ຂ່າວສານ

ຫວຽດນາມ ຍັງເປັນປະເທດທີ່ດຶງດູດແຫຼ່ງເງິນລົງທຶນຈາກວິສາຫະກິດເອີຣົບ ຢ່າງແຮງ

13/04/2023

ຕາມບົດລາຍງານ ດັດຊະນີສະພາບແວດລ້ອມດຳເນີນທຸລະກິດ (BCI) ສະບັບຫຼ້າສຸດ ໂດຍສະມາຄົມວິສາຫະກິດ ເອີຣົບ ປະຈຳ ຫວຽດນາມ (EuroCham) ແລະ Decision Lab ປະຕິບັດ, ການນຳບັນດາວິສາຫະກິດ ເອີຣົບ ເຫັນວ່າ ພື້ນຖານເສດຖະກິດ ຫວຽດນາມ ມີການປົວແປງດີຂຶ້ນ.

(ພາບປະກອບ: TTXVN)

ດັດຊະນີສະພາບແວດລ້ອມດຳເນີນທຸລະກິດ (BCI) ໄດ້ຮັບຖືວ່າ ແມ່ນໄມ້ວັດແທກແຖວໜ້າເພື່ອໃຫ້ປະຊາຄົມວິສາຫະກິດ ແລະ ນັກລົງທຶນ ເອີຣົບ ມີຄວາມເຂົ້າໃຈກວ່າກ່ຽວກັບຕະຫຼາດ ຫວຽດນາມ. ການສຳຫຼວດປະຈຳໄຕມາດ ແມ່ນການສັງລວມທຸກການສ່ອງແສງຈາກຕາໜ່າງທີ່ກວ້າງໃຫຍ່ດ້ວຍສະມາຊິກ 1.300 ແຫ່ງຂອງ EuroCham ຫວຽດນາມ, ເຊິ່ງເປັນຕົວແທນໃຫ້ຂົງເຂດເກືອບທັງໝົດໃນພື້ນຖານເສດຖະກິດທີ່ຂະຫຍັນຂັນເຄື່ອນຂອງປະເທດ. ຕາມບົດລາຍງານແລ້ວ, ບັນດາວິສາຫະກິດເອີຣົບ ສືບຕໍ່ໃຫ້ຂໍ້ສັງເກດວ່າ ຫວຽດນາມ ຍັງແມ່ນປະເທດທີ່ດຶງດູດເງິນລົງທຶນ FDI ຢ່າງແຮງ, ດ້ວຍກວ່າ 3% ການນຳຖືວ່າ ຫວຽດນາມ ແມ່ນໜຶ່ງໃນ 3 ຈຸດສຸມລົງທຶນຂອງເຂົາເຈົ້າໃນທົ່ວໂລກ. ເບິ່ງລວມແລ້ວ, 36% ຜູ້ເຂົ້າຮ່ວມການສຳຫຼວດ ໄດ້ຈັດ ຫວຽດນາມ ຢືນອັນດັບໜຶ່ງ, ນອນໃນ ກຸ່ມ 3 ຫຼື ກຸ່ມ 5 ປະເທດລົງທຶນແຖວໜ້າຂອງເຂົາເຈົ້າໃນຂອບເຂດທົ່ວໂລກ.

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.