• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານ ຫງວຽນ​ຊວັນ​ຟຸກ ສືບ​ຕໍ່ໄດ້​ຮັບ​ກາ​ນ​ເລືອກ​ຕັ້ງ​ເປັນ​ປະ​ທານ​ປະ​ເທດ​

ຕອນເຊົ້າວັນທີ 26 ກໍລະກົດ, ບັນດາສະມາຊິກສະພາແຫ່ງຊາດທີ່ເຂົ້າຮ່ວມກອງປະຊຸມຄັ້ງປະຖົມມະລຶກ, ສະພາແຫ່ງຊາດຊຸດທີ XV, ໄດ້ເລືອກຕັ້ງທ່ານ ຫງວຽນຊວັນຟຸກ, ປະທານປະເທດ ອາຍຸການ 2016 – 2021 (ນັບແຕ່ເດືອນເມສາ 2021) ດຳລົງຕຳແໜ່ງປະທານປະເທດ ອາຍຸການ 2021 – 2026. ມະຕິກ່ຽວກັບເນື້ອໃນດັ່ງກ່າວກໍໄດ້ຮັບການຮັບຮອງຫຼັງຈາກນັ້ນໃນທັນທີ.
ທ່ານປະທານປະເທດ ຫງວຽນຊວັນຟຸກ ສາບານຕົວ (ພາບ: TTXVN)

ໃນບົດກ່າວປາໄສພາຍຫຼັງພິທີສາບານຕົວ, ທ່ານປະທານປະເທດ ຫງວຽນຊວັນຟຸກ ຢັ້ງຢືນວ່າ:

“ໂດຍແມ່ນສະມາຊິກສະພາແຫ່ງຊາດ, ໃນຖານະເປັນປະທານປະເທດ, ຂ້າພະເຈົ້າຈະມານະພະຍາຍາມພ້ອມກັບສະພາແຫ່ງຊາດ, ລັດຖະບານ ແລະ ທັງລະບົບການເມືອງ, ຕິດຕາມການປະຕິບັດວິໄສທັດ, ທິດທາງ, ຍຸດທະສາດພັດທະນາປະເທດຊາດຢ່າງຮອບດ້ານ ດ້ວຍເນື້ອໃນຈິດໃຈ ບໍ່ປະໃຫ້ຜູ້ໃດຖືກຕົກຢູ່ເບື້ອງຫຼັງ, ພິເສດແມ່ນປະຊາຊົນຢູ່ເຂດຫ່າງໄກສອກຫຼີກ, ເຂດຊາຍແດນ, ທະເລໝູ່ເກາະ. ບໍ່ວ່າຈະຢູ່ໃນພາລະໜ້າທີ່ໃດ ເຊິ່ງ ພັກ, ສະພາແຫ່ງຊາດ ແລະ ປະຊາຊົນໄດ້ມອບໝາຍໃຫ້, ຂ້າພະເຈົ້າຍາມໃດກໍຮັກສາຄວາມສາມັກຄີ, ຄວາມເປັນເອກະພາບ, ສະເໝີຕົ້ນສະເໝີປາຍເປັນຈິດໜຶ່ງໃຈດຽວ, ຕັ້ງໃຈຮັບຟັງ ແລະ ເສີມຂະຫຍາຍລັກສະນະປະຊາທິປະໄຕ, ຕິດຕາມສະພາບການຕົວຈິງຢ່າງໃກ້ຊິດເພື່ອນຳປະເທດກ້າວຂຶ້ນ”.

ສະຫຼຸບໝາກຜົນທີ່ບັນລຸໄດ້ໃນໄລຍະ 5 ປີຜ່ານມາ (2016 – 2021), ທ່ານປະທານປະເທດ ຫງວຽນຊວັນຟຸກ ຢັ້ງຢືນວ່າ ນີ້ແມ່ນໄລຍະທາງທີ່ທັງລະບົບການເມືອງໄດ້ຮັບການຝຶກຝົນຫຼໍ່ຫຼອມເພື່ອເຕີບໃຫຍ່ກວ່າ ກ່ຽວກັບຄຸນນະທາດ, ຄວາມຕັດສິນໃຈ, ຍາມໃດກໍຫຼໍ່ລ້ຽງວິໄສທັດ, ຄວາມຄາດຫວັງກ່ຽວກັບປະເທດ ຫວຽດນາມ ພັດທະນາ, ຮຸ່ງເຮືອງເຂັ້ມແຂງ ຕາມກຳນົດທິດສັງຄົມນິຍົມ ໃນປີ 2045. ໃນສະພາບການໂລກລະບາດໂຄວິດ - 19 ພວມມີການແຜ່ລະບາດຮອບທີ່ 4 ນີ້, ທ່ານປະທານປະເທດ ຢັ້ງຢືນວ່າ: 

“ຂ້າພະເຈົ້າເຊື່ອໝັ້ນຕໍ່ກຳລັງແຮງສັງລວມຂອງຊາດ, ຄວາມສາມັກຄີຂອງປະຊາຊົນ ແລະ ມີຄວາມໄວ້ເນື້ອເຊື່ອໃຈຕໍ່ຄວາມຕັດສິນໃຈຂອງ ລັດຖະບານ, ຂອງທຸກພາກສ່ວນ ກ່ຽວກັບປະເທດ ຫວຽດນາມ ໄຊຊະນະ ແລະ ໃນການຄວບຄຸມ, ຍູ້ໂລກລະບາດໂຄວິດ - 19 ໃຫ້ຖອຍໄປ, ເພື່ອໃຫ້ ຫວຽດນາມ ສືບຕໍ່ສ້າງຂີດໝາຍພັດທະນາໃໝ່. ຂ້າພະເຈົ້າມີຄວາມເອກອ້າງທະນົງໃຈຢ່າງເລິກເຊິ່ງຕໍ່ຄວາມເມດຕາປານີ, ຄວາມອົດທົນ ແລະ ຄວາມອົງອາດກ້າແກ່ນເມື່ອປະສົບກັບຄວາມຫຍຸ້ງຍາກ ແລະ ສິ່ງທ້າທາຍຂອງພໍ່ແມ່ປະຊາຊົນ, ເຖິງວ່າປະສົບກັບຄວາມຫຍຸ້ງຍາກແຕ່ກໍຍັງມີຄວາມເຊື່ອໝັ້ນຕໍ່ອະນາຄົດ ເພື່ອສາມັກຄີກັນ, ຜ່ານຜ່າຄວາມຫຍຸ້ງຍາກ, ເອົາຊະນະຕໍ່ໂລກລະບາດ. ເຈດຈຳນົງບື່ນຕົວຂຶ້ນໃນທຸກສະພາບການ ຍາມໃດກໍແມ່ນຄຸນສົມບັດທີ່ຍິ່ງໃຫຍ່ ແລະ ເປັນປັດໄຈເອົາໄຊຊະຊະ ແລະ ນຳມາເຊິ່ງກຽດອັນສະຫງ່າໃຫ້ແກ່ຊາດ ຫວຽດນາມ”.

ທ່ານຫງວຽນຊວັນຟຸກ ເກີດວັນທີ 20 ກໍລະກົດ ປີ 1954 ຢູ່ແຂວງ ກວ໋າງນາມ ຂອງ ຫວຽດນາມ. ທ່ານແມ່ນກຳມະການຄະນະບໍລິຫານງານສູນກາງພັກ ຊຸດທີ X, XI, XII, XIII; ກຳມະການກົມການເມືອງ ຊຸດທີ XI, XII, XIII; ສະມາຊິກສະພາແຫ່ງຊາດຊຸດທີ XI, XIII, XIV, XV ແລະ ເຄີຍດຳລົງມາຫຼາຍຕ່ຳແໜ່ງສຳຄັນ.

(ແຫຼ່ງຄັດຈາກ VOV)

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ກວ່າເຄິ່ງໜຶ່ງມູນຄ່າການສົ່ງອອກຂອງ ຫວຽດນາມ ໄປຍັງ ອາເມລິກາ ແມ່ນບັນດາຜະລິດຕະພັນເຕັກໂນໂລຢີສູງ (ເຄື່ອງໃຊ້ເອເລັກໂຕນິກ, ໂທລະສັບສະມາດຟົນ), ເຄື່ອງຕັດຫຍິບ ແລະ ເກີບ, ສ່ວນຍັງເຫຼືອແມ່ນບັນດາຜະລິດຕະພັນອື່ນ ຄືເຄື່ອງເຟີນີເຈີ ແລະ ຜະລິດຕະພັນກະເສດ.

Top