• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ການຢ້ຽມຢາມ ຍີ່ປຸ່ນ ຂອງທ່ານນາຍົກລັດຖະມົນຕີ ຟ້າມມິງຈິງ ສິ້ນສຸດຢ່າງຈົບງາມ

      ຕອນບ່າຍວັນທີ 25 ພະຈິກ (ຕາມເວລາຢູ່ຍີ່ປຸ່ນ), ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເດີນທາງອອກຈາກສະໜາມບິນສາກົນ Haneda (ໂຕກຽວ) ສິ້ນສຸດການຢ້ຽມຢາມ ຍີ່ປຸ່ນຢ່າງເປັນທາງການ ແຕ່ວັນທີ 22 – 25 ພະຈິກ ຕາມຄຳເຊື້ອເຊີນຂອງທ່ານນາຍົກລັດຖະມົນຕີ ຍີ່ປຸ່ນ Kishida Fumio ຢ່າງຈົບງາມ.
ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ເດີນທາງອອກຈາກສະໜາມບິນສາກົນ Haneda ສິ້ນສຸດການຢ້ຽມຢາມ ຍີ່ປຸ່ນ ຢ່າງຈົບງາມ
      ກ່ອນໜ້ານັ້ນ, ຕອນເຊົ້າວັນທີ 25 ພະຈິກ, ທ່ານນາຍົກລັດຖະມົນຕີ ຟ້າມມິງຈິງ ໄດ້ເຂົ້າຮ່ວມກອງປະຊຸມສົ່ງເສີມການລົງທຶນ ຫວຽດນາມ - ຍີ່ປຸ່ນ ດ້ວຍຫົວຂໍ້ “ຫວຽດນາມ - ຍີ່ປຸ່ນ ຍົກລະດັບການພົວພັນ, ຮ່ວມມື ພ້ອມກັນພັດທະນາ”.
       ນະທີ່ນີ້, ທ່ານນາຍົກລັດຖະມົນຕີ ຟ້າມມິງຈິງ ໄດ້ສະແດງຄວາມຂອບອົກຂອບໃຈຕໍ່ວິສາຫະກິດ ຍີ່ປຸ່ນ ທີ່ໄດ້ແບ່ງປັນຄວາມຫຍຸ້ງຍາກ ແລະ ປະກອບສ່ວນພ້ອມກັບ ຫວຽດນາມ ໃນບັ້ນປ້ອງກັນ, ຕ້ານໂລກລະບາດ ໂຄວິດ - 19. ທ່ານນາຍົກລັດຖະມົນຕີ ຟ້າມມິງຈິງ ໃຫ້ຮູ້ວ່າ: ຫວຽດນາມ ມີຈຸດພົ້ນເດັ່ນຫຼາຍຢ່າງໃຫ້ນັກລົງທຶນ ຍີ່ປຸ່ນ ອຸ່ນອ່ຽນໃຈລົງທຶນດ້ວຍຂອບຂະໜາດໃຫຍ່ ແລະ ຍາວນານກວ່າ, ທ່ານນາຍົກລັດຖະມົນຕີ ຢັ້ງຢືນວ່າ:
        ພວກຂ້າພະເຈົ້າຮັບປະກັນກ່ຽວກັບແຜນນະໂຍບາຍ, ນະໂຍບາຍ, ລະບອບລະບຽບການ ແລະ ໃນຕົວຈິງ, ພວກຂ້າພະເຈົ້າກໍພວມດຳເນີນວຽກງານນີ້ຢ່າງມີປະສິດທິຜົນ. ນອກຈາກນັ້ນ, ພວກຂ້າພະເຈົ້າກໍພວມປະຕິບັດ 3 ບຸກທະລຸຍຸດທະສາດ. ທີໜຶ່ງແມ່ນ ສ້າງລະບອບລະບຽບການໃຫ້ສຳເລັດເທື່ອລະກ້າວ ເພື່ອຮັບໃຊ້ການເຊື່ອມໂຍງຢ່າງເລິກເຊິ່ງກວ້າງຂວາງ ແລະ  ບັນລຸມາດຖານສາກົນ. ທີສອງແມ່ນ ບໍາລຸງສ້າງແຫຼ່ງຊັບພະຍາກອນມະນຸດ ແລະ ປະຕິຮູບລະບຽບການບໍລິຫານໃຫ້ກະທັດຣັດ, ຫຼຸດຜ່ອນລາຍຈ່າຍສົ້ນເຂົ້າຂອງວິສາຫະກິດ ແລະ ນັກລົງທຶນ. ທີສາມແມ່ນ ບຸກທະລຸກ່ຽວກັບພື້ນຖານໂຄງລ່າງ.”
ທ່ານນາຍົກລັດຖະມົນຕີ ຟ້າມມິງຈິງ ກ່າວຄຳເຫັນທີ່ກອງປະຊຸມສົ່ງເສີມການລົງທຶນ ຫວຽດນາມ - ຍີ່ປຸ່ນ
      ໃນກອງປະຊຸມສົ່ງເສີມການລົງທຶນ ຫວຽດນາມ - ຍີ່ປຸ່ນ, ທ່ານນາຍົກລັດຖະມົນຕີ ຟ້າມມິງຈິງ ກໍໄດ້ເຂົ້າຮ່ວມພິທີມອບຂໍ້ຕົກລົງວ່າດ້ວຍການຮ່ວມມື 40 ສະບັບ ໃນຫຼາຍຂົງເຂດທີ່ແຕກຕ່າງກັນລະຫວ່າງກະຊວງ, ຂະແໜງການ, ທ້ອງຖິ່ນ, ວິສາຫະກິດ ລະຫວ່າງສອງປະເທດ ຫວຽດນາມ - ຍີ່ປຸ່ນ.
  ໃນວັນດຽວກັນ, ທ່ານນາຍົກລັດຖະມົນຕີ ຟ້າມມິງຈິງ ໄດ້ໃຫ້ການຕ້ອນຮັບທ່ານນາຍົກລັດຖະມົນຕີ ຍີ່ປຸ່ນ Suga Yoshihide, ໃຫ້ການຕ້ອນຮັບການນຳກຸ່ມບໍລິສັດ ຍີ່ປຸ່ນ ຈຳນວນໜຶ່ງ, ຕ້ອນຮັບປະທານຄະນະກຳມະການເສດຖະກິດ ຫວຽດນາມ - ຍີ່ປຸ່ນ; ປະທານອົງການສົ່ງເສີມການຄ້າ ຍີ່ປຸ່ນ ແລະ ອື່ນໆ.  
 (ແຫຼ່ງຄັດຈາກ VOV)

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ກວ່າເຄິ່ງໜຶ່ງມູນຄ່າການສົ່ງອອກຂອງ ຫວຽດນາມ ໄປຍັງ ອາເມລິກາ ແມ່ນບັນດາຜະລິດຕະພັນເຕັກໂນໂລຢີສູງ (ເຄື່ອງໃຊ້ເອເລັກໂຕນິກ, ໂທລະສັບສະມາດຟົນ), ເຄື່ອງຕັດຫຍິບ ແລະ ເກີບ, ສ່ວນຍັງເຫຼືອແມ່ນບັນດາຜະລິດຕະພັນອື່ນ ຄືເຄື່ອງເຟີນີເຈີ ແລະ ຜະລິດຕະພັນກະເສດ.

Top