ວັນທີ 19 ກຸມພາ, ຢູ່ ນະຄອນ ໂຮ້ຍອານ ແຂວງ ກວ໋າງນາມ ໄດ້ດຳເນີນລາຍການສິລະປະເພື່ອສິ່ງແວດລ້ອມ. ເຫດການແມ່ນນອນໃນຂອບເຂດການເຄື່ອນໄຫວຫນູນຊ່ວຍພັດທະນາແບບຍືນຍົງຢູ່ ຫວຽດນາມ ໂດຍສະຖານທູດ ອັງກິດ ສົມທົບກັບສະຫະສະມາຄົມທ່ອງທ່ຽວ ກວ໋າງນາມ ປະຕິບັດ.

ການເຄື່ອນໄຫວປົກປັກຮັກສາສິ່ງແວດລ້ອມໃນຂອບເຂດເຫດການ. ພາບ:toquoc.vn

ລາຍການດັ່ງກ່າວຈັດຂຶ້ນ ແມ່ນແນໃສ່ຍົກສູງຄວາມຮັບຮູ້ກ່ຽວກັບການປົກປັກຮັກສາສິ່ງແວດລ້ອມກໍ່ຄືແບ່ງປັນບົດຮຽນປະສົບການຂອງ ອັງກິດ ກ່ຽວກັບການຮັບມື ແລະ ຫລຸດຜ່ອນຜົນກະທົບຈາກການປ່ຽນແປງຂອງດິນຟ້າອາກາດຢູ່ ຫວຽດນາມ.

ນອກຈາກການເຄື່ອນໄຫວດຳເນີນຢູ່ ໂຮ້ຍອານແລ້ວ, ຍັງມີລາຍການສະແດງດົນຕີທາງໄກ ເຊື່ອມຕໍ່ ອັງກິດ - ໂຮ້ຍອານ. ທ່ານ ຫງວຽນມິງລີ ຮອງປະທານ ຄະນະກຳມະການປະຊາຊົນ ນະຄອນ ໂຮ້ຍອານ ໃຫ້ຮູ້ວ່າ:

“ໂຮ້ຍອານ ຍາມໃດກໍ່ຍົກສູງວຽກງານປົກປັກຮັກສາສິ່ງແວດລ້ອມ ແລະ ຖືນີ້ແມ່ນຫນຶ່ງໃນ 3 ເນື້ອໃນສຳຄັນໃນວິວັດການພັດທະນາຂອງນະຄອນ. ເຮັດແນວໃດທັງພະຍາຍາມພັດທະນາເສດຖະກິດ ຄຽງຄູ່ກັບການປົກປັກຮັກສາສິ່ງແວດລ້ອມ. ພວກຂ້າພະເຈົ້ານຳໃຊ້ແຫລ່ງລາຍຮັບຈາກການພັດທະນາເສດຖະກິດ ກັບຄືນມາລົງທຶນໃຫ້ວຽກງານປົກປັກຮັກສາສິ່ງແວດລ້ອມ.”

(ແຫຼ່ງຄັດຈາກ VOV)