ພາບປະກອບ: TTXVN
ຈຳນວນຜູ້ຕິດເຊື້ອ ແລະ ເສຍຊີວິດສືບຕໍ່ມີທ່າອ່ຽງຫຼຸດລົງໃນທົ່ວໂລກ, ແຕ່ຄວາມສ່ຽງໂລກລະບາດແຜ່ລະບາດອອກສູ່ວົງກ້ວາງຄັ້ງທີ 2 ພວມນັບມື້ນັບສູງຂຶ້ນ ເມື່ອບັນດາປະເທດພວມຜ່ອຍຜັນບັນດາມາດຕະການປ້ອງກັນ, ສະກັດກັ້ນໂລກລະບາດ ແລະ ຟື້ນຟູບັນດາການເຄື່ອນໄຫວດ້ານເສດຖະກິດ - ສັງຄົມເທື່ອລະກ້າວ. ປັດຈຸບັນ, ໂລກລະບາດໄດ້ເກີດຂຶ້ນ ແລະ ແຜ່ລະບາດອອກສູ່ 213 ປະເທດ ແລະ ເຂດແຄ້ວນໃນໂລກ
ອາເມລິກາຍັງແມ່ນປະເທດມີຈຳນວນຜູ້ຕິດເຊື້ອ ແລະ ເສຍຊີວິດຫຼາຍທີ່ສຸດໃນໂລກ ດ້ວຍຈຳນວນຜູ້ຕິດເຊື້ອ ທັງໝົດກ່ວາ 1.800.000 ຄົນ ແລະ ຜູ້ເສຍຊີວິດ ກ່ວາ 106.000 ຄົນ. ຖັດຈາກນັ້ນແມ່ນປະເທດ ບຣາຊິນ, ລັດເຊຍ, ອັງກິດ, ແອັດສະປາຍ ແລະ ອີຕາລີ.
ແລະກໍ່ໃນວັນດຽວກັນ, ຄະນະຊີ້ນຳແຫ່ງຊາດການປ້ອງກັນ, ສະກັດກັ້ນໂລກະລະບາດ Covid – 19 ໃຫ້ຮູ້ວ່າ ຫວຽດນາມບໍ່ມີຜູ້ຕິດເຊື້ອພະຍາດ Covid – 19 ໃນຊຸມຊົນເປັນເວລາ 46 ວັນ ຜ່ານມາ. ປັດຈຸບັນ ມີ ຄົນເຈັບ 279 ຄົນໃນຈຳນວນ 328 ຄົນຕິດເຊື້ອພະຍາດ Covid – 19 ໄດ້ຮັບການປິ່ນປົວຫາຍດີເປັນປົກກະຕິ. ໃນນັ້ນ ຜູ້ຕິດເຊື້ອພະຍາດ 49 ຄົນທີ່ຍັງເຫຼືອພວມໄດ້ຮັບການປິ່ນປົວຢູ່ໂຮງໝໍ 8 ແຫ່ງ ໃນສະພາບອາການສຸຂະພາບທີ່ເປັນປົກກະຕິໂດຍພື້ນຖານ.
(ແຫຼ່ງຄັດຈາກ VOV)