ຂ່າວສານ
WEF – ASEAN ໂຄສະນາພາບພົດ: ຮູບພາບຂອງພາກພື້ນອາຊຽນສາມັກຄີ,ວັດທະນາຖາວອນແລະສ້າງຄວາມເຂັ້ມແຂງດ້ວຍຕົນເອງ
(ການປະຊຸມຂ່າວ)
ທີ່ການປະຊຸມຂ່າວໃນຕອນບ່າຍວັນທີ 06 ກັນຍາ, ຢູ່ຮ່າໂນ້ຍ, ທ່ານຮອງລັດຖະມົນຕີການຕ່າງປະເທດຫວຽດນາມ ບຸ່ຍແທງເຊີນ, ເນັ້ນໜັກວ່າ.
“ນີ້ແມ່ນເວທີປາໄສເພື່ອໃຫ້ການນຳບັນດາລັດຖະບານ ແລະ ວິສາຫະກິດຂະໜາດໃຫຍ່ຂອງບັນດາປະເທດອາຊຽນ ແລະ ໃນພາກພື້ນໄດ້ປຶກສາຫາລື, ແບ່ງປັນວິໄສທັດ, ແນວຄວາມຄິດ ແລະ ກຳນົດທິດນະໂຍບາຍສຳລັບບັນດາບັນຫາສຳຄັນຂອງພາກພື້ນ. ມີ 5 ເນື້ອໃນຕົ້ນຕໍເຊິ່ງເວທີປາໄສຄັ້ງນີ້ໄດ້ສຸມໃສ່ລວມມີ: ກຳນົດວິໄສທັດໃໝ່ໃຫ້ອາຊຽນ ກ່ຽວກັບການເຊື່ອມໂຍງພາກພື້ນ; ຊອກຫາບັນດາຮູບແບບເສດຖະກິດໃໝ່ ແລະ ການຄຸ້ມຄອງບໍລິຫານໃນສັງກະລາດດີຈີຕອນ; ຊອກຫາກຳລັງໜູນ ແລະ ຮູບແບບດຳເນີນທຸລະກິດໃນຍຸກສະໄໝອຸດສາຫະກຳ 4.0; ວິສາຫະກິດກັບວິທີສຳຜັດໃໝ່ສຳລັບການຄຸ້ມຄອງບໍລິຫານໃນທົ່ວໂລກ; ພັດທະນາພື້ນຖານໂຄງລ່າງແບບອັດສະລິຍະ, ບຳລຸງດ້ານທັກສະ, ວຽກເຮັດງານທຳ, start up, ປ່ຽນແປງໃໝ່ຢ່າງມີຫົວຄິດປະດິດສ້າງ…”ຕາມກະຊວງການຕ່າງປະເທດແລ້ວ, ມາຮອດປະຈຸບັນ, ມີປະທານາທິບໍດີ, ນາຍົກລັດຖະມົນຕີຂອງ 8 ປະເທດຢືນຢັນວ່າ ຈະເຂົ້າຮ່ວມ. ພ້ອມກັບຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຈຳນວນໜຶ່ງ, ຄາດວ່າມີຜູ້ແທນຂັ້ນລັດຖະມົນຕີປະມານ 50 ທ່ານເຂົ້າຮ່ວມ WEF – ASEAN 2018. ນອກນັ້ນຍັງມີການເຂົ້າຮ່ວມຂອງຜູ້ຕາງໜ້າວິສາຫະກິດແຖວໜ້າຂອງໂລກ ເກືອບ 1000 ແຫ່ງ.
ຕີລາຄາສູງວຽກງານກະກຽມຂອງຫວຽດນາມ, ທ່ານ Justin Wood, ປະທານເວທີປາໄສເສດຖະກິດໂລກພາກພື້ນອາຊີ - ປາຊີຟິກ ຢືນຢັນວ່າ, ນີ້ຈະແມ່ນກາລະໂອກາດຂອງອາຊຽນ, ພິເສດແມ່ນຫວຽດນາມ ໃນການດຶງດູດການລົງທຶນ, ຮ່ວມມືດຳເນີນທຸລະກິດກັບບັນດາຄູ່ຮ່ວມມືສາກົນ.
(ແຫຼ່ງຄັດຈາກ VOV)
