ເຂົ້າຮ່ວມພິທີຕ້ອນຮັບບຸນປີໃໝ່ມີ ນັກສຶກສາລາວ 400 ຄົນ ພວມສຶກສາຮ່ຳຮຽນຢູ່ໂຮງຮຽນຕ່າງໆໃນແຂວງເທື່ອທຽນເຫວ້. ທ່ານເຈິ່ນກົງຝູ ຫົວໜ້າພະແນກພົວພັນຕ່າງປະເທດແຂວງ ໃຫ້ຮູ້ວ່າ ໃນຊຸມປີທີ່ຜ່ານມາ ແຂວງເທື່ອທຽນເຫວ້ໄດ້ເພີ່ມທະວີການຮວ່ມມືຢ່າງຮອບດ້ານກັບບັນດາທ້ອງຖິ່ນພາກກາງ ແລະ ພາກໃຕ້ຂອງລາວໃນທຸກໆຂົງເຂດ , ພິເສດແມ່ນການສຶກສາແລະກໍ່ສ້າງ. ໃນແຕ່ລະປີແຂວງເທື່ອທຽນເຫວ້ໄດ້ສະໜອງທຶນສຶກສາໃຫ້ແກ່ແຂວງຕ່າງໆຂອງລາວຄື ສາລະວັນ,ເຊກອງ, ອັດຕະປື, ຈຳປາສັກ, ຄຳມ່ວນ ແລະ ສະຫວັນນະເຂດ ແຂວງລະ 10 ທຶນກ່ຽວກັບການບຳລຸງສ້າງທາງດ້ານພາສາຫວຽດ ແລະ ຮຽນເຊື່ອມຕໍ່ລົງເລິກຂະແໜງຂັ້ນວິທະຍາໄລ ແລະ ມະຫາວິທະຍາໄລ. ນັບແຕ່ປີ 2002 ມາຮອດປັດຈຸບັນ ທາງແຂວງໄດ້ຕ້ອນຮັບນັກສຶກສາລາວກວ່າ 1.200 ຄົນ ມາສຶກສາຮ່ຳຮຽນ ອັນໄດ້ປະກອບສ່ວນເຂົ້າໃນການພັດທະນາເສດຖະກິດສັງຄົມຂອງ ພາກກາງ ພາກໃຕ້ຂອງລາວ ເວົ້າສະເພາະ ແລະ ສາຍພົວພັນມິດຕະພາບແບບພິເສດ, ການຮ່ວມມຮອບດ້ານລະຫວ່າງແຂວງເທື່ອທຽນເຫວ້ກັບບັນດາທ້ອງຖິ່ນຂອງລາວເວົ້າລວມ.
(ແຫຼ່ງຄັດຈາກ VOV)
