ຂ່າວສານ

ຫວຽດນາມມີຜູ້ຕິດເຊື້ອພະຍາດ Covid – 19 ໃໝ່ຕື່ມອີກ 5 ຄົນ

08/08/2020

ຕາມແຫຼ່ງຂ່າວຈາກຄະນະຊີ້ນຳແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດ Covid – 19 ແລ້ວ, ໄລ່ຮອດເວລາ 6 ໂມງວັນທີ 8 ສິງຫາ, ຫວຽດນາມມີຜູ້ຕິດເຊື້ອພະຍາດ Covid – 19 ໃໝ່ຕື່ມອີກ 5 ຄົນ, ໃນນັ້ນ 3 ຄົນແມ່ນມີສ່ວນກ່ຽວຂ້ອງເຖິງ ດ່ານັ້ງ (ຢູ່ ກ໋ວາງຫງາຍ2 ຄົນ, ຮ່າໂນ້ຍ 1 ຄົນ) ແລະ 2 ຄົນໄດ້ ແຍກຕົວໃນທັນທີພາຍຫຼັງທີ່ເດີນທາງເຂົ້າແຂວງແຄ໊ງຮ່ວາ.

ພາບປະກອບ: ກະຊວງສາທາລະນະສຸກຫວຽດນາມ
ດັ່ງນັ້ນ ມາຮອດປັດຈຸບັນ, ຫວຽດນາມ ໄດ້ຢັ້ງຢືນວ່າມີຜູ້ຕິດເຊື້ອພະຍາດ Covid – 19 ຈຳນວນ 789 ຄົນ, ໃນນັ້ນມີ ຜູ້ຕິດເຊື້ອມາຈາກຕ່າງປະເທດ ແມ່ນ 316 ຄົນ, ຜູ້ຕິດເຊື້ອໃໝ່ໃນຊຸມຊົນ ແມ່ນ 333 ຄົນ ນັບແຕ່ວັນທີ 25 ກໍລະກົດມາຮອດປັດຈຸບັນ, ຜູ້ຕິດເຊື້ອ 395 ຄົນແມ່ນໄດ້ຮັບການປິ່ນປົວຫາຍດີເປັນປົກກະຕິແລ້ວ ແລະ ມີຜູ້ເສຍຊີວິດ 10 ຄົນ.

ກ່ອນໜ້ານັ້ນ, ໃນວັນທີ 7 ສິງຫາ, ບັນດາອົງການທີ່ມີໜ້າທີ່ຮັບຜິດຊອບຫວຽດນາມ, ບັນດາອົງການຕາງໜ້າຫວຽດນາມປະຈຳ ອົດສະຕາລີ ແລະ ບໍລິສັດການບິນແຫ່ງຊາດຫວຽດນາມ ໄດ້ສົມທົບກັບບັນດາອົງການທີ່ມີໜ້າທີ່ຮັບຜິດຊອບອົດສະຕາລີຈັດຖ້ຽວບິນນຳສົ່ງພົນລະເມືອງຫວຽດນາມ 340 ຄົນ ກັບມາປະເທດ. ພາຍຫຼັງ ເຮືອບິນລົງຈອດຢູ່ສະໜາມບິນເຕິນເຊີນເຍິດ ຜູ້ໂດຍສານທັງໝົດໄດ້ກວດສຸຂະພາບ ແລະ ນຳສົ່ງໄປຍັງຮາກຖານແຍກຕົວຢ່າງຖືກຕ້ອງຕາມຂໍ້ກຳນົດ.
ໃນເຫດການທີ່ກ່ຽວຂ້ອງ, ໃນວັນທີ 7 ສິງຫາ, ສະຖານທູດຫວຽດນາມປະຈຳອາເມລິກາ ໄດ້ມອບຜ້າອັດປາກ - ດັງ 10.000 ອັນ ໃຫ້ແກ່ ລັດ Maryland ອາເມລິກາ.

(ແຫຼ່ງຄັດຈາກ VOV)

ຫວຽດນາມ, ໂອຕາລິດ ຊຸກຍູ້ການຮ່ວມມືກ່ຽວກັບ AI ແລະ ຄວາມປອດໄພທາງໄຊເບີ

13/05/2026
ຂ່າວສານ

ທ້າຍອາທິດຜ່ານມາ, ຄະນະປະຕິບັດງານຂອງສະຫະສະມາຄົມຄວາມປອດໄພທາງໄຊເບີແຫ່ງຊາດ (NCA) ພ້ອມດ້ວຍຜູ້ຕາງໜ້າກະຊວງຕຳຫຼວດ ຫວຽດນາມ ໄດ້ມີການເຮັດວຽກກັບສະຖາບັນອຸດສາຫະກຳ ໂອຕາລິດ (AIT) ເພື່ອແນໃສ່ຊຸກຍູ້ການຮ່ວມມືໃນບັນດາຂົງເຂດຄວາມປອດໄພທາງໄຊເບີ, ຂໍ້ມູນ ແລະ ປັນຍາປະດິດ (AI).