ຂ່າວສານ

ໂລກລະບາດ Covid -19: ອີຕາລີຮຽກຮ້ອງໃຫ້ EU ໝູນໃຊ້ ກົນໄກເຮັດໃຫ້ ເອີລົບມີຄວາມໝັ້ນຄົງທີ່ສຸດ

22/03/2020

ວັນທີ 20 ມີນາ, ທ່ານ Giuseppe Conte ນາຍົກລັດຖະມົນຕີ ອີຕາລີ ໄດ້ຮຽກຮ້ອງໃຫ້ສະຫະພາບ ເອີລົບ (EU) ໝູນໃຊ້ກອງທຶນຊ່ວຍເຫຼືອໃຫ້ໄດ້ຫຼາຍທີ່ສຸດ ເພື່ອແນໃສ່ຮັບມືກັບໂລກລະບາດ Covid 19 ທີ່ພວມມີການແຜ່ລາມອອກສູ່ ວົງກ້ວາງຢູ່ເອີລົບ.

ແພດໝໍດູແລຄົນເຈັບຕິດໂລກລະບາດ Covid – 19 ຢູ່ໂຮງໝໍ ຢູ່ອີຕາລີ ໃນວັນທີ 17 ມີນາ 2020 (ພາບ: AFP/TTXVN)

ໃນການຕອບສຳພາດຕໍ່ນັກຂ່າວໜັງສືພິມ Financial Times ທ່ານ Giuseppe Conte ໄດ້ເລັ່ງລັດໃຫ້ EU ດັດປັບກົນໄກຄວາມໝັ້ນຄົງເອີລົບ (ESM) ໂດຍແມ່ນກອງທຶນຊ່ວຍເຫຼືອປະຈຳຂອງບັນດາປະເທດຢູ່ພາກພື້ນນຳໃຊ້ເງິນຕາລວມເອີລົບ (Eurozone) ເພື່ອປັບຕົວເຂົ້າກັບການຮັບມືກັບໂລກລະບາດ Covid -19.

ຕາມທ່ານ Giuseppe Conte ແລ້ວ, ESM ໄດ້ສ້າງຕັ້ງຂຶ້ນແມ່ນເພື່ອແນໃສ່ຮັບມືກັບວິກິດການທີ່ແຕກຕ່າງກັນ, ດັ່ງນັ້ນຕ້ອງດັດປັບເພື່ອໃຫ້ມີການຮັບມືຢ່າງເໝາະສົມກັບສະພາບການໃນປັດຈຸບັນ, ຈາກນັ້ນຈະຊ່ວຍໃຫ້ EU ໝູນໃຊ້ແຫຼ່ງກອງທຶນນີ້ໃຫ້ດີທີ່ສຸດ.

(ແຫຼ່ງຄັດຈາກ VOV)

ໄຂກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

20/10/2025
ຂ່າວສານ

ຕອນເຊົ້າວັນທີ 20 ຕຸລາ, ຢູ່ຫໍປະຊຸມ ຢຽນຮົ່ງ, ຮ່າໂນ້ຍ, ສະພາແຫ່ງຊາດ ຫວຽດນາມ ໄດ້ໄຂກອງປະຊຸມສະໄໝສາມັນເທື່ອທີ 10, ເຊິ່ງແມ່ນກອງປະຊຸມຄັ້ງສຸດທ້າຍຂອງສະພາແຫ່ງຊາດ ຫວຽດນາມ ຊຸດທີ 15. ກອງປະຊຸມວຽກງານຫຼາຍທີ່ສຸດຂອງ ອາຍຸການ, ຄາດວ່າ ດຳເນີນເປັນເວລາປະມານ 40 ວັນ. ເຂົ້າຮ່ວມວາລະໄຂກອງປະຊຸມ, ມີທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລິມ, ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິນຈິງ ແລະ ທ່ານປະທານສະພາແຫ່ງຊາດ ເຈິ່ນແທັງເໝີ້ນ.