ທ່ານນາງ ເລທິທູຮັ່ງ, ໂຄສົກກະຊວງການຕ່າງປະເທດ ຫວຽດນາມ
ວັນທີ 20/4, ທີ່ການປະຊຸມຂ່າວນັດສາມັນຂອງກະຊວງການຕ່າງປະເທດ ຫວຽດນາມ, ເມື່ອຕອບຄຳຖາມກ່ຽວກັບທັດສະນະຂອງ ຫວຽດນາມ ຕໍ່ຂໍ້ມູນຂ່າວ ອາຊຽນ ແລະ ຈີນ ຈະເລີ່ມຕົ້ນການເຈລະຈາຮ່າງກົດແຫ່ງການປະພຶດຢູ່ທະເລຕາເວັນອອກ (COC) ໃນເດືອນ 5 ຈະມາເຖິງ, ທ່ານນາງ ເລທິທູຮັ່ງ, ໂຄສົກກະຊວງການຕ່າງປະເທດ ຫວຽດນາມ ຊີ້ແຈ້ງວ່າ:“ຜົນປະໂຫຍດລວມຂອງທຸກໆປະເທດແມ່ນຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ ແລະ ຄວາມປອດໄພໃນການເດີນທະເລ, ການບິນຢູ່ທະເລຕາເວັນອອກ. ບົນພື້ນຖານນັ້ນ, ບັນດາປະເທດ ອາຊຽນ ແລະ ຈີນ ຍາມໃດກໍ່ເຫັນດີສ້າງກົດແຫ່ງການປະພຶດມີລັກສະນະສັງລວມ, ຜູກຮັດ, ມີປະສິດທິຜົນ, ໜູນຊ່ວຍຮັກສາການຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ ແລະ ຄວາມເສລີໃນການເດີນທະເລ, ການບິນຢູ່ທະເລຕາເວັນອອກ, ສ້າງສະພາບແວດລ້ອມສັນຕິພາບສະດວກໃຫ້ແກ່ການແກ້ໄຂບັນດາການຂັດແຍ້ງໂດຍສັນຕິວິທີ, ບົນພື້ນຖານເໝາະສົມກັບບັນດາຫຼັກການທີ່ຮັບຮອງຢ່າງກ້ວາງຂວາງໃນກົດໝາຍສາກົນ, ໃນນັ້ນມີສົນທິສັນຍາຂອງ ສປຊ ກ່ຽວກັບກົດໝາຍວ່າດ້ວຍທະເລປີ 1982. ບົນພື້ນຖານນັ້ນ, ເຊິ່ງແມ່ນສະມາຊິກເປັນເຈົ້າການ, ຕັ້ງໜ້າ ແລະ ມີຄວາມຮັບຜິດຊອບໃນອາຊຽນ ແລະ ປະຊາຄົມສາກົນ, ຫວຽດນາມ ພວມມະນາພະຍາຍາມພ້ອມກັບ ອາຊຽນ ແລະ ຈີນ ຊຸກຍູ້ການປຶກສາຫາລືແທດຈິງ, ເພື່ອບັນລຸ COC ໂດຍໄວ.”
(ແຫຼ່ງຄັດຈາກ VOV)
