ລົດໂອໂຕຄວາມໄວສູງ F1 ຄັ້ງທໍາອິດ ໄດ້ເລີ່ມເຄື່ອນລໍ້ຢູ່ເສັ້ນທາງແຂ່ງຂັນທີ່ສະໜາມກິລາແຫ່ງຊາດ ໝີດິ່ງ, ຫວຽດນາມ ໃນຕອນຄໍ່າວັນທີ 20 ເມສາ (ພາບ: sovhtt.hanoi.gov.vn)
ລົດໂອໂຕຄວາມໄວສູງ F1 ຄັ້ງທໍາອິດ ໄດ້ເລີ່ມເຄື່ອນລໍ້ຢູ່ເສັ້ນທາງແຂ່ງຂັນທີ່ສະໜາມກິລາແຫ່ງຊາດ ໝີດິ່ງ, ຫວຽດນາມ ໃນຕອນຄໍ່າວັນທີ 20 ເມສາ ໃນເຫດການ “ເລີ່ມດໍາເນີນການແຂ່ງຂັນລົດໂອໂຕຄວາມໄວສູງ Formula 1 ຫວຽດນາມ Grand Prix” ໂດຍບໍລິສັດ ຫວຽດນາມ Grand Prix ແລະພະແນກວັດທະນະທໍາ-ກິລາ ນະຄອນຮ່າໂນ້ຍ ສົມທົບກັນຈັດຕັ້ງ.
ໄລຍະທາງແຂ່ງຂັນ F1 ຢູ່ ຮ່າໂນ້ຍ ໄດ້ກໍ່ສ້າງອ້ອມສະໜາມກິລາແຫ່ງຊາດ ໝີດິ່ງ ດ້ວຍຄວາມຍາວ 5,565 km ແລະ ມີທາງໂຄ້ງ 22 ຈຸດ ເຊິ່ງຈະດໍາເນີນເປັນຄັ້ງທໍາອິດໃນເດືອນ ເມສາ 2020. ທີ່ເຫດການ “ເລີ່ມຕົ້ນການແຂ່ງຂັນລົດໂອໂຕຄວາມໄວສູງ F1 ຫວຽດນາມ Grand Prix”, ບໍລິລັດ ຫວຽດນາມ Grand Prix ໄດ້ໄຂການຂາຍປີ້ຄັ້ງທໍາອິດໃຫ້ແກ່ຜູ້ຊົມ ຢ່າງເປັນທາງການ ດ້ວຍຈໍານວນຈໍາກັດ ແມ່ນ 5565 ປີ້ ໂດຍໄດ້ແບ່ງເປັນ 3 ປະເພດຄື: ປີ້ວິສາຫະກິດ, ປີ້ເວທີ, ປີ້ທົ່ວໄປ. ໃນນັ້ນ ປີ້ສໍາລັບເວທີ VIP ມີລາຄາ 390 USD (ຕໍ່ 03 ວັນ) ແລະ ປີ້ທົ່ວໄປແມ່ນ 75 USD.
