(ພາບ: baoquocte.vn)
ວັນທີ 07 ພຶດສະພາ, ໂດຍໄດ້ຮັບຄຳເຊີນຂອງທ່ານລັດຖະມົນຕີການຕ່າງປະເທດຈີນ ຫວາງອີ, ປະທານສະພາຄວາມໝັ້ນຄົງສະຫະປະຊາຊາດເດືອນ ພຶດສະພາ 2021, ທ່ານລັດຖະມົນຕີການຕ່າງປະເທດຫວຽດນາມ ບຸຍແທັງເຊີນ ໄດ້ເຂົ້າຮ່ວມ ແລະ ກ່າວຄຳເຫັນທີ່ວາລະປຶກສາຫາລີເປີດຂັ້ນລັດຖະມົນຕີທາງອອນລາຍ ຂອງສະພາຄວາມໝັ້ນຄົງສະຫະປະຊາຊາດ ດ້ວຍຫົວຂໍ້ “ເພີ່ມທະວີລັດທິຫຼາຍຝ່າຍ ແລະ ລະບົບສາກົນໂດຍສະຫະປະຊາຊາດເປັນໃຈກາງ”
ກ່າວຄຳເຫັນທີ່ກອງປະຊຸມ, ທ່ານລັດຖະມົນຕີ ບຸຍແທັງເຊີນ ໄດ້ຊົມເຊີຍຂໍ້ລິເລີມຂອງຈີນ ແລະ ຖືວ່າ ການຮ່ວມມືຫຼາຍຝ່າຍມີຄວາມໝາຍຫຼັກແຫຼ່ງໃນສະພາບເກີດບັນດາສິ່ງທ້າທາຍທົ່ວໂລກ. ທ່ານລັດຖະມົນຕີໄດ້ຢ້ຳຄືນບັນດາຄຳໝັ້ນສັນຍາຢ່າງແຮງຂອງສະພາຄວາມໝັ້ນຄົງສະຫະປະຊາຊາດກ່ຽວກັບການຊຸກຍູ້ລັດທິຫຼາຍຝ່າຍ, ເຄົາລົບກົດບັດສະຫະປະຊາຊາດ ແລະ ສ້າງລະບຽບຮຽບຮ້ອຍສາກົນ ໂດຍອີງໃສ່ກົດໝາຍສາກົນຄືດັ່ງໄດ້ຍົກອອກມາໃນຖະແຫຼງການປະທານ ເຊິ່ງສະພາຄວາມໝັ້ນຄົງໄດ້ຮັບຮອງເອົາເມືອຫວຽດນາມ ດຳລົງຕຳແໜ່ງປະທານໃນເດືອນ ມັງກອນ 2020.ທ່ານລັດຖະມົນຕີ ບຸຍແທັງເຊີນ ໄດ້ຮຽກຮ້ອງໃຫ້ປະຊາຄົມສາກົນຈົ່ງຊຸກຍູ້ວັດທະນະທຳເຄົາລົບກົດບັດສະຫະປະຊາຊາດ ແລະ ກົດໝາຍສາກົນ; ຄັດຄ້ານບັນດາການກະທຳບິບບັງຄັບ, ນຳໃຊ້ອາວຸດໃນການພົວພັນສາກົນ. ທ່ານລັດຖະມົນຕີ ກໍ່ຮຽກຮ້ອງໃຫ້ມານະພະຍາຍາມປະຕິຮູບບັນດາລະບອບຫຼາຍຝ່າຍ.
(ແຫຼ່ງຄັດຈາກ VOV)
