ກອງປະຊຸມສະມັດຊາໃຫຍ່ສະຫະປະຊາຊາດໄດ້ຮັບຮອງເອົາດ້ວຍຄວາມເຫັນດີຕໍ່ສົນທິສັນຍາສະຫະປະຊາຊາດກ່ຽວກັບອາດຊະຍາກຳທາງເຄືອຂ່າຍອິນເຕີເນັດ (ພາບ: VGP)

ຕອນບ່າຍວັນທີ 24 ທັນວາ (ຕາມເວລາ ອາເມລິກາ), ກອງປະຊຸມສະມັດຊາໃຫຍ່ສະຫະປະຊາຊາດໄດ້ຮັບຮອງເອົາດ້ວຍຄວາມເຫັນດີຕໍ່ສົນທິສັນຍາສະຫະປະຊາຊາດກ່ຽວກັບອາດຊະຍາກຳທາງເຄືອຂ່າຍອິນເຕີເນັດ. ຕາມຂໍ້ກຳນົດໃນມາດຕາ 64 ຂອງສົນທິສັນຍາ, ສົນທິສັນຍາຈະໄດ້ເປີດເຊັນຢູ່ນະຄອນຫຼວງ ຮ່າໂນ້ຍ ໃນປີ 2025. ຕາມນັ້ນແລ້ວ, ສົນທິສັນຍາຈະມີຊື່ວ່າ “ສົນທິສັນຍາ ຮ່າໂນ້ຍ”.

ພາຍຫຼັງການເຈລະຈາເປັນເວລາ 4 ປີ, “ສົນທິສັນຍາ ຮ່າໂນ້ຍ” ສ້າງຂີດໝາຍສຳຄັນໃນຄວາມມານະພະຍາຍາມລວມຂອງປະຊາຄົມສາກົນ ເພື່ອຮັບມືກັບບັນດາໄພນາບຂູ່ທີ່ນັບມື້ນັບເພີ່ມຂຶ້ນທາງເຄືອຂ່າຍອິນເຕີເນັດ. ເລື່ອງສະຫະປະຊາຊາດຄັດເລືອກ ຮ່າໂນ້ຍ ແມ່ນສະຖານທີ່ຈັດພິທີເປີດເຊັນສົນທິສັນຍາໃນປີ 2025 ແມ່ນຂີດໝາຍສຳຄັນໃນປະຫວັດສາດການທູດຫຼາຍຝ່າຍຂອງ ຫວຽດນາມ ແລະ 47 ປີແຫ່ງວັນການພົວພັນຄູ່ຮ່ວມມື ຫວຽດນາມ - ສະຫະປະຊາຊາດ. ເປັນຄັ້ງທຳອິດ ຫວຽດນາມ ໄດ້ຈົດຊື່ ແລະ ຕິດກັບສົນທິສັນຍາຫຼາຍຝ່າຍທົ່ວໂລກ ກ່ຽວຂ້ອງເຖິງຂົງເຂດທີ່ປະຊາຄົມສາກົນມີຄວາມສົນໃຈທີ່ສຸດ.