• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ສຸມກຳລັງເພື່ອດັບມອບໂລກລະບາດໃຫ້ໄວທີ່ສຸດຢູ່ບັນດາແຂວງທີ່ພວມແຜ່ລະບາດຢ່າງແຮງ

      ຕອນເຊົ້າວັນທີ 22 ກໍລະກົດ, ໃນຂອບເຂດກອງປະຊຸມຄັ້ງປະຖົມມະລຶກ, ສະພາແຫ່ງຊາດຫວຽດນາມ ຊຸດທີ XV, ທ່ານຮອງນາຍົກລັດຖະມົນຕີຫວຽດນາມ ຟ້າມບິ່ງມິນ ໄດ້ລາຍງານຕໍ່ສະພາແຫ່ງຊາດກ່ຽວກັບໝາກຜົນການປະຕິບັດແຜນການພັດທະນາເສດຖະກິດ - ສັງຄົມ ໄລຍະ 6 ເດືອນຕົ້ນປີ 2021 ແລະ ບັນດາມາດຕະການໃນການປະຕິບັດແຜນການພັດທະນາເສດຖະກິດ - ສັງຄົມ ໄລຍະ 6 ເດືອນ ທ້າຍປີ.
ທ່ານຮອງນາຍົກລັດຖະມົນຕີຫວຽດນາມ ຟ້າມບິ່ງມິນ ທີ່ກອງປະຊຸມ (ພາບ: VOV)
      ໃນບົດລາຍງານຂອງທ່ານຮອງນາຍົກລັດຖະມົນຕີ, ສະພາບການປ້ອງກັນ, ຕ້ານໂລກລະບາດໂຄວິດ - 19 ຢູ່ ຫວຽດນາມ ແມ່ນເນື້ອໃນທີ່ໄດ້ເວົ້າເຖິງທຳອິດ. ຕາມທ່ານຮອງນາຍົກລັດຖະມົນຕີແລ້ວ, ການແຜ່ລະບາດຮອບທີ 4 ນີ້ ເຊື້ອໄວຣັດກາຍພັນໃໝ່ Delta ໄດ້ສົ່ງຜົນກະທົບຢ່າງແຮງເຖິງບາງແຂວງ, ນະຄອນຢູ່ພາກເໜືອ ເຊິ່ງລວມມີ ບັກຢາງ, ບັກນິງ, ຫາຍເຢືອງ, ກວ໋າງນິງ, ຮ່າໂນ້ຍ  ແລະ ສົ່ງຜົນກະທົບຢ່າງຮ້າຍແຮງເຖິງເຂດເສດຖະກິດຈຸດສຸມຢູ່ພາກໃຕ້, ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ, ພິເສດແມ່ນນະຄອນ ໂຮ່ຈີມິນ. ຕໍ່ໜ້າການຜັນແປຢ່າງສັບສົນຂອງໂລກລະບາດໂຄວິດ - 19, ການນຳທຸກຂັ້ນຂອງ ຫວຽດນາມ ໄດ້ມີການຊີ້ນຳຢ່າງຂ້ຽວຊາດ, ໃກ້ຊິດຕິດແທດ ແລະ ມີໄຫວພິບ. ຫວຽດນາມ ກໍຜັນຂະຫຍາຍຫຼາຍມາດຕະການທາງການທູດ, ຊຸກຍູ້ທຸກມາດຕະການທີ່ຈະສາມາດເປັນໄປໄດ້ ເພື່ອໃຫ້ມີປະລິມານວັກຊິນຫຼາຍທີ່ສຸດ ແລະ ຈັດຕັ້ງບັ້ນສັກວັກຊິນຢ່າງທັນການ.
        ກ່ຽວກັບໜ້າທີ່, ມາດຕະການຕົ້ນຕໍໃນຊຸມເດືອນທີ່ຍັງເຫຼືອຂອງປີ 2021, ບົດລາຍງານຂອງລັດຖະບານ ໄດ້ຢັ້ງຢືນວ່າ ຈະຕັດສິນໃຈປະຕິບັດເປົ້າໝາຍຄວບຄູ່, ແຕ່ບຸລິມະສິດໃນຈຸດເວລານີ້ ແມ່ນສຸມກຳລັງເຂົ້າໃນການປ້ອງກັນ, ຕ້ານໂລກລະບາດໂຄວິດ - 19 ໃຫ້ມີປະສິດທິຜົນ, ໃນນັ້ນ ສຸມໃສ່ບາງເນື້ອໃຈຈຸດສຸມດັ່ງນີ້:
            “ຄວບຄຸມ, ບໍ່ປະໃຫ້ໂລກລະບາດສືບຕໍ່ແຜ່ລະບາດ ແລະ ແຜ່ລາມອອກສູ່ວົງກວ້າງ, ນຳສະພາບການກັບມາເປັນປົກກະຕິໂດຍໄວ. ສຸມໃສ່ປະຕິບັດບັນດາມາດຕະການເປັນເຈົ້າການໃນການປ້ອງກັນ, ສະກັດກັ້ນໂລກລະບາດຢ່າງເຂັ້ມງວດ, ຜັນຂະຫຍາຍຍຸດທະສາດວັກຊິນຢ່າງມີປະສິດທິຜົນ ແລະ ຍົກສູງສະຕິຄວາມຮັບຮູ້ຂອງປະຊາຊົນໃນການປະຕິບັດບັນດາຂໍ້ກຳນົດໃນການປ້ອງກັນ, ສະກັດກັ້ນໂລກລະບາດຢ່າງເຂັ້ມງວດ ແມ່ນປັດໄຈພື້ນຖານ, ຍຸດທະສາດ ແລະ ມີລັກສະນະຕັດສິນ; ເປັນເຈົ້າການວາງອອກແຜນການຕ່າງໆເພື່ອຮັບມືກັບທຸກສະພາບການໄດ້ຢ່າງທັນການ, ໂດຍສະເພາະແມ່ນເມື່ອໂລກລະບາດພວມແຜ່ລາມເຂົ້າບັນດາເຂດອຸດສາຫະກຳ, ເຂດຊຸມຊົນທີ່ມີອັດຕາປະຊາກອນສູງ. ໃນສະເພາະໜ້າ, ຈົ່ງສຸມກຳລັງເພື່ອດັບມອບໂລກລະບາດຢູ່ນະຄອນ ໂຮ່ຈີມິນ ແລະ ບັນດາແຂວງທີ່ມີການແຜ່ລະບາດຢ່າງແຮງໃນເວລາໄວທີ່ສຸດ”.
ບັນດາສະມາຊິກສະພາແຫ່ງຊາດ ເຂົ້າຮ່ວມກອງປະຊຸມ (ພາບ: VOV)
       ບົດລາຍງານຂອງລັດຖະບານກໍໄດ້ເນັ້ນໜັກວ່າ ພ້ອມກັບການປະຕິບັດຍຸດທະສາດວັກຊິນຢ່າງມີປະສິດທິຜົນ ແມ່ນຕ້ອງກະກຽມແຫຼ່ງຊັບພະຍາກອນມະນຸດ, ພື້ນຖານວັດຖຸທີ່ຈຳເປັນໃຫ້ພຽງພໍ ແລະ ຜັນຂະຫຍາຍບັ້ນສັກວັກຊິນໃນທົ່ວປະເທດຢ່າງທັນການ, ປອດໄພ, ມີວິທະຍາສາດ, ມີປະສິດທິຜົນ ເພື່ອສ້າງພູມຄຸ້ມກັນເປັນໝູ່ໂດຍໄວ, ຊ້າສຸດແມ່ນໃນຊຸມເດືອນຕົ້ນປີ 2022.
(ແຫຼ່ງຄັດຈາກ VOV)

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ກວ່າເຄິ່ງໜຶ່ງມູນຄ່າການສົ່ງອອກຂອງ ຫວຽດນາມ ໄປຍັງ ອາເມລິກາ ແມ່ນບັນດາຜະລິດຕະພັນເຕັກໂນໂລຢີສູງ (ເຄື່ອງໃຊ້ເອເລັກໂຕນິກ, ໂທລະສັບສະມາດຟົນ), ເຄື່ອງຕັດຫຍິບ ແລະ ເກີບ, ສ່ວນຍັງເຫຼືອແມ່ນບັນດາຜະລິດຕະພັນອື່ນ ຄືເຄື່ອງເຟີນີເຈີ ແລະ ຜະລິດຕະພັນກະເສດ.

Top