ຂ່າວສານ
ພັກກອມມູນິດສາກົນ ສືບຕໍ່ສົ່ງຈົດໝາຍ, ສານອວຍພອນ ກອງປະຊຸມໃຫຍ່ຄັ້ງທີ 13 ຂອງພັກກອມມູນິດ ຫວຽດນາມ
ໃນສານສະບັບຕ່າງໆທີ່ສົ່ງມາຍັງ ພັກກອມມູນິດ ຫວຽດນາມ ລ້ວນແຕ່ສະແດງຄວາມສົນໃຈຢ່າງເລິກເຊິ່ງ ແລະ ສົ່ງຄຳອວຍພອນແກ່ກອງປະຊຸມໃຫຍ່ຄັ້ງນີ້. “ພາຍໃຕ້ການຊີ້ນຳ, ນຳພາຂອງພັກກອມມູນິດ ຫວຽດນາມ, ຫວຽດນາມ ບັນລຸໄດ້ຜົນງານຫຼາຍຢ່າງ ແລະ ກາຍເປັນໜຶ່ງໃນບັນດາພື້ນຖານເສດຖະກິດພັດທະນາທີ່ຂະຫຍັນຂັນເຄື່ອນທີ່ສຸດໃນໂລກ ແລະ ມີອິດທິພົນຊື່ສຽງສູງບົນເວທີສາກົນ.” ນີ້ແມ່ນຄຳຢັ້ງຢືນຂອງພັກກອມມູນິດ ສະຫະພັນລັດເຊຍ ທີ່ໄດ້ລະບຸໃນສານອວຍພອນ ສົ່ງເຖິງພັກກອມມູນິດ ຫວຽດນາມ. ສ່ວນໃນສານອວຍພອນຂອງພັກ ກອມມູນິດ ອິນເດຍ ໄດ້ມີຕອນຂຽນວ່າ: ຫວຽດນາມ ໄດ້ປະກອບສ່ວນຢ່າງຕັ້ງໜ້າໃນເວທີສາກົນ, ພາກພື້ນ ແລະ ໄດ້ຮັບການຕີລາຄາສູງຈາກບັນດາປະເທດໃນໂລກ. ນອກນັ້ນ, ພັກກອມມູນິດ ອັງກິດ ໄດ້ຢັ້ງຢືນວ່າ ການໜູນຊ່ວຍ ຂອງ ພັກກອມມູນິດ ຫວຽດນາມ ທີ່ມີຕໍ່ບັນດາປະເທດ ແລະ ພັກກອມມູນິດ ອື່ນໆ, ເພື່ອນມິດສາກົນນັ້ນ ໄດ້ສະແດງໃຫ້ເຫັນມູນເຊື້ອອັນດີງາມຂອງນ້ຳໃຈສາມັກຄີ ສາກົນ. ເນື່ອງໃນໂອກາດນີ້, ພັກກອມມູນິດ ອາເມລິກາ ກໍໄດ້ສົ່ງສານອວຍພອນມາຍັງພັກກອມມູນິດ ຫວຽດນາມ ເຊັ່ນດຽວກັນ ແລະ ຢັ້ງຢືນວ່າ “ໃນຖານະເປັນ ກຳມະການບໍ່ປະຈຳການສະພາຄວາມໝັ້ນຄົງ ສປຊ ໃນປີ 2020, ຫວຽດນາມ ແມ່ນສຽງເວົ້າຂອງສະຖຽນລະພາບ ແລະ ສັນຕິພາບໃນໂລກ”.
(ແຫຼ່ງຄັດຈາກ VOV)
