື້ອງເຖິງໃນ 9 ຂໍ້ສະເໜີແນະກໍ່ໄດ້ນຳເຂົ້າໃນກົດໝາຍວ່າດ້ວຍສິນໃນນ້ຳເຊິ່ງສະພາແຫ່ງຊາດໄດ້ຮັບຮອງເອົາ.
(ແຫຼ່ງຄັດຈາກ VOV)
