ຂ່າວສານ

Vietjet ລົງນາມຊື້ເຮືອບິນ Boeing 100 ລຳ ແລະ ເຮືອບິນ Airbus 50 ລຳ

22/07/2018

ວັນທີ 20 ກໍລະກົດ, ຢູ່ງານວາງສະແດງການບິນໂລກ Farnborough Airshow 2018 ຢູ່ອັງກິດ, ບໍລິສັດການບິນລຸ້ນໃໝ່ Vietjet ໄດ້ລົງນາມໃນໃບສັ່ງຊື້ໃຫຍ່ 2 ໃບກັບກຸ່ມບໍລິສັດຜະລິດເຮືອບິນແຖວນໜ້າຂອງໂລກ Boeing (ອາເມລິກາ) ແລະ Airbus (ຝລັ່ງ).

ບໍລິສັດການບິນລຸ້ນໃໝ່ Vietjet ໄດ້ລົງນາມໃນໃບສັ່ງຊື້ໃຫຍ່ 2 ໃບ

ກັບກຸ່ມບໍລິສັດຜະລິດເຮືອບິນແຖວນໜ້າຂອງໂລກ Boeing

(ພາບ:toquoc.vn)

ທ່ານນາງ ຫງວຽນທິເຟືອງຖາວ, ຜູ້ອຳນວຍການໃຫຍ່ Vietjet ແລະ ທ່ານ Kevin McAllister, ປະທານ ທັງເປັນຜູ້ອຳນວຍການໃຫຍ່ກຸ່ມບໍລິສັດ Boeing ໄດ້ພ້ອມກັນລົງນາມໃນສັນຍາຊື້ຂາຍເຮືອບິນ Boeing 737 MAX 100 ລຳ ດ້ວຍມູນຄ່າ 12,7 ຕື້ USD ເພື່ອຮັບໃຊ້ໃຫ້ແຜນການຮ່ວມສຳພັນທາງການບິນຂອງບໍລິສັດໃນພາກພື້ນ ແລະ ໃນໂລກ.

ສ່ວນໃບສັ່ງຊື້ເຮືອບິນທີ່ລົງນາມກັບ Airbus ແມ່ນບົດບັນທຶກຊ່ວຍຈຳ (MOU) ຈ່ອງຊື້ເຮືອບິນ A321neo ລຸ້ນໃໝ່ລ່າສຸດ 50 ລຳ, ດ້ວຍມີມູນຄ່າ 6,5 ຕື້ USD ໂດຍຮອງຜູ້ອຳນວຍການໃຫຍ່ Vietjet ແລະ ຜູ້ອຳນວຍການໃຫຍ່ການຄ້າ Airbus ພ້ອມກັນລົງນາມ.

(ແຫຼ່ງຄັດຈາກ VOV)

ການສົ່ງອອກເຄື່ອງເອເລັກໂຕນິກມຸ່ງໄປເຖິງເປົ້າໝາຍບັນລຸ 145 ຕື້ USD

17/09/2025
ຂ່າວສານ

ໃນສະພາບການພູມສາດການເມືອງ ແລະ ເຕັກໂນໂລຢີທົ່ວໂລກ ມີການປ່ຽນແປງຢ່າງລຽນຕິດນັ້ນ, ຫວຽດນາມ ພວມຫັນປ່ຽນຈາກ “ໂຮງງານຜະລິດ” ກາຍເປັນສູນນະວັດຕະກໍາເຕັກໂນໂລຢີສູງຂອງພາກພື້ນ” ເທື່ອລະກ້າວ. ດ້ວຍວົງເງິນສົ່ງອອກເຄື່ອງເອເລັກໂຕນິກບັນລຸກວ່າ 125 ຕື້ USD ໃນປີ 2024 ແລະ ທ່າອຽງພວມເຕີບໂຕຢ່າງວ່ອງໄວ, ພ້ອມກັບການປະກົດຕົວຂອງສູນຄົ້ນຄວ້າ ແລະ ພັດທະນາ (R&D) ຕ່າງປະເທດທີ່ນັບມື້ນັບຫຼາຍ, ຫວຽດນາມ ພວມມຸ່ງໄປເຖິງເປົ້າໝາຍ ສົ່ງອອກເຄື່ອງເອເລັກໂຕນິກໃຫ້ບັນລຸ 145 ຕື້ USD.