ທຳນຽບຂາວແຈ້ງໃຫ້ຊາບວ່າ ອາເມລິກາ ຈະເປັນເຈົ້າພາບຈັດກອງປະຊຸມສຸດຍອດເວທີປາໄສຮ່ວມມືເສດຖະກິດ ອາຊີ - ປາຊີຟິກ (APEC) ໃນປີ 2023.
ອາເມລິກາ ຈະເປັນເຈົ້າພາບຈັດກອງປະຊຸມສຸດຍອດເວທີປາໄສຮ່ວມມືເສດຖະກິດ ອາຊີ - ປາຊີຟິກ (APEC) ໃນປີ 2023. (ພາບ: AFP/TTXVN)
ວັນທີ 10 ກຸມພາ, ທຳນຽບຂາວແຈ້ງໃຫ້ຊາບວ່າ ອາເມລິກາ ຈະເປັນເຈົ້າພາບຈັດກອງປະຊຸມສຸດຍອດເວທີປາໄສຮ່ວມມືເສດຖະກິດ ອາຊີ - ປາຊີຟິກ (APEC) ໃນປີ 2023.
ແຈ້ງການຊີ້ແຈ້ງວ່າ: “ພວກຂ້າພະເຈົ້າມີຄວາມເອກອ້າງທະນົງໃຈວ່າ ອາເມລິກາ ຈະເປັນປະເທດເຈົ້າພາບຈັດກອງປະຊຸມສຸດຍອດ APEC ປີ 2023, ເນັ້ນໜັກເຖິງຄຳໝັ້ນຂອງພວກຂ້າພະເຈົ້າໃນການຊຸກຍູ້ການຄ້າ ແລະ ການລົງທຶນຢ່າງມີຍຸດຕິທຳ ແລະ ເປີດເຜີຍ, ເພີ່ມທະວີກຳລັງແກ່ງແຍ້ງຂອງ ອາເມລິກາ ແລະ ຮັບປະກັນພາກພື້ນ ມະຫາສະໝຸດອິນເດຍ - ປາຊີຟິກ ເສລີ ແລະ ເປີດກວ້າງ”. ຕາມທ່ານນາງໂຄສົກທຳນຽບຂາວ Jen Psaki ແລ້ວ, ບຸລິມະສິດແຖວໜ້າຂອງອຳນາດການປົກຄອງປະທານາທິບໍດີ Joe Biden ແມ່ນຊຸກຍູ້ບົດບາດເປັນຄູ່ຮ່ວມມືທີ່ເຂັ້ມແຂງ ແລະ ມີຄວາມໄວ້ເນື້ອເຊື່ອໃຈຂອງບັນດາພື້ນຖານເສດຖະກິດ APEC, ພ້ອມທັງຊອກຫາມາດຕະການແກ້ໄຂລວມ ເພື່ອເປີດກາລະໂອກາດທາງດ້ານເສດຖະກິດ, ຄວາມວັດທະນາຖາວອນ ແລະ ການພັດທະນາໃຫ້ໝົດທຸກຢ່າງ.
(ແຫຼ່ງຄັດຈາກ VOV)
