ກ່າວຄຳເຫັນທີ່ກອງປະຊຸມ, ທ່ານພົນໂທ ຫງວຽນເຕິນເກືອງ, ຮອງລັດຖະມົນຕີກະຊວງປ້ອງກັນປະເທດ ຫວຽດນາມ ເນັ້ນໜັກວ່າ ການແກ້ງແຍ່ງຍຸດທະສາດລະຫວ່າງບັນດາປະເທດໃຫຍ່ ຍັງບໍ່ມີແນວໂນ້ມຫຼຸດລົງເທື່ອ ແລະ ສິ່ງນີ້ສືບຕໍ່ເປັນສິ່ງທ້າທາຍຕໍ່ບົດບາດໃຈກາງຂອງອາຊຽນ.
ສຳລັບບັນຫາທະເລຕາເວັນອອກ, ທ່ານຫົວໜ້າຄະນະຜູ້ແທນ ຫວຽດນາມ ໄດ້ຮຽກຮ້ອງໃຫ້ບັນດາປະເທດ ຈົ່ງສືບຕໍ່ຮັກສາສັນຕິພາບ, ຄວາມໝັ້ນຄົງ, ສະຖຽນລະພາບ, ຄວາມປອດໄພ ແລະ ຄວາມເສລີໃນການເດີນເຮືອ, ການບິນຢູ່ ທະເລຕາເວັນອອກ, ພ້ອມທັງເພີ່ມທະວີການສ້າງຄວາມໄວ້ເນື້ອເຊື່ອໃຈ, ປະຕິບັດຖະແຫຼງການວ່າດ້ວຍການປະພຶດຂອງ ບັນດາຝ່າຍຢູ່ ທະເລຕາເວັນອອກ (DOC) ຢ່າງຄົບຖ້ວນ ແລະ ມີປະສິດທິຜົນ, ສ້າງກົດແຫ່ງການປະພຶດຢູ່ທະເລຕາເວັນອອກ (COC) ໃຫ້ສຳເລັດໂດຍໄວ, ມີປະສິດທິຜົນ ແລະ ແທດຈິງ, ສອດຄ່ອງກັບກົດໝາຍສາກົນ, ລວມມີສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລ (UNCLOS 1982).
ຢູ່ນອກກອງປະຊຸມຜູ້ບັນຊາການກຳລັງປ້ອງກັນປະເທດ ອາຊຽນ ຄັ້ງທີ 19, ທ່ານພົນໂທ ຫງວຽນເຕິນເກືອງ ຍັງມີ ການພົບປະສອງຝ່າຍກັບຫົວໜ້າຄະນະຜູ້ແທນປະເທດ ລາວ, ມຽນມາ, ຟີລິບປິນ, ບຣູໄນ ແລະ ໄທ.
ສິ້ນສຸດກອງປະຊຸມ ໄດ້ດຳເນີນພິທີມອບຕຳແໜ່ງປະທານ ACDFM ໃຫ້ແກ່ ອິນໂດເນເຊຍ ເຊິ່ງແມ່ນປະເທດປະທານອາຊຽນ ປີ 2023.
