ຕອນເຊົ້າວັນທີ 5 ກໍລະກົດ, ທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມ, ຫົວໜ້າຄະນະຊີ້ນຳແຫ່ງຊາດກ່ຽວກັບການປ້ອງກັນ, ຕ້ານໂລກລະບາດໂຄວິດ - 19 ໄດ້ເປັນປະທານກອງປະຊຸມທາງອອນລາຍ ກັບນະຄອນໂຮ່ຈີມິນ ກ່ຽວກັບວຽກງານປ້ອງກັນ, ຕ້ານໂລກລະບາດໂຄວິດ - 19. ໂດຍແມ່ນທ້ອງຖິ່ນທີ່ມີຜູ້ຕິດເຊື້ອພະຍາດໂຄວິດ - 19 ຫຼາຍກ່ວາໝູ່ໃນປະເທດ ດ້ວຍຈຳນວນຜູ້ຕິດເຊື້ອ ກ່ວາ 6.200 ຄົນ, ນະຄອນໂຮ່ຈີມິນ ພວມປະຕິບັດບັນດາຄຳສັ່ງແຍກຫ່າງສັງຄົມ, ປິດລ້ອມຢ່າງເຂັ້ມງວດ ເພື່ອແນໃສ່ຄວບຄຸມ, ມຸ່ງໄປເຖິງການຍູ້ໂລກລະບາດໂຄວິດ - 19 ໃຫ້ຖອຍໄປ.
ກ່າວຄຳເຫັນທີ່ກອງປະຊຸມ, ທ່ານ ຫວູດຶກດາມ ໄດ້ສະເໜີໃຫ້ນະຄອນໂຮ່ຈີມິນ ຈົ່ງສົມທົບກັບບັນດາແຂວງ, ນະຄອນທີ່ໃກ້ຄຽງ ຄວບຄຸມຜູ້ເຂົ້າອອກນະຄອນ. ຕາມນັ້ນແລ້ວ, ບັນດາພາຫະນະ ແລະ ປະຊາຊົນເຂົ້າອອກນະຄອນ ຕ້ອງປະຕິບັດການແຈ້ງອາການສຸຂະພາບ, ໃນນັ້ນຕ້ອງແຈ້ງຂໍ້ມູນຢ່າງລະອຽດ ສຳລັບຜູ້ທີ່ໄດ້ຮັບການສັກວັກຊິນກັນໂຄວິດ - 19 ແລ້ວ ແລະ ມີຜົນກວດວິໄຈຫາເຊື້ອໄວຣັດ ໂຄວິດ - 19 ເພື່ອຈຳກັດຄົນໄປມາ.
(ແຫຼ່ງຄັດຈາກ VOV)
