ຂ່າວສານ

ພັກປະຊາຊົນ ກຳປູເຈຍ ສະເຫຼີມສະຫຼອງ 66 ປີແຫ່ງວັນສ້າງຕັ້ງ

29/06/2017

ຕອນເຊົ້າວັນທີ 28 ມິຖຸນາ, ທີ່ເກາະ Koh Pich ຢູ່ນະຄອນຫລວງ ພະນົມເປັນ, ພັກປະຊາຊົນ ກຳປູເຈຍ (CPP) ກຳອຳນາດ ໄດ້ຈັດຕັ້ງພິທີໂຮມຊຸມນຸມມິດຕິງຢ່າງສົມກຽດ ເພື່ອສະເຫຼີມສະຫຼອງ 66 ປີແຫ່ງວັນສ້າງຕັ້ງ (28/06/1951 – 28/06/2017)

ທ່ານ Samdech Hun Sen ປະທານ CPP

ດ້ວຍການເຂົ້າຮ່ວມຂອງສະມາຊິກພັກ, ມະຫາຊົນຢູ່ ພະນົມເປັນ ແລະ ບັນດາແຂວງອ້ອມຂ້າງປະມານ 20.000 ຄົນ. ໃນບົດປາໄສ, ທ່ານ Samdech Hun Sen ປະທານ CPP ຊີ້ແຈ້ງວ່າ ໃນໄລຍະ 66 ປີຜ່ານມາ, ກຳປູເຈຍ ໄດ້ຜ່ານຜ່າບັນດາໄລຍະປະຫວັດສາດ, ທັງມີຄວາມເອກອ້າງທະນົງໃຈ ທັງມີຄວາມຫຍຸ້ງຍາກ, ສັບສົນ ແລະ ອັນຕະລາຍ. ແຕ່ບໍ່ວ່າໃນສະພາບການໃດໆ CPP ຍາມໃດກໍ່ຍັງຄົງຮັກສາເປົ້າໝາຍ ແລະ ອຸດົມຄະຕິຂອງຕົນແມ່ນ ຮ່ວມກັບປະຊາຊົນໃນທຸກກໍລະນີ, ສູ້ຊົນແກ້ໄຂທຸກສິ່ງກີດຂວາງ, ຍອມເສຍສະຫຼະຊີວິດເພື່ອປະເທດ ກຳປູເຈຍ ເອກະລາດ, ສັນຕິພາບ, ເສລີ, ປະຊາທິປະໄຕ, ເປັນກາງ ແລະ ພັດທະນາສັງຄົມໃຫ້ໝັ້ນຄົງ. ທ່ານປະທານ Samdech Hun Sen ຮຽກຮ້ອງສະມາຊິກພັກ, ພໍ່ແມ່ປະຊາຊົນທຸກໆຄົນ ສືບຕໍ່ດຳລົງຊີວິດ, ປອງດອງເປັນປຶກໜຶ່ງແຜ່ນດຽວໃນມະຫາຄອບຄົວ ພາຍໃຕ້ລັດຖະທຳມະນູນ ເພື່ອສືບຕໍ່ປົກປັກຮັກສາ ແລະ ເສີມຂະຫຍາຍໝາກຜົນທຸກຢ່າງສັງຄົມ.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.