ຕີລາຄາສູງບັນດາໝາກຜົນເຊິ່ງຂະແໜງກະສິກຳບັນລຸໄດ້ໃນປີ 2017, ທ່ານນາຍົກລັດຖະມົນຕີ ຫງວຽນຊວນຟຸກ ກໍ່ໄດ້ຍົກໃຫ້ເຫັນບັນດາສິ່ງຄົງຄ້າງ ເຊິ່ງຂະແໜງຕ້ອງໄດ້ແກ້ໄຂໃນປີ 2018

 
ທ່ານນາຍົກລັດຖະມົນຕີ ຫງວຽນຊວນຟຸກ ທີ່ກອງປະຊຸມ

      ລັດຖະບານກະທຳ, ຂະແໜງກະສິກຳກໍ່ຕ້ອງມີການກະທຳ - ນີ້ແມ່ນຄຳຊີ້ນຳຂອງທ່ານນາຍົກລັດຖະມົນຕີ ຫງວຽນຊວນຟຸກ ທີ່ກອງປະຊຸມສະຫລຸບຂະແໜງກະສິກຳປີ 2017 ແລະ ຜັນຂະຫຍາຍໜ້າທີ່ປີ 2018, ດຳເນີນໃນວັນທີ 4 ມັງກອນ, ຢູ່ຮ່າໂນ້ຍ.
        ທ່ານນາຍົກລັດຖະມົນຕີ ຢັ້ງຢືນວ່າພັກ, ລັດ ຍາມໃດກໍ່ເອົາໃຈໃສ່ເຖິງກະສິກຳ, ຊົນນະບົດ, ຊາວກະສິກອນ.
        ຕີລາຄາສູງບັນດາໝາກຜົນເຊິ່ງຂະແໜງກະສິກຳບັນລຸໄດ້ໃນປີ 2017, ທ່ານນາຍົກລັດຖະມົນຕີ ຫງວຽນຊວນຟຸກ ກໍ່ໄດ້ຍົກໃຫ້ເຫັນບັນດາສິ່ງຄົງຄ້າງ ເຊິ່ງຂະແໜງຕ້ອງໄດ້ແກ້ໄຂໃນປີ 2018, ໃນນັ້ນເນັ້ນໜັກເຖິງສະພາບພົນລະເມືອງຫຼາຍ, ຄົນງານຫຼາຍ ແຕ່ຄຸນນະພາບຄົນງານຢູ່ເຂດຊົນນະບົດຍັງຕ່ຳ ແມ່ນບັນຫາໃຫຍ່ຕ້ອງໄດ້ແກ້ໄຂ.
        ກ່ຽວກັບໜ້າທີ່ສຳລັບຂະແໜງກະສິກຳໃນໄລຍະຈະມາເຖິງ, ທ່ານນາຍົກລັດຖະມົນຕີ ຊີ້ແຈ້ງວ່າ:
        “ກຳນົດທິດທາງຂອງປີ 2018 ແມ່ນສ້າງບັນດາການຫັນປ່ຽນໃຫ້ຈະແຈ້ງກ່ວາ, ແທດຈິງກ່ວາໃນການສ້າງໂຄງປະກອບຂະແໜງກະສິກຳຄືນໃໝ່. ສຸມໃສ່ພັດທະນາພື້ນຖານຜະລິດສິນຄ້າຂະໜາດໃຫຍ່, ໝູນໃຊ້ເຕັກໂນໂລຢີສູງ, ໝູນໃຊ້ກາລະໂອກາດທີ່ດີຂອງການປະຕິວັດອຸດສາຫະກຳຄັ້ງທີ 4, ຍົກສູງສະມັດຕະພາບ, ຄຸນນະພາບ, ປະສິດທິຜົນ ແລະ ກຳລັງແກ່ງແຍ້ງ ກ່ວາອີກ. ຍູ້ແຮງການສ້າງຊົນນະບົດໃໝ່ຕິດພັນກັບການຍົກສູງກຳລັງການຜະລິດ, ຊີວິດທາງດ້ານວັດຖຸ, ຈິດໃຈຂອງປະຊາຊົນ ແລະ ເຮັດໃຫ້ສະມັດຕະພາບການອອກແຮງງານກະສິກຳເພີ່ມຂຶ້ນ. ນີ້ແມ່ນໜ້າທີ່ສຳຄັນ, ກວມລວມບໍ່ພຽງແຕ່ໃນປີ 2018 ເທົ່ານັ້ນ ຫາກໃນຊຸມປີຕໍ່ໄປອີກດ້ວຍ.”

 (ແຫຼ່ງຄັດຈາກ VOV)