• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຝລັ່ງ, ເຢຍລະມັນ, ອັງກິດ ປະຕິເສດບັນດາຄຳຮຽກທວງສິດຂອງຈີນ ຢູ່ທະເລຕາເວັນອອກ

      3 ປະເທດເອີລົບ ດ້ວຍຊື່ເອີ້ນແມ່ນ E3 ລວມມີ ອັງກິດ, ຝລັ່ງ ແລະ ເຢຍລະມັນ ໄດ້ພ້ອມກັນສົ່ງຈົດໝາຍທາງການຕໍ່ສະຫະປະຊາຊາດຄັດຄ້ານບັນດາຄຳຮຽກທວງສິດຂອງຈີນ ຢູ່ທະເລຕາເວັນອອກ

ຝລັ່ງ, ອັງກິດ ແລະ ເຢຍລະມັນ ປະຕິເສດຄວາມມານະພະຍາຍາມຂອງຈີນ
ແນໃສ່ຢຶດຄອງທະເລຕາເວັນອອກເກືອບທັງໝົດເປັນສິດຜູກຂາດແຕ່ຜູ້ດຽວ
(ພາບ: Gettty)
      ວັນທີ 16 ກັນຍາ, 3 ປະເທດເອີລົບ ດ້ວຍຊື່ເອີ້ນແມ່ນ E3 ລວມມີ ອັງກິດ, ຝລັ່ງ ແລະ ເຢຍລະມັນ ໄດ້ພ້ອມກັນສົ່ງຈົດໝາຍທາງການຕໍ່ສະຫະປະຊາຊາດຄັດຄ້ານບັນດາຄຳຮຽກທວງສິດຂອງຈີນ ຢູ່ທະເລຕາເວັນອອກ, ກໍຄືເນັ້ນໜັກເຖິງເລື່ອງຕ້ອງເຄົາລົບກົດໝາຍຢູ່ທະເລຕາເວັນອອກ. ຖັດຈາກອາເມລິກາ ແລະ ອົດສະຕາລີ, ນີ້ແມ່ນ 3 ປະເທດຫຼ້າສຸດທີ່ສົ່ງຈົດໝາຍທາງການຕໍ່ສະຫະປະຊາຊາດ ຄັດຄ້ານບັນດາຄຳຮຽກທວງສິດຂອງຈີນ ຢູ່ທະເລຕາເວັນອອກ.
          ລະອຽດແມ່ນ, ໃນບັນດາຈົດໝາຍທາງການທີ່ໄດ້ສົ່ງເຖິງສະຫະປະຊາຊາດ, ບັນດາປະເທດເຫຼົ່ານີ້ໄດ້ເນັ້ນໜັກວ່າ, ສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລ (UNCLOS) ໄດ້ວາງອອກ “ກອບນິຕິກຳໃຫ້ທຸກການເຄື່ອນໄຫວໃນການເດີນເຮືອ ແລະ ມະຫາສະມຸດ”, ພ້ອມທັງຖືວ່າ, ລັກສະນະຮອບດ້ານຂອງ UNCLOS ຄວນໄດ້ຮັບການຮັກສາ. 3 ປະເທດກໍ່ໄດ້ເນັ້ນໜັກເຖິງຄວາມສຳຄັນຂອງເລື່ອງສຳຜັດກັບເສັ້ນທາງທະເລຍຸດທະສາດຢູ່ທະເລຕາເວັນອອກ ຢ່າງເປີດເຜີຍ ແລະ ບໍ່ຖືກກີດຂວາງ. ຝລັ່ງ, ອັງກິດ ແລະ ເຢຍລະມັນ ປະຕິເສດຄວາມມານະພະຍາຍາມຂອງຈີນ ເພື່ອແນໃສ່ຢຶດຄອງທະເລຕາເວັນອອກເກືອບທັງໝົດເປັນສິດຜູກຂາດແຕ່ຜູ້ດຽວ ໂດຍຜ່ານບັນດາຄຳຖະແຫຼງຜິດກົດໝາຍກ່ຽວກັບເສັ້ນພື້ນຖານ ແລະ ເຂດນ້ຳພາຍໃນລະຫວ່າງເກາະຕ່າງໆ. ບັນດາປະເທດເຫຼົ່ານີ້ຖືວ່າ “ບັນດາການກະທຳຖົມດິນເປັນເກາະ ຫຼື ບັນດາຮູບການຫັນປ່ຽນກໍ່ສ້າງອື່ນບໍ່ສາມາດປ່ຽນແປງການແບ່ງກຳນົດຢູ່ໃນ UNCLOS ໄດ້”.
          ໂດຍຄັດສະເໜີຄຳຕັດສິນຂອງສານກຳມະການສາກົນເມື່ອວັນທີ 12 ກໍລະກົດ 2016, ຝລັ່ງ, ອັງກິດ ແລະ ເຢຍລະມັນ ກໍ່ປະຕິເສດສິດປະຫວັດສາດຂອງຈີນ ສຳລັບທະເລຕາເວັນອອກ ຍ້ອນສິ່ງດັ່ງກ່າວບໍ່ສອດຄ່ອງກັບກົດໝາຍສາກົນ ແລະ UNCLOS.
(ແຫຼ່ງຄັດຈາກ VOV)

ຫວຽດນາມ ຢັ້ງຢືນທຸກການເຄື່ອນໄຫວຢູ່ທະເລຕາເວັນອອກຕ້ອງສອດຄ່ອງກັບກົດໝາຍສາກົນ

ຫວຽດນາມ ຢັ້ງຢືນທຸກການເຄື່ອນໄຫວຢູ່ທະເລຕາເວັນອອກຕ້ອງສອດຄ່ອງກັບກົດໝາຍສາກົນ

ຫວຽດນາມ ຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງຈົ່ງອົດກັ້ນ, ປະຕິບັດຖະແຫຼງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຢ່າງເຂັ້ມງວດ, ແກ້ໄຂການຂັດແຍ້ງກັນໂດຍສັນຕິວິທີ, ພ້ອມກັບປະກອບສວ່ນເຂົ້າການຮັກສາສັນຕິພາບ, ສະຖຽນລະພາບ ແລະ ການຮ່ວມມືຢູ່ທະເລຕາເວັນອອກ.

Top