ພິທີມອບລາງວັນສິ່ງແວດລ້ອມ ຫວຽດນາມ ແລະ ລາງວັນສື່ມວນຊົນຊັບພະຍາກອນ ແລະ ສິ່ງແວດລ້ອມ ຄັ້ງທີ 5 (ພາບ:  VGP)

ລາງວັນສິ່ງແວດລ້ອມ ຫວຽດນາມ ແນໃສ່ຍ້ອງຍໍຊົມເຊີຍບັນດາອົງການຈັດຕັ້ງ, ສ່ວນບຸກຄົນ, ວົງຄະນະຍາດທີ່ມີການປະກອບສ່ວນໃຫຍ່ຫຼວງເຂົ້າໃນພາລະກິດປົກປັກຮັກສາສິ່ງແວດລ້ອມ. ປີນີ້, ຄະນະຈັດຕັ້ງ ໄດ້ມອບລາງວັນໃຫ້ແກ່ 34 ອົງການຈັດຕັ້ງ, ວົງຄະນະຍາດ ແລະ ສ່ວນຍຸກຄົນ ທີ່ມີຜົນງານພົ້ນເດັ່ນໃນການປົກປັກຮັກສາສິ່ງແວດລ້ອມ ໃນ 3 ຂົງເຂດ: ຄຸ້ມຄອງກ່ຽວກັບການປົກປັກຮັກສາສິ່ງແວດລ້ອມ, ນຳໃຊ້ແຫຼ່ງຊັບພະຍາກອນທຳມະຊາດຢ່າງເໝາະສົມ, ອະນຸລັກຮັກສາຊີວະນາໆພັນ ແລະ ຄວາມປອດໄພດ້ານຊີວະພາບ; ການສຶກສາ, ບຳລຸງສ້າງ ແລະ ການສື່ສານກ່ຽວກັບການປົກປັກຮັກສາສິ່ງແວດລ້ອມ; ປ້ອງກັນ, ຕ້ານ ແລະ ບຳບັດພົນລະພິດ ແລະ ປົວແປງສິ່ງແວດລ້ອມ.

        ສຳລັບລາງວັນສື່ມວນຊົນກ່ຽວກັບຊັບພະຍາກອນ ແລະ ສິ່ງແວດລ້ອມ, ປີ 2020 ນີ້, ຄະນະຈັດຕັ້ງ ໄດ້ມອບລາງວັນ A 4 ລາງວັນ, ລາງວັນ B 12 ລາງວັນ ແລະ ລາງວັນ C 20 ລາງວັນ. ລາງວັນອົງການຈັດຕັ້ງມະຫາຊົນ ໄດ້ມອບໃຫ້ແກ່ ວິທະຍຸກະຈາຍສຽງຫວຽດນາມ ແລະ ສຳນັກຂ່າວສານ ຫວຽດນາມ./.

(ແຫຼ່ງຄັດຈາກ VOV)