• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ນັກຊ່ຽວຊານອົດສະຕາລີຕີລາຄາຄວາມໝາຍຂອງກອງປະຊຸມໃຫຍ່ຄັ້ງທີ 13 ຂອງພັກທີ່ມີຕໍ່ອະນາຄົດຂອງຫວຽດນາມ

      ຫວຽດນາມ ຊອກຫາຄວາມດຸ່ນດ່ຽງໃນການພົວພັນກັບບັນດາປະເທດມະຫາອຳນາດຄື: ລັດເຊຍ, ອິນເດຍ, ຈີນ, ຍີ່ປຸ່ນ ແລະ ອາເມລິກາ, ໃນຂະນະທີ່ຮັບປະກັນສິດເປັນເຈົ້າຕົນເອງຂອງຕົນ.
ທ່ານສາດສະດາຈານ Carl Thayer ສັງກັດມະຫາວິທະຍາໄລ New South Wales
(ພາບ: TTXVN)
      ໃນບົດຂຽນທີ່ເອົງລົງໃນເວັບໄຊ Thayer Consultancy, ທ່ານສາດສະດາຈານ Carl Thayer ສັງກັດມະຫາວິທະຍາໄລ New South Wales (ອົດສະຕາລີ) ໄດ້ເຕື້ອງເຖິງຄວາມໝາຍຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກກອມມູນິດຫວຽດນາມ ທີ່ມີຕໍ່ອະນາຄົດຂອງຫວຽດນາມ. ຕາມທ່ານສາດສະດາຈານ Carl Thayer ແລ້ວ, ເດືອນ ຕຸລາ 2020, ການນຳຫວຽດນາມ ໄດ້ປະກາດຮ່າງບົດລາຍງານການເມືອງ ທີ່ຈະນຳສະເໜີຕໍ່ກອງປະຊຸມໃຫຍ່ຄັ້ງທີ 13 ຂອງພັກ ແລະ ຮ່າງແຜນການພັດທະນາເສດຖະກິດ-ສັງຄົມໄລຍະ 5 ປີຈະມາເຖິງ, ໃນນັ້ນໄດ້ຊີ້ໃຫ້ເຫັນວ່າ ຫວຽດນາມ ຈະສືບຕໍ່ເສັ້ນທາງປະຕິຮູບເສດຖະກິດ ແລະ ມານະພະຍາຍາມຕ້ານການສໍ້ລາດບັງຫຼວງ. ຫວຽດນາມ ກໍ່ຈະສືບຕໍ່ເປັນເຈົ້າການເຊື່ອມໂຍງເຂົ້າກັບເສດຖະກິດສາກົນ, ຕອບສະໜອງບັນດາພັນທະໃນສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມປາຊີຟິກ (CPTPP), ສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP) ແລະ ບັນດາສັນຍາການຄ້າເສລີ (FTA) ກັບສະຫະພາບເອີລົບ (ອີຢູ) ແລະ ພັນທະມິດເສດຖະກິດອາຊີ - ເອີລົບ (EAEU).
        ກ່ຽວກັບການພົວພັນຂອງຫວຽດນາມ ກັບບັນດາປະເທດມະຫາອຳນາດໃນພາກພື້ນໃນອະນາຄົດ, ທ່ານ Carl Thayer ຖືວ່າ, ຫວຽດນາມ ຊອກຫາຄວາມດຸ່ນດ່ຽງໃນການພົວພັນກັບບັນດາປະເທດມະຫາອຳນາດຄື: ລັດເຊຍ, ອິນເດຍ, ຈີນ, ຍີ່ປຸ່ນ ແລະ ອາເມລິກາ, ໃນຂະນະທີ່ຮັບປະກັນສິດເປັນເຈົ້າຕົນເອງຂອງຕົນ. ສິ່ງດັ່ງກ່າວຮັບປະກັນໃຫ້ຫວຽດນາມ ພັດທະນາການພົວພັນຄືກັນກັບທຸກປະເທດມະຫາອຳນາດ ແລະ ມີການກະທຳຢ່າງເອກະລາດເພື່ອຜົນປະໂຫຍດຂອງປະເທດຊາດ.
        ຕາມທ່ານ Carl Thayer ແລ້ວ, ຄະນະການນຳຊຸດໃໝ່ຂອງຫວຽດນາມ ເຊິ່ງໄດ້ຮັບການເລືອກຕັ້ງພາຍຫຼັງກອງປະຊຸມໃຫຍ່ຄັ້ງທີ 13 ຂອງພັກ, ຈະນຳຫວຽດນາມ ສວມບົດບາດຢ່າງໃຫຍ່ຫຼວງກວ່າຢູ່ເວທີສາກົນ ແລະ ຊຸກຍູ້ໃຫ້ຫວຽດນາມ ເປັນເຈົ້າການເຊື່ອມໂຍງເຂົ້າກັບສາກົນ.
(ແຫຼ່ງຄັດຈາກ VOV)

ຫວຽດນາມ ຢັ້ງຢືນທຸກການເຄື່ອນໄຫວຢູ່ທະເລຕາເວັນອອກຕ້ອງສອດຄ່ອງກັບກົດໝາຍສາກົນ

ຫວຽດນາມ ຢັ້ງຢືນທຸກການເຄື່ອນໄຫວຢູ່ທະເລຕາເວັນອອກຕ້ອງສອດຄ່ອງກັບກົດໝາຍສາກົນ

ຫວຽດນາມ ຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງຈົ່ງອົດກັ້ນ, ປະຕິບັດຖະແຫຼງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຢ່າງເຂັ້ມງວດ, ແກ້ໄຂການຂັດແຍ້ງກັນໂດຍສັນຕິວິທີ, ພ້ອມກັບປະກອບສວ່ນເຂົ້າການຮັກສາສັນຕິພາບ, ສະຖຽນລະພາບ ແລະ ການຮ່ວມມືຢູ່ທະເລຕາເວັນອອກ.

Top