ຂ່າວສານ

ລັດຖະບານມີໂຄງການກະທຳກ່ຽວກັບທິດທາງ, ໜ້າທີ່ພັດທະນານະຄອນ ໂຮ່ຈີມິນ

04/06/2023

ມະຕິໄດ້ວາງເປົ້າໝາຍຮອດປີ 2030, ນະຄອນ ໂຮ່ຈີມິນ ຈະກາຍເປັນນະຄອນສີວິໄລ, ທັນສະໄໝ, ຂະຫຍັນຂັນເຄື່ອນ ປະດິດຄິດສ້າງ, ມີແຫຼ່ງຊັບພະຍາກອນມະນຸດທີ່ມີຄຸນນະພາບສູງ

(ພາບປະກອບ: TTXVN)

ວັນທີ 02 ມິຖຸນາ, ລັດຖະບານ ຫວຽດນາມ ໄດ້ປະກາດໃຊ້ມະຕິເລກທີ 87 ໂຄງການກະທຳຂອງລັດຖະບານປະຕິບັດມະຕິເລກທີ 31 - ມຕ/ສກ ຂອງກົມການເມືອງ ກ່ຽວກັບທິດທາງ, ໜ້າທີ່ພັດທະນານະຄອນ ໂຮ່ຈີມິນ ຮອດປີ 2030, ວິໄສທັດຮອດປີ 2045. ມະຕິໄດ້ວາງເປົ້າໝາຍຮອດປີ 2030, ນະຄອນ ໂຮ່ຈີມິນ ຈະກາຍເປັນນະຄອນສີວິໄລ, ທັນສະໄໝ, ຂະຫຍັນຂັນເຄື່ອນ ປະດິດຄິດສ້າງ, ມີແຫຼ່ງຊັບພະຍາກອນມະນຸດທີ່ມີຄຸນນະພາບສູງ; ແມ່ນນະຄອນຂອງການບໍລິການ - ອຸດສາຫະກຳທັນສະໄໝ; ສູນເສດຖະກິດ, ການເງິນ; ການຄ້າ, ເຊື່ອມໂຍງເຂົ້າກັບສາກົນຢ່າງເລິກເຊິ່ງ ກວ້າງຂວາງ, ມີທີ່ຕັ້ງພົ້ນເດັ່ນຢູ່ພາກພື້ນ ອາຊີຕາເວັນອອກສ່ຽງໃຕ້. ການເຕີບໂຕສະເລ່ຍບັນລຸ 8% - 8,5%/ປີ; GRDP ຄິດສະເລ່ຍຕໍ່ຫົວຄົນປະມານ 14.500 USD; ເສດຖະກິດດີຈີຕອນປະກອບສ່ວນ 40% ເຂົ້າ GRDP. ມະຕິກໍ່ວາງອອກວິໄສທັດຮອດປີ 2045, ນະຄອນ ໂຮ່ຈີມິນ ຈະພັດທະນາທຽບເທົ່າກັບບັນດາເຂດຕົວເມືອງໃຫຍ່ໃນໂລກ, ກາຍເປັນສູນເສດຖະກິດ, ການເງິນ, ການບໍລິການຂອງ ອາຊີ; ແມ່ນສະຖານທີ່ດູດດື່ມຂອງທົ່ວໂລກ.

(ແຫຼ່ງຄັດຈາກ VOV)

ໄຂກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

20/10/2025
ຂ່າວສານ

ຕອນເຊົ້າວັນທີ 20 ຕຸລາ, ຢູ່ຫໍປະຊຸມ ຢຽນຮົ່ງ, ຮ່າໂນ້ຍ, ສະພາແຫ່ງຊາດ ຫວຽດນາມ ໄດ້ໄຂກອງປະຊຸມສະໄໝສາມັນເທື່ອທີ 10, ເຊິ່ງແມ່ນກອງປະຊຸມຄັ້ງສຸດທ້າຍຂອງສະພາແຫ່ງຊາດ ຫວຽດນາມ ຊຸດທີ 15. ກອງປະຊຸມວຽກງານຫຼາຍທີ່ສຸດຂອງ ອາຍຸການ, ຄາດວ່າ ດຳເນີນເປັນເວລາປະມານ 40 ວັນ. ເຂົ້າຮ່ວມວາລະໄຂກອງປະຊຸມ, ມີທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລິມ, ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິນຈິງ ແລະ ທ່ານປະທານສະພາແຫ່ງຊາດ ເຈິ່ນແທັງເໝີ້ນ.