• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ລັດຖະບານ ຍື່ນສະເໜີຕໍ່ສະພາແຫ່ງຊາດກ່ຽວກັບແຜນການລົງທຶນສາທາລະນະ ໄລຍະກາງ 2021 – 2025

      ໃນວາລະປະຊຸມເມື່ອຕອນເຊົ້າວັນທີ 24 ກໍລະກົດ, ສະພາແຫ່ງຊາດ ກໍໄດ້ຮັບຟັງທ່ານລັດຖະມົນຕີກະຊວງແຜນການ ແລະ ການລົງທຶນ ຫວຽດນາມ ຫງວຽນຈີ໊ຢຸງ ສະເໜີບົດລາຍງານກ່ຽວກັບແຜນການລົງທຶນໄລຍະກາງ 2021 – 2025. ວາລະປະຊຸມຖືກດຳເນີນໃນຂອບເຂດຂອງກອງປະຊຸມຄັ້ງປະຖົມມະລຶກ, ສະພາແຫ່ງຊາດຊຸດທີ XV.
ກອງປະຊຸມຄັ້ງປະຖົມມະລຶກ, ສະພາແຫ່ງຊາດຊຸດທີ XV (ພາບ: TTXVN)
      ທ່ານລັດຖະມົນຕີກະຊວງແຜນການ ແລະ ການລົງທຶນ ຫງວຽນຈີ໊ຢຸງ ໃຫ້ຮູ້ວ່າ, ງົບປະມານຂອງລັດທັງໝົດ ທີ່ຄາດວ່າຈະລົງທຶນໃຫ້ແກ່ໄລຍະ 2021 – 2025 ແມ່ນ 2,87 ລ້ານຕື້ດົ່ງ (2.870.000 ຕື້ດົ່ງ). ຈຳນວນໂຄງການທັງໝົດທີ່ປະຕິບັດໃນໄລຍະ 2021 – 2025 ແມ່ນຕ່ຳກວ່າ 5.000 ໂຄງການ. ເມື່ອຄາດຄະເນກ່ຽວກັບໝາກຜົນທີ່ບັນລຸໄດ້, ທ່ານລັດຖະມົນຕີ ຫງວຽນຈີ໊ຢຸງ ໃຫ້ຮູ້ວ່າ ຮອດປີ 2025, ປະຕິບັດສຳເລັດການກໍ່ສ້າງເສັ້ນທາງດ່ວນ ເໜືອ - ໃຕ້ທາງທິດຕາເວັນອອກ, ເສັ້ນທາງອ້ອມຮອບ 3, ເສັ້ນທາງອ້ອມຮອບ 4 ຢູ່ເຂດກຳລັງໜູນຂອງ ຮ່າໂນ້ຍ ແລະ ນະຄອນ ໂຮ່ຈີມິນ, ເສັ້ນທາງເຊື່ອມຈອດເຂດຕອນໃຕ້ພາກກາງ ກັບເຂດໄຕງວຽນ, ລົງທຶນກໍ່ສ້າງພື້ນຖານໂຄງລ່າງແກ່ການພັດທະນາເຂດພູດອຍທາງທິດເໜືອ, ບັນດາກິດຈະກຳເສັ້ນທາງດ່ວນ ແລະ ທາງນ້ຳພາຍໃນປະເທດໃຫ້ແກ່ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ໂດຍພື້ນຖານ.
            ກໍໃນຕອນເຊົ້າຂອງວັນດຽວກັນ, ຢູ່ຫໍສະພາແຫ່ງຊາດ ທ່ານປະທານສະພາແຫ່ງຊາດ ເວືອງດິ່ງເຫວ້ ພ້ອມດ້ວຍບັນດາຮອງປະທານສະພາແຫ່ງຊາດ ໄດ້ເປັນປະທານວາລະປະຊຸມ ຮັບຟັງບັນດາອົງການທີ່ກ່ຽວຂ້ອງລາຍງານກ່ຽວກັບການເພີ່ມທະວີບັນດາມາດຕະການປ້ອງກັນ, ຕ້ານໂລກລະບາດໂຄວິດ - 19.
ທ່ານປະທານສະພາແຫ່ງຊາດ ເວືອງດິ່ງເຫວ້ ມອບມະຕິຕົກລົງຂອງສະພາແຫ່ງຊາດ,
ຄະນະປະຈຳສະພາແຫ່ງຊາດວ່າດ້ວຍວຽກງານພະນັກງານ (ພາບ: TTXVN)
      ກ່ອນໜ້ານັ້ນ, ຕອນບ່າຍວັນທີ 23 ກໍລະກົດ, ຢູ່ຫໍສະພາແຫ່ງຊາດ, ສະພາແຫ່ງຊາດ ຊຸດທີ XV ໄດ້ຈັດພິທີປະກາດ ແລະ ມອບມະຕິຕົກລົງຂອງສະພາແຫ່ງຊາດ, ຄະນະປະຈຳສະພາແຫ່ງຊາດວ່າດ້ວຍວຽກງານພະນັກງານ.
(ແຫຼ່ງຄັດຈາກ VOV)

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ກວ່າເຄິ່ງໜຶ່ງມູນຄ່າການສົ່ງອອກຂອງ ຫວຽດນາມ ໄປຍັງ ອາເມລິກາ ແມ່ນບັນດາຜະລິດຕະພັນເຕັກໂນໂລຢີສູງ (ເຄື່ອງໃຊ້ເອເລັກໂຕນິກ, ໂທລະສັບສະມາດຟົນ), ເຄື່ອງຕັດຫຍິບ ແລະ ເກີບ, ສ່ວນຍັງເຫຼືອແມ່ນບັນດາຜະລິດຕະພັນອື່ນ ຄືເຄື່ອງເຟີນີເຈີ ແລະ ຜະລິດຕະພັນກະເສດ.

Top