ຂ່າວສານ
ເປັນເອກະພາບການຄຸ້ມຄອງ,ປົກປັກຮັກສາຫຼັກໝາຍຊາຍແດນແຫ່ງຊາດລະຫວ່າງແຂວງກວາງຈີ້ ແລະແຂວງສະຫວັນນະເຂດ,ສາລາວັນ
ລົງນາມເປັນເອກະພາບຕໍ່ການຈັດແບ່ງຄວາມຮັບຜິດຊອບໃນການຄຸ້ມຄອງ, ປົກປັກຮັກສາຫຼັກໝາຍຊາຍແດນແຫ່ງຊາດ ພາຍຫຼັງການກໍ່ສ້າງສຳເລັດ. (ພາບ: baoquangtri.vn)
ທີ່ກອງປະຊຸມ, ການນຳແຂວງກວາງຈີ້ ແລະ 2 ແຂວງ ສະວັນນະເຂດ, ແຂວງ ສາລະວັນ ໄດ້ລົງນາມເປັນເອກະພາບຕໍ່ການຈັດແບ່ງຄວາມຮັບຜິດຊອບໃນການຄຸ້ມຄອງ, ປົກປັກຮັກສາຫຼັກໝາຍຊາຍແດນແຫ່ງຊາດ ພາຍຫຼັງການກໍ່ສ້າງສຳເລັດ. ແຂວງກວາງຈີ້ ດຳເນີນການມອບຮັບແບບແຕ້ມແຜນວາດສະບັບສົມບູນຂອງກິດຈະກຳບັນດາກິດຈະກຳກໍ່ສ້າງຫຼັກໝາຍຊາຍແດນແຫ່ງຊາດ, ເສົາຂີດຂັ້ນ, ແນວປ້ອງກັນຫຼັກໝາຍໃຫ້ແຂວງ ສະຫວັນນະເຂດ, ແຂວງ ສາລະວັນ.
ກ່າວຄຳເຫັນທີ່ກອງປະຊຸມ, ທ່ານຮອງປະທານຄະນະກຳມະການປະຊາຊົນແຂວງກວາງຈີ້ ຮ່າຊີ້ດົງ, ເນັ້ນໜັກວ່າ, ແຜນການປັກຫຼັກໝາຍຖີ່ ແລະ ບູລະນະລະບົບຫຼັກໝາຍຊາຍແດນແຫ່ງຊາດຫວຽດນາມ - ລາວ ແມ່ນກິດຈະກຳສຳຄັນ, ມີຄວາມໝາຍພິເສດທາງດ້ານຄວາມໝັ້ນຄົງ, ການເມືອງ, ເສດຖະກິດ, ສັງຄົມຂອງ 2 ປະເທດຫວຽດນາມ - ລາວ, ກ່ຽວຂ້ອງເຖິງອຳນາດອະທິປະໄຕຜືນແຜ່ນດິນຂອງແຕ່ລະປະເທດ, ບໍ່ພຽງແຕ່ຕອບສະໜອງຄວາມຮຽກຮ້ອງຕ້ອງການໃນຕໍ່ໜ້າເທົ່ານັ້ນ, ຫາກຍັງໃນໄລຍະຍາວອີກດ້ວຍ. ພາຍຫຼັງມອບຮັບແບບແຕ້ມແຜນວາດສະບັບສົນບູນ ແລະ ແບ່ງໜ້າທີ່ຄວາມຮັບຜິດຊອບໃນການຄຸ້ມຄອງປົກປັກຮັກວສາຫຼັກໝາຍຊາຍແດນແຫ່ງຊາດແລ້ວ, ບັນດາແຂວງໄດ້ມອບໃຫ້ກຳລັງຄຸ້ມຄອງຊາຍແດນ, ຕັ້ງໜ້າສົມທົບກັນໃນການລາດຕະເວນ, ປ້ອງກັນຫຼັກໝາຍຊາຍແດນແຫ່ງຊາດໃຫ້ມີຄວາມປອດໄພ ແລະ ຢູ່ໃນສະພາບເດີມ, ເພື່ອແນໃສ່ປະກອບສ່ວນສ້າງເສັ້ນຊາຍແດນແຫ່ງສັນຕິພາບ, ມິດຕະພາບ, ຮ່ວມມື ແລະ ພັດທະນາ.
(ແຫຼ່ງຄັດຈາກ VOV)
