ທ່ານ ຫຼຽວຢິນຊານ ແລະ ທ່ານ ຫງວຽນຟູ໋ຈ້ອງ
ຕອນບ່າຍວັນທີ 18 ກັນຍາ, ຢູ່ຮ່າໂນ້ຍ, ທີ່ການຕ້ອນຮັບຄະນະ, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຟູ໋ຈ້ອງ ໄດ້ຢັ້ງຢືນທັດສະນະສະເໝີຕົ້ນສະເໝີປາຍຂອງພັກ ແລະ ລັດ ຫວຽດນາມ ແມ່ນຖືເປັນສຳຄັນການພົວພັນກັບ ຈີນ ແລະ ຫວັງວ່າ ການພົວພັນ ຫວຽດນາມ - ຈີນ ຍາມໃດກໍ່ພັດທະນາຢ່າງໂປ່ງໃສ, ໝັ້ນຄົງເຂັ້ມແຂງ, ເປັນປົກກະຕິ ເພື່ອຜົນປະໂຫຍດຂອງປະຊາຊົນ 2 ປະເທດ, ເພື່ອສັນຕິພາບ ແລະ ການພັດທະນາຢູ່ພາກພື້ນ ແລະ ຢູ່ໃນໂລກ. ທ່ານເລຂາທິການໃຫຍ່ ຫງວຽນຟູ໋ຈ້ອງ ເນັ້ນໜັກເຖິງຄວາມສຳຄັນຂອງການຮ່ວມມື, ການແລກປ່ຽນທິດສະດີ, ບົດຮຽນພຶດຕິກຳຕົວຈິງ ກ່ຽວກັບການຊີ້ນຳການພັດທະນາເສດຖະກິດ - ສັງຄົມ, ການກໍ່ສ້າງພັກ, ບຳລຸງສ້າງພະນັກງານລະຫວ່າງ 2 ພັກ ແລະ ຄວາມຈຳເປັນຕ້ອງແລກປ່ຽນຢ່າງກົງໄປກົງມາ, ເປີດເຜີຍ ແລະ ແທດຈິງ ເພື່ອແກ້ໄຂບັນດາບັນຫາໃນການພົວພັນ 2 ຝ່າຍ.
ສ່ວນທ່ານ ຫຼຽວຢິນຊານ ຢືນຢັນວ່າ, ພັກ ແລະ ລັດ ຈີນ ຖືເປັນສຳຄັນການພັດທະນາການພົວພັນມິດຕະພາບ, ການຮ່ວມມືທີ່ເປັນມູນເຊື້ອລະຫວ່າງ 2 ພັກ, 2 ລັດ, ສະແດງຄວາມຫວັງຢາກສົມທົບກັບຝ່າຍ ຫວຽດນາມ ຢ່າງແໜ້ນແຟ້ນ ເພື່ອກະກຽມ ແລະ ຈັດຕັ້ງການຢ້ຽມຢາມຕ່າງປະເທດທຳອິດຂອງທ່ານເລຂາທິການໃຫຍ່, ປະທານປະເທດ ຈີນ ສືຈິ້ນຜິງ ພາຍຫຼັງກອງປະຊຸມໃຫຍ່ຄັ້ງທີ 19 ຂອງພັກກອມມູນິດ ຈີນຊຶ່ງ ແມ່ນການຢ້ຽມຢາມ ທາງລັດຖະກິດຫວຽດນາມ ແລະ ເຂົ້າຮ່ວມກອງປະຊຸມສຸດຍອດ APEC ໃນເດືອນພະຈິກປີນີ້.
(ແຫຼ່ງຄັດຈາກ VOV)
