• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ວັດທະນະທຳ

ພາບປະທັບໃຈຂອງ ຫວຽດນາມ ບົນເສັ້ນທາງການ ຖ່າຍຮູບຢູ່ ຝຣັ່ງ

ປີ 2010, ຂ້າພະເຈົ້າຮູ້ສຶກເປັນກຽດ ທີ່ສະມາຄົມ ຮູບພາບ ບໍ່ມີພົມແດນ-Image Sans Frontière (ISF) ເຊີນໄປ ຝຣັ່ງ ເຮັດວຽກ ແລະ ເຂົ້າຮ່ວມງານຖ່າຍຮູບ La Gacilly (Festival Photo La Gacilly) ເຊິ່ງຈັດຂຶ້ນຢູ່ Bretagne. ທຽບກັບງານປະກວດຮູບພາບສາກົນ ທີ່ຂ້າພະເຈົ້າເຄີຍ ໄດ້ ເຂົ້າຮ່ວມ, ເທດສະການຖ່າຍຮູບດັ່ງກ່າວ ມີຫຼາຍຮູບແບບ ກວ່າ ໂດຍມີຫຼາຍກິດຈະກໍາເຊັ່ນ: workshop ຂອງ ບັນດາ ຊ່າງພາບ ຍຸກປັດຈຸບັນ, ເປັນແຂກຖືກເຊີນ ທ່ີມີກຽດ ພ້ອມ ຊຸດພາບຖ່າຍ ທ່ີຈັດສະແດງ ໃນເທດສະການ... ງານວາງ ສະແດງ ຈະແກ່ຍາວຕະຫຼອດ 3 ເດືອນ ຂອງ ລະດູຮ້ອນ. ຕໍ່ ຈາກນັ້ນ ເມື່ອມີໂອກາດໄດ້ໄປປະເທດ ເອີຣົບ, ຂ້າພະເຈົ້າ ຈະເລືອກໄລຍະຈັດງານເທດສະການຖ່າຍຮູບ. 
ຕົ້ນປີ 2020, ທ່ານນາງ Sophie Pouillon, ປະທານ ISF ສະເໜີໃຫ້ຂ້າພະເຈົ້າ ສົ່ງຮູບພາບ ເຂົ້າຮ່ວມເທດສະການ ເສັ້ນທາງຖ່າຍຮູບ-Chemins de Photos ເຊິ່ງໄດ້ຈັດຂຶ້ນ ຢູ່ L’Aude, ພາກໃຕ້ຂອງ ຝຣັ່ງ ໂດຍ Association D119 ເປັນຜູ້ຈັດ. ແນ່ນອນວ່າ ເປັນຊ່າງພາບ, ຜູ້ໃດກໍ່ມີ ຄວາມຝັນ ທ່ີຈະໄດ້ເຂົ້າຮ່ວມເທດສະການ ຄັ້ງນີ້ ຈັກຄັ້ງ ໜຶ່ງ, ສະນັ້ນ ຂ້າພະເຈົ້າ ຈຶ່ງ ສົ່ງຮູບພາບ 2 ຊຸດຄື “ຊີງໝາກ ເກ່ົາ” ແລະ “ພິທີເລື່ອນຂັ້ນທຽນ 12 ເຫຼັ້ມຂອງ ຊາວເຜົ່າ ຢ້າວແດງ” ເຂົ້າຮ່ວມ ໂດຍບໍ່ມີຄວາມຫວັງປານໃດ, ແຕ່ ຮູບພາບທັງສອງຊຸດຢູ່ໃນ10 ອັນດັບຕົ້ນ ຈາກທັງໝົດ 150 ຊຸດ. ຕາມກົດລະບຽບຂອງຄະນະຈັດງານ, ຖ້າຜູ້ໃດມີ ຮູບພາບຫຼາຍຊຸດ ໄດ້ຄະແນນສູງ, ຈະເລືອກເອົາໄປ ວາງສະແດງ ຮູບພາບ ທີ່ມີອັນດັບສູງສຸດ, ສະນັ້ນ ຮູບພາບ “ຊີງໝາກເກົ່າ” ໄດ້ຈັດອັນດັບ 4/150 ຖືກເລືອກ ເອົາໄປ ວາງສະແດງ. 










ງານຖ່າຍຮູບ La Gacilly (Festival Photo La Gacilly) ເຊິ່ງຈັດຂຶ້ນຢູ່ Bretagne ໄດ້ດຶງດູດການເຂົ້າຮ່ວມຂອງ ນັກ ທ່ອງທ່ຽວ ເປັນຈຳນວນຫຼວງຫຼາຍ. ພາບ: ຫຼີຮ່ວາງລອງ








ປະມວນຮູບພາບ “ຊີງໝາກເກົ່າ” ໄດ້ວາງສະແດງໃນ ງານຖ່າຍຮູບ La Gacilly, ເຊິ່ງຈັດຂຶ້ນຢູ່ en AUDE, région OCCITANIE. ພາບ: ຫຼີຮ່ວາງລອງ
ຫົວຂໍ້ຂອງປີນີ້ ແມ່ນ Scènes de vies-ເລືອງລາວໃນ ຊີ ວິດປະຈຳວັນ, ປະມວນຮູບພາບເກືອບ 50 ຊຸດໄດ້ຈັດ ວາງ ສະແດງ ຕາມລວງຍາວຂອງເປີ້ນພູ, ຂ້າມໝູ່ບ້ານຫຼາຍແຫ່ງ ດ້ວຍລວງຍາວ 40 ກິໂລແມັດ ແຕ່ທິດຕາເວັນອອກ ຫາທິດຕາເວັນຕົກ.

ການວາງສະແດງຮູບພາບຢູ່ກາງແຈ້ງ ແມ່ນການເຄື່ອນ ໄຫວດ້ານວັດທະນະທຳ ທີ່ຄຸ້ນເຄີຍຂອງຊາວ ຝຣັ່ງ, ເຖິງວ່າ ໄດ້ຮັບຜົນກະທົບຈາກການແຜ່ລະບາດໂຄວິດ-19, ພາຍ ຫຼັງຖືກເລື່ອນເປັນເວລາ 1 ເດືອນ, ເທດສະການເສັ້ນທາງ ຖ່າຍຮູບ- Chemins de Photos ໄດ້ຈັດຂຶ້ນຢ່າງສົມກຽດ ໃນວັນທີ 11 ກໍລະກົດ 2020 ແລະ ໄດ້ຖ່າຍທອດສົດທາງ ເວັບໄຊ http://www.cheminsdephotos.com/  ແລະ ຜ່ານ ປື້ມຮູບພາບ ອອນລາຍ. https://fr.calameo.com/read/0043228906fce8dd9bb2a.

ພາຍຫຼັງ 10 ປີທີ່ຕິດຕາມການເຄື່ອນໄຫວດັ່ງກາວ, ສຸດ ທ້າຍ ຂ້າພະເຈົ້າກໍ່ສ້າງໄດ້ເສັ້ນທາງໜຶ່ງ ໃຫ້ແກ່ຕົນເອງ. 
ປະຕິບັດ: ຫຼີຮ່ວາງລອງ



 

ສິລະປິນ ແຕ້ມໜ້າກາກ ຢູ່ຄຸ້ມເມືອງເກົ່າ ໂຮ້ຍອານ

ສິລະປິນ ແຕ້ມໜ້າກາກ ຢູ່ຄຸ້ມເມືອງເກົ່າ ໂຮ້ຍອານ

ຢູ່ສະຖານທີ່ມໍລະດົກໂລກ ເມືອງເກົ່າ ໂຮ້ຍອານ, ມີນັກສິລະປິນ ຄົນໜຶ່ງ ໄດ້ທຸ້ມເທສຸດຄວາມສາມາດ ແລະ ຄວາມຫຼົງໄຫຼ ຂອງຕົນ ໃນການແຕ້ມຮູບໜ້າກາກເຈ້ຍ ມາເປັນເວລາກວ່າ 40 ປີແລ້ວ.  ໜ້າກາກ ທີ່ມີລັກສະນະ “ຕ່ວງ” (ລີເກ) ນັບຫຼາຍພັນອັນ ໄດ້ຖືບົດບາດເປັນ “ທູດວັດທະນະທຳ” ຕິດຕາມນັກທ່ອງທ່ຽວ ໄປທົ່ວທຸກແຫ່ງຫົນ ເພື່ອເລົ່າເລື່ອງ ທີ່ໜ້າສົນໃຈ ກ່ຽວກັບ ຖິ່ນຖານເຂດດິນແດນ ກວາງ (ລວມມີ ກວາງນາມ, ກວາງຫງາຍ ແລະ ດ່າໜັງ).

Top