ບັນດາຜູ້ແທນເຂົ້າຮ່ວມກອງປະຊຸມ
ໃນຂອບເຂດກອງປະຊຸມຄັ້ງທີ 1 ບັນດາເຈົ້າໜ້າທີ່ອາວຸໂສ APEC (SOM 1) ແລະ ບັນດາກອງປະຊຸມກ່ຽວຂ້ອງ, ວັນທີ 20/2, ຢູ່ນະຄອນ ຍາຈາງ, ຜູ້ແທນ APEC ກ່ວາ 580 ຄົນໄດ້ເຂົ້າຮ່ວມບັນດາການເຄື່ອນໄຫວຂອງ 8 ກຸ່ມປະຕິບັດງານ, ອະນຸກຳມະການ ແລະ ກອງປະຊຸມສຳມະນາຂອງ APEC ກ່ຽວກັບການພັດທະນາແຫຼ່ງຊັບພະຍາກອນມະນຸດ (HRDWG), ການຕ້ານການສໍ້ລາດບັງຫຼວງ ແລະ ຫັນເປັນຈະແຈ້ງ (ACTWG), ການເຄື່ອນຍ້າຍນັກທຸລະກິດ (BMG), ວິທະຍາສາດຊີວິດການເປັນຢູ່ ແລະ ການປ່ຽນໃໝ່ (LSIF), ນັກຊ່ຽວຊານກ່ຽວກັບຕ້ານການຂຸດຄົ້ນໄມ້ຢ່າງຜິດກົດໝາຍ ແລະ ການຄ້າທີ່ກ່ຽວຂ້ອງ (EGILAT), ມາດຕະຖານ ແລະ ຖືກຕ້ອງຕາມມາດຕະຖານ (SCSC), ກົດໝາຍ ແລະ ນະໂຍບາຍແກ່ງແຍ້ງ (CPLG) ແລະ ບັນດາລະບຽບການພາສີ (SCCP).
ບັນດາກຸ່ມ ACTWG, BMG ໄດ້ສິ້ນສຸດກອງປະຊຸມຄັ້ງທຳອິດຂອງປີ 2017 ດ້ວຍການຮັບຮອງເອົາບັນດາໂຄງການເຄື່ອນໄຫວ ແລະ ບັນດາບຸລິມະສິດວຽກງານໃນປີ 2017. ໂດຍສືບຕໍ່ ບັນດາກອງປະຊຸມກຽມຂອງ 2 ວັນກ່ອນ, ບັນດາກຸ່ມ SCSC ແລະ HRDWG ໄດ້ກ້າວເຂົ້າສູ່ກອງປະຊຸມທາງການທຳອິດ. ບັນດາຜູ້ແທນເນັ້ນໜັກວ່າການຮ່ວມມືກ່ຽວກັບການພັດທະນາແຫຼ່ງຊັບພະຍາກອນມະນຸດ APEC ໃນປີ 2017 ຕ້ອງປະກອບສ່ວນຊຸກຍູ້ດ້ານການຄ້າ ແລະ ການລົງທຶນ, ມຸ່ງໄປເຖິງການເຕີບໂຕເສດຖະກິດ, ຕິດພັນກັບສັງຄົມ ແລະ ຄວາມວັດທະນາຖາວອນຂອງບັນດາພື້ນຖານເສດຖະກິດສະມາຊິກ. ບັນດາຜູ້ແທນເປັນເອກະພາບຊຸກຍູ້ວຽກງານກະກຽມເພື່ອຈັດຕັ້ງສຳເລັດ “ການເຈລະຈານະໂຍບາຍຂັ້ນສູງກ່ຽວກັບການບຳລຸງສ້າງແຫຼ່ງຊັບພະຍາກອນມະນຸດໃນສັງກະລາດດີຈີຕອນ” ຢູ່ນະຄອນຫຼວງ ຮ່າໂນ້ຍ ໃນເດືອນ 5 ຈະມາເຖິງ.
ໃນວັນທີ 20/2, ເຊິ່ງແມ່ນວັນເຮັດວຽກທຳອິດຂອງອະນຸກຳມະການ SCCP, ດ້ວຍການປະຊຸມກຸ່ມເພື່ອນມິດຂອງປະທານ SCCP ແລະ ກອງປະຊຸມສຳມະນາໝູນໃຊ້ການກວດກາໃນຂົງເຂດແກ່ງແຍ້ງ ເພື່ອລົບລ້າງຮົ້ວຂີດຂວາງດ້ານການຄ້າສິນຄ້າ ແລະ ການບໍລິການຂອງ ກຸ່ມ CPLG.
ຄະນະຜູ້ແທນ ຫວຽດນາມ ສືບຕໍ່ສະແດງບົດບາດປະເທດເຈົ້າພາບເປັນຢ່າງດີ. ການນຳບັນດາກະຊວງ, ອົງການຂອງ ຫວຽດນາມ ແບ່ງປັນໝາກຜົນແຫ່ງການຜັນຂະຫຍາຍຫຼາຍຂໍ້ລິເລີ່ມ, ໃນນັ້ນມີໂຄງການ “ຊຸກຍູ້ການຫັນເປັນການຄ້າ ແລະ ການລົງທຶນສຳລັບຜະລິດຕະພັນຄົ້ນຄ້ວາວິທະຍາສາດ ແລະ ພັດທະນາເຕັກໂນໂລຢີທີ່ມີຄວາມສາມາດບົ່ມຊ້ອນ”…
(ແຫຼ່ງຄັດຈາກ VOV)
