ວັນທີ 22 ມີນາ, ຢູ່ແຂວງ ໄຊສົມບູນທີ່ປະເທດ ລາວ, ຄະນະກຳມະການຮ່ວມມື ຫວຽດນາມ - ລາວ ໄດ້ສົມທົບກັບຄະນະກຳມະການຮ່ວມມື ລາວ - ຫວຽດນາມ ຈັດພິທີລົງມືກໍ່ສ້າງ, ເປີດການນຳໃຊ້ ແລະ ມອບ - ຮັບບາງໂຄງການ ເຊິ່ງລັດຖະບານ ຫວຽດນາມ ຊ່ວຍເຫຼືອລ້າໃຫ້ແກ່ ລັດຖະບານ ລາວ.
ພິທີເປີດການນຳໃຊ້ ແລະ ມອບ - ຮັບໂຄງການກໍ່ສ້າງ ໂຮງຮຽນການທະຫານແຂວງ ໄຊສົມບູນ (ພາບ:TTXVN)
ໂຄງການກໍ່ສ້າງສູນບໍລິການເຕັກນິກກະສິກຳ ຢູ່ແຂວງ ໄຊສົມບູນ ໄດ້ລົງມືກໍ່ສ້າງໃນວັນທີ 22 ມີນາ ມີເນື້ອທີທັງໝົດ 7,2 ເຮັກຕາ ດ້ວຍເງິນລົງທຶນທັງໝົດກວ່າ 5,7 ລ້ານ USD. ໂຄງການດັ່ງກ່າວຄາດວ່າຈະສຳເລັດພາຍໃນເວລາ 2 ປີ.
ໃນວັນດຽວກັນ, ຜູ້ຕາງໜ້າລັດຖະບານ ຫວຽດນາມ ແລະ ລາວ ໄດ້ເຂົ້າຮ່ວມພິທີເປີດການນຳໃຊ້ ແລະ ມອບ - ຮັບໂຄງການກໍ່ສ້າງ ໂຮງຮຽນການທະຫານແຂວງ ໄຊສົມບູນ ທີ່ມີເງິນລົງທຶນກໍ່ສ້າງທັງໝົດເກືອບ 6,7 ລ້ານ USD. ໂຄງການດັ່ງກ່າວ ໄດ້ລົງມືກໍ່ສ້າງມາແຕ່ເດືອນຕຸລາ 2019.
ກໍໃນວັນດຽວກັນ, ປະທານຄະນະກຳມະການຮ່ວມມືສອງທ່ານຂອງສອງປະເທດສອງທ່ານ ກໍໄດ້ເຂົ້າຮ່ວມພິທີເປີດນຳໃຊ້ໂຮງງານປຸງແຕ່ງຜະລິດຕະພັນກະເສດ, ຢາສະໝູນໄພ ໄຊສົມບູນ. ນີ້ແມ່ນໂຄງການໂດຍ ບໍລິສັດໃຫຍ່ຮ່ວມມືເສດຖະກິດ (COECCO) ລົງທຶນກໍ່ສ້າງ ດ້ວຍເງິນລົງທຶນປະມານ 1,6 ລ້ານ USD ແນໃສ່ພັດທະນາເສດຖະກິດ ແລະ ຍົກສູງຊີວິດການເປັນຢູ່ຂອງປະຊາຊົນທ້ອງຖິ່ນ.
(ແຫຼ່ງຄັດຈາກ VOV)
