ກອງປະຊຸມຄະນະຊີ້ນຳການສະກັດກັ້ນ, ຕ້ານ Covid-19 ແຫ່ງຊາດ (ພາບ: VGP)
ທີ່ກອງປະຊຸມ, ບັນດາສະມາຊິກຄະນະຊີ້ນຳໄດ້ປຶກສາຫາລື, ໄຈ້ແຍກ ແລະ ຕີລາຄາກ່ຽວກັບບັນຫາ: ສະພາບການໂລກລະບາດຢູ່ ເອີຣົບ; ວຽກງານຄວບຄຸມລະບາດວິທະຍາຢູ່ດ່ານຊາຍແດນ; ຄຸ້ມຄອງຄົນເຂົ້າ - ອອກເມືອງ; ແຍກຕົວຜູ້ທີ່ມາຈາກເຂດເກີດໂລກລະບາດເຂົ້າເມືອງປະເທດ ຫວຽດນາມ… ທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມ ແລະ ບັນດາຜູ້ແທນໄດ້ເນັ້ນໜັກເຖິງມາດຕະການຄວບຄຸມຄົນເຂົ້າເມືອງປະເທດ ຫວຽດນາມ ຢ່າງແໜ້ນແຟ້ນ. ຄົນທັງໝົດເຫຼົ່ານັ້ນ ຕ້ອງບັງຄັບໃຫ້ແຈ້ງອາການສຸຂະພາບ. ຖ້າແຈ້ງຂີ້ຕົວະ ຈະຖືກລົງໂທດຕາມຂໍ້ກຳນົດຂອງກົດໝາຍ ຫວຽດນາມ. ເພື່ອສະກັດກັ້ນໂລກລະບາດຈາກທາງການບິນ. ບັນດາທ່າອາກາດສະຍານສາກົນຈະຈັດຕັ້ງເຂດສະເພາະ ເພື່ອຮັບໃຊ້ໃຫ້ແກ່ຜູ້ໂດຍສານປ່ຽນຍົນ.
ແລະກໍ່ໃນເຫດການທີ່ກ່ຽວຂ້ອງ, ປັກຈຸບັນ, ຫວຽດນາມ ໄດ້ກວດພົບກໍລະນີຕິດເຊື້ອ Covid – 19 ຄົນທີ 35, ນັ້ນແມ່ນເພດຍິງ, ອາຍຸ 29 ປີ, ສັນຊາດ ຫວຽດນາມ. ຜູ້ຕິດເຊື້ອຄົນດັ່ງກ່າວ ແມ່ນພາລະກອນຂາຍເຄື່ອງຢູ່ຮ້ານສັບພະສິນຄ້າ ດ້ຽນໄໝແຊງ ຢູ່ເມືອງ ຫາຍເຈົາ, ນະຄອນ ດ່າໜັງ. ປັດຈຸບັນ, ຜູ້ຕິດເຊື້ອຄົນທີ 35 ດັ່ງກ່າວ ພວມໄດ້ຮັບການແຍກຕົວປິ່ນປົວຢູ່ໂຮງໝໍ ດ່າໜັງ.
ແລະກໍ່ໃນຕອນແລງຂອງວັນທີ 11 ມີນາ, ຫວຽດນາມ ໄດ້ຢັ້ງຢືນມີຕື່ມອີກ 3 ກໍລະນີຕິດເຊື້ອ Covid-19, ກໍລະນີເຫຼົ່ານີ້ ຕ່າງກໍ່ສຳຜັດໃກ້ກັບຄົນເຈັບຕິດ Covid-19 ຄົນທີ 34 ອັນໄດ້ຍົກຍອດຈຳນວນຜູ້ຕິດ Covid-19 ຂຶ້ນເຖິງ 38 ກໍລະນີ, ໃນນັ້ນ 16 ກໍລະນີໄດ້ຫາຍດີແລ້ວ.
(ແຫຼ່ງຄັດຈາກ VOV)
