ຂ່າວສານ
ຮັບປະກັນເປົ້າໝາຍຮອດປີ 2025 ຕ້ອງກໍ່ສ້າງສຳເລັດໄລຍະທີ 1 ຂອງໂຄງການກໍ່ສ້າງທ່າອາກາດສະຍານສາກົນ ລອງແທັ່ງ
ຕາມແຜນນະໂຍບາຍ ເຊິ່ງສະພາແຫ່ງຊາດຫວຽດນາມ ໄດ້ຮັບຮອງເອົາໃນເດືອນມິຖຸນາ 2015 ແລ້ວ, ສະໜາມບິນ ລອງແທັ່ງ ໄດ້ຮັບການກໍ່ສ້າງດ້ວຍຄວາມສາມາດຮັດໃຊ້ຜູ້ໂດຍສານ 100 ລ້ານເທື່ອຄົນ ແລະ ສິນຄ້າ 5 ລ້ານໂຕນຕໍ່ປີ. ການກໍ່ສ້າງໄດ້ແບ່ງອອກເປັນ 3 ໄລຍະ ດ້ວຍຍອດເງິນລົງທຶນຄາດວ່າ ປະມານ 16 ຕື້ USD.
ທີ່ການເຮັດວຽກກັບຄະນະຄຸ້ມຄອງໂຄງການ ທ່າອາກາດສະຍານສາກົນ ລອງແທັ່ງ, ທ່ານນາຍົກລັດຖະມົນຕີຫວຽດນາມ ຟ້າມມິງຈິງ ເນັ້ນໜັກວ່າ ໂຄງການທ່າອາກາດສະຍານສາກົນ ລອງແທັ່ງ ແມ່ນໂຄງການໃຫຍ່, ໂຄງການຈຸດສຸມລະດັບຊາດ. ດັ່ງນັ້ນ, ຕ້ອງມີການປ່ຽນແປງຈິນຕະນາການ, ວິທີການວິເຄາະ, ວິທີການສຳຜັດກັບບັນຫາໃຫ້ແທດເໝາະກັບສະພາບການໃໝ່ ແລະ ຂອບຂະໜາດຂອງໂຄງການກໍ່ສ້າງຈຸດສຸມລະດັບຊາດ. ບັນດາກະຊວງ, ຂະແໜງການຕ້ອງພິຈາລະນາຈັດແບ່ງທຶນຮອນໃຫ້ແກ່ໂຄງການ, ລະດົມທຶນຈາກຫຼາຍແຫຼ່ງທຶນທີ່ແຕກຕ່າງກັນ ແລະ ມີແບບວິທີລະອຽດ, ຈະແຈ້ງ ແລະ ມີຄວາມເປັນໄປໄດ້. ກະກຽມວັດສະດຸຢ່າງຄົບຖ້ວນ, ກຽມພ້ອມຮັບໃຊ້ການກໍ່ສ້າງ. ຮັບປະກັນໃຫ້ບັນລຸເປົ້າໝາຍ ຮອດປີ 2025 ຕ້ອງສຳເລັດການກໍ່ສ້າງໄລຍະທີ 1 ຂອງໂຄງການກໍ່ສ້າງທ່າອາກາດສະຍານສາກົນ ລອງແທັ່ງ.
(ແຫຼ່ງຄັດຈາກ VOV)
