ວັນທີ 4 ສິງຫາ, ທ່ານ Tedros Adhanom Ghebreyesus ຜູ້ອຳນວຍການໃຫຍ່ອົງການອະນາໄມໂລກ (WHO) ໄດ້ຮຽກຮ້ອງໃຫ້ບັນດາປະເທດຢຸດຕິຊົ່ວຄາວການຜັນຂະຫຍາຍສັກວັກຊິນກັນໂຄວິດ - 19 ເຂັມທີ 3 ໃຫ້ແກ່ຜູ້ທີ່ໄດ້ຮັບການສັກວັກຊິນຄົບ2 ເຂັມແລ້ວ, ຢ່າງໜ້ອຍສຸດຈົນຮອດທ້າຍເດືອນກັນຍາຈະມາເຖິງ.
ຕາມທ່ານ Tedros Adhanom Ghebreyesus ແລ້ວ, ເລື່ອງຢຸດຕິຊົ່ວຄາວນີ້ ເພື່ອແນໃສ່ຮັບປະກັນວ່າ ບັນດາປະເທດ ໃນໂລກ ຢ່າງໜ້ອຍສຸດແມ່ນ 10% ຈຳນວນປະຊາກອນໄດ້ຮັບການສັກວັກຊິນກັນໂຄວິດ - 19. ຄຳຮຽກຮ້ອງຂອງບັນດາເຈົ້າໜ້າທີ່ WHO ໄດ້ຍົກອອກມາໃນສະພາບການບາງປະເທດ ໄດ້ເລີ່ມການຜັນຂະຫຍາຍສັນວັກຊິນກັນໂຄວິດ - 19 ເຂັມທີ 3 ໃຫ້ແກ່ຜູ້ໄດ້ຮັບການສັກວັກຊິນກັນໂຄວິດ - 19 ຄົບ 2 ເຂັມແລ້ວ, ຍ້ອນຮູ້ສຶກວິຕົກກັງວົນກ່ຽວກັບປະສິດທິຜົນຂອງ ວັກຊິນ ຕໍ່ໜ້າຄວາມສ່ຽງຈາກ ເຊື້ອໄວຣັດກາຍພັນ Delta.
(ແຫຼ່ງຄັດຈາກ VOV)
