ບັນດາສະມາຊິກສະພາແຫ່ງຊາດຖືວ່າ ໃນສະພາບການໂລກເກີດມີບັນດາການປະທະກັນໂດຍນຳໃຊ້ອາວຸດ ແລະ ນະໂຍບາຍຮັດແໜ້ນເງິນຕາ ຢູ່ບາງປະເທດໃຫຍ່ ໄດ້ສົ່ງຜົນກະທົບ ຕໍ່ພື້ນຖານເສດຖະກິດ ຫວຽດນາມ ໂດຍກົງ, ລັດຖະບານ ໄດ້ມີຫຼາຍໂຄງການສົ່ງເສີມການຄ້າ, ການລົງທຶນ, ດຶງດູດແຫຼ່ງເງິນລົງທຶນຈາກຕ່າງປະເທດ. ເຖິງຢ່າງໃດກໍຕາມ, ເສດຖະກິດ ຫວຽດນາມ ຍັງປະສົບກັບສິ່ງທ້າທາຍໃນໄລຍະຈະມາເຖິງ, ຄວາມສາມາດຟື້ນຟູເສດຖະກິດຍັງຊັກຊ້າ. ບັນດາສະມາຊິກສະພາແຫ່ງຊາດສະເໜີວ່າ ລັດຖະບານ ສືບຕໍ່ແກ້ໄຂຄວາມຫຍຸ້ງຍາກ, ໜູນຊ່ວຍວິສາຫະກິດ. ທ່ານ ຫງວຽນຕວັນແອັງ, ສະມາຊິກສະພາແຫ່ງຊາດແຂວງ ບິ່ງເຟືອກ ປະກອບຄຳເຫັນວ່າ:
“ກ່ຽວກັບໜ້າທີ່, ມາດຕະການພັດທະນາເສດຖະກິດ - ສັງຄົມໃນໄລຍະຈະມາເຖິງ, ລັດຖະບານໄດ້ວາງອອກ 12 ໝວດມາດຕະການ, ຂ້າພະເຈົ້າມີຄວາມສົນໃຈທີ່ສຸດຕໍ່ໝວດມາດຕະການທີ 4 ນັ້ນແມ່ນ ມາດຕະການສຸມໃສ່ສ້າງໂຄງປະກອບເສດຖະກິດຄືນໃໝ່ ຕິດພັນກັບການປ່ຽນແປງໃໝ່ຮູບແບບການເຕີບໂຕ, ຍົກສູງກຳລັງຄວາມສາມາດ ແລະ ກຳລັງແກ້ງແຍ້ງໃຫ້ມີປະສິດທິຜົນ ແລະ ແທດຈິງ, ໃນນັ້ນ ມີມາດຕະການຍູ້ແຮງ, ພັດທະນາ ແລະ ສ້າງໂຄງປະກອບ, ເສດຖະກິດກະສິກຳຄືນໃໝ່, ຕິດພັນກັບການສ້າງຊົນນະບົດໃໝ່. ປີ 2023, ຂົງເຂດກະສິກຳພັດທະນາເປັນປົກກະຕິ, ລະດັບການເຕີບໂຕບັນລຸ 3,38%, ສືບຕໍ່ແມ່ນເສົາຄ້ຳອັນໝັ້ນແກ່ນຂອງພື້ນຖານເສດຖະກິດໃນການໄລຍະປະສົບກັບຄວາມຫຍຸ້ງຍາກ.”
