ຂ່າວສານ
ລັດຖະບານປະກາດໃຊ້ ມະຕິວ່າດ້ວຍການໜູນຊ່ວຍປະຊາຊົນທີ່ປະສົບກັບຄວາມຫຍຸ້ງຍາກຈາກໂລກລະບາດ Covid– 19
ກອງປະຊຸມຂອງ ລັດຖະບານ (ພາບ: VGP)
ຕາມນັ້ນແລ້ວ, ຜູ້ອອກແຮງງານທີ່ເຮັດວຽກຕາມລະບອບສັນຍາແຮງງານຕ້ອງຕົກລົງກັນຢຸດຕິຊົ່ວຄາວການປະຕິບັດສັນຍາແຮງງານ, ພັກວຽກບໍ່ໄດ້ຮັບເງິນເດືອນແຕ່ 1 ເດືອນຂຶ້ນໄປ ຍ້ອນບັນດາວິສາຫະກິດປະສົບກັບຄວາມຫຍຸ້ງຍາກຈາກໂລກລະບາດ Covid– 19, ເຊິ່ງບໍ່ມີລາຍຮັບ ຫຼືບໍ່ມີແຫຼ່ງການເງິນເພື່ອຈ່າຍເງິນເດືອນນັ້ນ ແມ່ນໄດ້ຮັບການໜູນຊ່ວຍດ້ວຍລະດັບເງິນ 1,8 ລ້ານດົ່ງ/ຄົນ/ເດືອນ. ໄລຍະເວລາໜູນຊ່ວຍຈະອີງໃສ່ເວລາຕົວຈິງຂອງການຢຸດຕິຊົ່ວຄາວໃນການປະຕິບັດສັນຍາແຮງງານ, ພັກວຽກບໍ່ໄດ້ຮັບເງິນເດືອນ, ຕາມສະພາບການຕົວຈິງຂອງໂລກລະບາດ. ຄອບຄົວດຳເນີນທຸລະກິດເອກະເທດທີ່ມີລາຍຮັບ ແຈ້ງເສຍອາກອນຕ່ຳກ່ວາ 100 ລ້ານດົ່ງ/ປີ ທີ່ຢຸດຕິການດຳເນີນທຸລະກິດຊົ່ວຄາວແຕ່ວັນທີ 1 ເມສາ 2020 ຈະໄດ້ຮັບເງິນໜູນຊ່ວຍ 1 ລ້ານດົ່ງ/ຄອບຄົວ/ເດືອນ ຕາມສະພາບການຕົວຈິງຜັນແປຂອງໂລກລະບາດ.
(ແຫຼ່ງຄັດຈາກ VOV)
