ໃນຕະຫຼອດ 10 ກວ່າປີຜ່ານມາ, ສະໂມສອນແມ່ນບ່ອນສະແດງສິລະປະຮ້ອງເພງຂອງພໍ່ແມ່ປະຊາຊົນຊາວຫວຽດນາມ ອາໄສດິນແດນແຫ່ງດອກຈຳປານີ້.
ບັນດາສະມາຊິກໃນສະໂມສອນໄດ້ເຕົ້າໂຮມກັນຝຶກແອບສິລະປະໃນຕອນຄ່ຳແຕ່ລະວັນສຸກ
(ພາບ: My Binh)
ເຖິງວ່າຄ້າງຄາກັບວຽກງານປານໃດກໍ່ຕາມ, ເມື່ອຮອດຕອນຄ່ຳວັນສຸກ ແຕ່ລະອາທິດ, ປ້າ ຈິ້ງທິທາວ, ສະມາຊິກຂອງສະໂມສອນສິລະປະໄທບ້ານດຽວກັນຂອງຊາວຫວຽດນາມ ອາໄສຢູ່ແຂວງຊຽງຂວາງ ກໍ່ສະຫຼະເວລາມາຮ່ວມດຳເນີນຊີວິດ, ຝຶກແອບສິລະປະຢູ່ສະໂມສອນ. ສຳລັບປ້າແລ້ວ, ໄດ້ເຂົ້າຮ່ວມການດຳເນີນຊີວິດພ້ອມກັບພໍ່ແມ່ປະຊາຊົນໄທບ້ານດຽວກັນ ບໍ່ພຽງແຕ່ແມ່ນການຮ່ວມເບີກບານມ່ວນຊື່ນ, ຮ້ອງເພງກ່ຽວກັບບ້ານເກີດເມືອງນອນ, ປະເທດຊາດຫວຽດນາມ ເທົ່ານັ້ນ, ຫາກນັ້ນຍັງແມ່ນເວລາອັນລ້ຳຄ່າ ແລະ ມີຜົນປະໂຫຍດທີ່ສຸດ ເພື່ອພົບປະແລກປ່ຽນຖອດຖອນບົດຮຽນໃນການທຳມາຫາກິນດຳເນີນທຸລະກິດ; ເຂົ້າຮ່ວມບັນດາການສະແດງເນື່ອງໃນໂອກາດສະເຫຼີມສະຫຼອງບັນດາວັນບຸນໃຫຍ່ຂອງ 2 ຊາດຫວຽດນາມ - ລາວ. ປ້າຈິ້ງທິຖາວ ກ່າວວ່າ:
“ເຂົ້າຮ່ວມສະໂມສອນ ພໍ່ແມ່ປະຊາຊົນມີຄວາມເຂົ້າໃຈວ່າມີຜົນປະໂຫຍດໃຫ້ແກ່ຕົວເອງ ແລະ ປະຊາຄົມ, ມີສະພາບການຫຍັງຂອງສັງຄົມທີ່ກ່ຽວຂ້ອງເຖິງຝ່າຍລາວ ຫຼື ຢູ່ພາຍໃນປະເທດ, ໃນປະຊາຄົມລ້ວນແຕ່ໄດ້ເຜີຍແຜ່ເພື່ອໃຫ້ພໍ່ແມ່ປະຊາຊົນກຳໄດ້ສະພາບການ ແລະ ຫຼັງຈາກນັ້ນກໍ່ພາກັນຝຶກແອບຂັບຮ້ອງບັນດາບົດເພງຂອງລາວ ແລະ ຫວຽດນາມ”.
ລາຍການສະແດງສິລະປະຂອງສະໂມສອນ ໃນໂອກາດບຸນປີໃໝ່ປະຈຳຊາດປີຈໍ 2018
(ພາບ: My Binh)
ສ່ວນລຸງ ຟ້າມຫງອັກແອງ, ກໍ່ແມ່ນສະມາຊິກຂອງສະໂມສອນດັ່ງກ່າວ, ລຸງໃຫ້ຮູ້ວ່າ: ເມື່ອໄດ້ດຳເນີນຊີວິດດ້ານສິລະປະຢູ່ສະໂມສອນ ລຸງຮູ້ສຶກວ່າຄືຍັງໜຸ່ມຢູ່. ລຸງ ແລະ ບັນດາສະມາຊິກໃນສະໂມສອນລ້ວນແຕ່ປາດຖະໜາວ່າ, ຜ່ານສຽງຮ້ອງຈາກບັນດາບົດເພງປະຕິວັດ, ບັນດາບົດເພງຍ້ອງຍໍບ້ານເກີດເມືອງນອນ, ປະເທດຊາດ, ພໍ່ແມ່ປະຊາຊົນຊາວຫວຽດນາມ ໃນສະໂມສອນສິລະປະ ຍາມໃດກໍ່ຄິດຮອດຄິດເຖິງເລືອກເນື້ອໃນເຊື້ອໄຂຂອງຕົນ ແລະ ອວ່າຍໜ້າເມືອຫາບ້ານເກີດເມືອງນອນ, ປະເທດຊາດ.
“ໂດຍເປັນຜູ້ຮັບຜິດຊອບບັນຫາສິລະປະຂອງສະໂມສອນ, ສະນັ້ນ ແຕ່ລະເທື່ອ ທີ່ກັບເມືອຫວຽດນາມ ຂ້າພະເຈົ້າກໍ່ສະສົມບັນດາບົດເພງຫວຽດນາມ. ຕາມປົກກະຕິແລ້ວ, ພວກຂ້າພະເຈົ້າໄດ້ເລືອກເອົາບັນດາບົດເພງຍ້ອງຍໍສັນລະເສີນລຸ່ງໂຮ່, ຍ້ອງຍໍຊົມເຊີຍພັກ ແລະ ຍ້ອງຍໍສັນລະເສີນບ້ານເກີດເມືອງນອນປະເທດຫວຽດນາມ.”ບໍ່ພຽງແຕ່ພ້ອມກັນແອບຮ້ອງບັນດາບົດເພງປະຕິວັດມ່ວນ ຫຼື ບັນດາບົດເພງຍ້ອງຍໍສັນລະເສີນບ້ານເກີດເມືອງນອນເທົ່ານັ້ນ, ຫາກບັນດາສະມາຊິກໃນສະໂມສອນ ຍັງຊອກຫາ ແລະ ແອບຂັບຮ້ອງບັນດາບົດເພງໃໝ່ທີ່ມີເນື້ອໃນກ່ຽວກັບນ້ຳໃຈມິດຕະພາບລະຫວ່າງ 2 ປະເທດ, 2 ຊາດ ກໍຄືສ້າງແຫຼ່ງບັນດານໃຈໃຫ້ລຸ້ນໜຸ່ມ ແລະ ລຸ່ນຕໍ່ໆໄປ ເພື່ອສືບຕໍ່ນຳສຽງເພງຫວຽດນາມ ດັງກອງກັງວານໄປໄກກວ່າອີກຢູ່ປະເທດລາວ. ລຸງ ຟ້າມຫງອັກແອງ, ໃຫ້ຮູ້ຕື່ມອີກວ່າ.
“ບໍ່ພຽງແຕ່ສະສົມບັນດາບົດເພງຂອງຫວຽດນາມ ເທົ່ານັ້ນ, ຫາກພວກຂ້າພະເຈົ້າຍັງສະສົມບັນດາບົດເພງປະຕິວັດຂອງລາວອີກດ້ວຍ. ຕາມທຳມະດາແລ້ວ, ພວກຂ້າພະເຈົ້າຈະຂໍຄວາມຊ່ວຍເຫຼືອບັນດານັກສິລະປິນໃນກອງສິລະປະກອງທັບລາວ ມາສອນຮ້ອງບັນດາບົດເພງລາວ ໃຫ້. ພວກຂ້າພະເຈົ້າໄດ້ລະດົມລູກຫຼານຂອງບັນດາສະມາຊິກໃນສະໂມຊອນເຂົ້າຮ່ວມການດຳເນີນຊີວິດດ້ານສິລະປະຢູ່ທີ່ນີ້. ແລະ ໃນໄລຍະຜ່ານມາ, ກໍ່ມີຫຼານບາງຄົນມາແອບຟ້ອນ, ແອບຮ້ອງເພງ ແລະ ໄດ້ໄປສະແດງເພື່ອໃຫ້ເປັນລຸ້ນສືບທອດພວກຂ້າພະເຈົ້າ”.
(ພາບ: My Binh)
ທ່ານ ເຈີ່ນແຮງ, ປະທານສະໂມສອນສິລະປະໄທບ້ານດຽວກັນຂອງຊາວຫວຽດນາມ ອາໄສຢູ່ແຂວງຊຽງຂວາງ ໃຫ້ຮູ້ວ່າ: ສະໂມສອນໄດ້ຮັບການສ້າງຕັ້ງນັບແຕ່ປີ 2005, ສະມາຊິກໃນສະໂມສອນສ່ວນຫຼາຍແມ່ນເກີດ ແລະ ເຕີບໃຫຍ່ຢູ່ແຂວງຊຽງຂວາງ, ເຊິ່ງແມ່ນໜຶ່ງໃນເຂດດິນແດນປະຕິວັດຂອງລາວ. ປະຈຸບັນ, ສະໂມສອນມີສະມາຊິກເຂົ້າຮ່ວມປະມານ 60 ຄົນ. ທ່ານ ເຈີ່ນແຮ້ງ, ໃຫ້ຮູ້ວ່າ.
“ພວກຂ້າພະເຈົ້າຖືສັນຊາດລາວ ແຕ່ຍັງເປັນຄົນຫວຽດ ສະນັ້ນ, ຍາມໃດກໍ່ດຸໝັ່ນຂະຫຍັນພຽນ, ອຸ້ມຊູຊ່ວຍເຫຼືອເຊິ່ງກັນ ແລະ ກັນໃນຈຸດເວລາທີ່ປະສົບກັບຄວາມຫຍຸ້ງຍາກ, ວັນສຸກແຕ່ລະອາທິດ ພວກຂ້າພະເຈົ້າໄດ້ພົບປະ, ແລກປ່ຽນຖອດຖອນບົດຮຽນໃນການທຳມາຫາກິນ ຜ່ານນັ້ນຊ່ວຍເຫຼືອເຊິ່ງກັນ ແລະ ກັນໃນການດຳລົງຊິວິດ.”
ສະໂມສອນບັນລຸໄດ້ຜົນສຳເລັດຄືໃນວັນນີ້, ກໍ່ຍ້ອນນ້ຳໃຈສາມັກຄີສະໜິດຕິດພັນຂອງພໍ່ແມ່ພີນ້ອງຊາວຫວຽດນາມ ທີ່ໄດ້ກຳເນີດ ແລະ ເຕີບໃຫຍ່ຢູ່ເຂດດິນແດນແຫ່ງການປະຕິວັດຊຽງຂວາງ ທີ່ສະຫງວນໃຫ້ແກ່ກັນ ນັບແຕ່ຄາວລຳບາກກາກກຳໃນສົງຄາມ ຮອດປະຈຸບັນ. ສຽງເພງແມ່ນຂົວເຊື່ອມຕໍ່ນ້ຳໃຈມິດຕະພາບ, ຄວາມສາມັກຄີລະຫວ່າງ 2 ຊາດຫວຽດນາມ - ລາວ.
“ພວກຂ້າພະເຈົ້າຖືສັນຊາດລາວ ແຕ່ຍັງເປັນຄົນຫວຽດ ສະນັ້ນ, ຍາມໃດກໍ່ດຸໝັ່ນຂະຫຍັນພຽນ, ອຸ້ມຊູຊ່ວຍເຫຼືອເຊິ່ງກັນ ແລະ ກັນໃນຈຸດເວລາທີ່ປະສົບກັບຄວາມຫຍຸ້ງຍາກ, ວັນສຸກແຕ່ລະອາທິດ ພວກຂ້າພະເຈົ້າໄດ້ພົບປະ, ແລກປ່ຽນຖອດຖອນບົດຮຽນໃນການທຳມາຫາກິນ ຜ່ານນັ້ນຊ່ວຍເຫຼືອເຊິ່ງກັນ ແລະ ກັນໃນການດຳລົງຊິວິດ.”
ສະໂມສອນບັນລຸໄດ້ຜົນສຳເລັດຄືໃນວັນນີ້, ກໍ່ຍ້ອນນ້ຳໃຈສາມັກຄີສະໜິດຕິດພັນຂອງພໍ່ແມ່ພີນ້ອງຊາວຫວຽດນາມ ທີ່ໄດ້ກຳເນີດ ແລະ ເຕີບໃຫຍ່ຢູ່ເຂດດິນແດນແຫ່ງການປະຕິວັດຊຽງຂວາງ ທີ່ສະຫງວນໃຫ້ແກ່ກັນ ນັບແຕ່ຄາວລຳບາກກາກກຳໃນສົງຄາມ ຮອດປະຈຸບັນ. ສຽງເພງແມ່ນຂົວເຊື່ອມຕໍ່ນ້ຳໃຈມິດຕະພາບ, ຄວາມສາມັກຄີລະຫວ່າງ 2 ຊາດຫວຽດນາມ - ລາວ.
(ແຫຼ່ງຄັດຈາກ VOV)
