ຂ່າວສານ

ແລກປ່ຽນປະສົບການກ່ຽວກັບວຽກງານລະຫວ່າງ ສະພາແຫ່ງຊາດ ຫວຽດນາມ ແລະ ສະພາແຫ່ງຊາດ ລາວ

06/12/2021

ວັນທີ 6 ທັນວາ, ຢູ່ຮ່າໂນ້ຍ, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫ້ວ ແລະ ທ່ານປະທານສະພາແຫ່ງຊາດ ລາວ ໄຊສົມພອນ ພົມວິຫານ ເປັນປະທານຮ່ວມກອງປະຊຸມສຳມະນາແລກປ່ຽນປະສົບການກ່ຽວກັບວຽກງານລະຫວ່າງ ສະພາແຫ່ງຊາດ ຫວຽດນາມ ແລະ ສະພາແຫ່ງຊາດລາວ.

ທ່ານປະທານສະພາແຫ່ງຊາດ ເວືອງດິ່ງເຫ້ວ ກ່າວຄຳເຫັນທີ່ກອງປະຊຸມສຳມະນາ

ກ່າວຄຳເຫັນທີ່ກອງປະຊຸມ, ທ່ານປະທານສະພາແຫ່ງຊາດ ເວືອງດິ່ງເຫ້ວ ໃຫ້ຮູ້ວາ ໃນອາຍຸການຜ່ານມາ, ສະພາແຫ່ງຊາດສອງປະເທດໄດ້ຈັດກອງປະຊຸມສຳມະນາສະເພາະກິດ 8 ຄັ້ງ ໃນນັ້ນມີ 4 ຄັ້ງໂດຍປະທານສະພາແຫ່ງຊາດ ສອງປະເທດ ເປັນປະທານຮ່ວມ

ທ່ານປະທານສະພາແຫ່ງຊາດ ລາວ ໄຊສົມພອນ ພົມວິຫານ ປາດຖະໜາວ່າ, ໃນໄລຍະຈະມາເຖິງ, ບັນດາຄະນະກຳມະທິການກໍ່ຄືອົງການທີ່ກ່ຽວຂ້ອງຂອງສະພາແຫ່ງຊາດ ຫວຽດນາມ ແລະ ລາວ ຈະສືບຕໍ່ພົບປະກັນ, ແລກປ່ຽນ ປະສົບການເພື່ອໃຫ້ສະພາແຫ່ງຊາດລາວ ຍົກສູງ ຄຸນນະພາບການເຄື່ອນໄຫວໃນ ວຽກງານນິຕິກຳ, ຕິດຕາມກວດກາ ກ່ວາອີກ ແລະ ຕັດສິນບັນດາບັນຫາສຳຄັນຕ່າງໆ.
ທີ່ກອງປະຊຸມສຳມະນາ, ບັນດາສະມາຊິກຄະນະຜູ້ແທນຂັ້ນສູງ ສະພາແຫ່ງຊາດ ລາວ ໄດ້ແລກປ່ຽນກ່ຽວກັບບັນດາເນື້ອໃນຄື: ກົນໄກຮັບ ບັນດາຄວາມຮ້ອງທຸກຮ້ອງຟ້ອງຂອງປະຊາຊົນ.

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.