ຕາມເວັບໄຊສະຖິຕິ worldometers.info ແລ້ວ, ໄລ່ຮອດເວລາ 1 ໂມງຂອງວັນທີ 16 ກໍລະກົດ ຕາມເວລາ UTC, ທົ່ວໂລກໄດ້ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ເກືອບ 190 ລ້ານຄົນ, ໃນນັ້ນມີຜູ້ເສຍຊີວິດກ່ວາ 4 ລ້ານຄົນ.
ປະເທດຖືກຜົນສະທ້ອນຢ່າງໜັກໜ່ວງທີ່ສຸດຍັງຄົງແມ່ນ ອາເມລິກາ ດ້ວຍຈຳນວນຜູ້ຕິດເຊື້ອພະຍາດໂຄວິດ - 19 ກ່ວາ 34, 8 ລ້ານຄົນ, ໃນນັ້ນມີຜູ້ເສຍຊີວິດ ກ່ວາ 624.000 ຄົນ, ຖັດຈາກນັ້ນ ແມ່ນ: ອິນເດຍ ແລະ ບຣາຊິນ.
ສ່ວນຢູ່ ຫວຽດນາມ, ວັນທີ 16 ກໍລະກົດ ຕາມກະຊວງສາທາລະນະສຸກ ຫວຽດນາມ ແລ້ວ, ນັບແຕ່ເວລາ 19 ໂມງ 30 ນາທີຂອງວັນທີ 15 ກໍລະກົດ ຫາເວລາ 6 ໂມງຂອງວັນທີ 16 ກໍລະກົດ, ຫວຽດນາມ ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ຕື່ມອີກໃນຊຸມຊົນ 1.438 ຄົນ. ໄລ່ຮອດເວລາ 6 ໂມງຂອງວັນທີ 16 ກໍລະກົດ, ຫວຽດນາມ ມີຜູ້ຕິດເຊື້ອພະຍາດໂຄວິດ - 19 ລວມທັງໝົດ 42.288 ຄົນ, ໃນນັ້ນມີຜູ້ໄດ້ຮັບການປິ່ນປົວຫາຍດີເປັນປົກກະຕິ 9.688 ຄົນ.
(ແຫຼ່ງຄັດຈາກ VOV)
