ຂ່າວສານ

ຜູ້ຕິດເຊື້ອພະຍາດໂຄວິດ - 19 ຫຼາຍຄົນຂອງຫວຽດນາມ ໄດ້ຫາຍດີເປັນປົກກະຕິ

31/03/2020

ໄລ່ຮອດເວລາ 12 ໂມງຂອງວັນທີ 30 ມີນາ, ຫວຽດນາມ ໄດ້ຢັ້ງຢືນວ່າ ມີຜູ້ຕິດເຊື້ອພະຍາດໂຄວິດ - 19 ທັງໝົດ 194 ຄົນ ໃນນັ້ນ ມີ 55 ກໍລະນີ ໄດ້ປະກາດວ່າຫາຍດີເປັນປົກກະຕິແລ້ວ.

ຕອນເຊົ້າວັນທີ 30 ມີນາ, ໂຮງໝໍພະຍາດເຂດຮ້ອນສູນກາງ ສາຂາ ດົງແອັງ ຮ່າໂນ້ຍ ໄດ້ໃຫ້ອອກໂຮງໝໍສໍາລັບຜູ້ຕິດເຊື້ອພະຍາດໂຄວິດ - 19 ທີ່ຫາຍດີເປັນປົກກະຕິ 27 ຄົນ. ຕາມການແນະນໍາຫຼ້າສຸດຂອງກະຊວງສາທາລະນະສຸກແລ້ວ ຜູ້ຕິດເຊື້ອພະຍາດໂຄວິດ - 19 ພາຍຫຼັງໄດ້ອອກໂຮງໝໍແລ້ວ ຈະຕ້ອງປະຕິບັດການແຍກຕົວຢູ່ກັບບ່ອນພັກອາໄສ ແລະ ຕິດຕາມສຸຂະພາບພາຍໃນ 14 ວັນ.
ແລະກໍໃນວັນດຽວກັນ, ຢູ່ໂຮງໝໍປິ່ນປົວພະຍາດລະບົບຫາຍໃຈ ກູ໋ຈີ ນະຄອນໂຮ່ຈີມິນ ກໍໄດ້ປະກາດວ່າ ມີຜູ້ຕິດເຊື້ອພະຍາດດັ່ງກ່າວ 3 ຄົນ ກໍໄດ້ຫາຍດີເປັນປົກກະຕິພາຍຫຼັງໄດ້ປິ່່ນປົວເປັນເວລາຫຼາຍວັນ. ໃນຈໍານວນຜູ້ຕິດເຊື້ອ 3 ຄົນດັ່ງກ່າວ ມີຜູ້ໜຶ່ງເປັນຊາວຕ່າງປະເທດ ແລະ ສອງຄົນເປັນຊາວຫວຽດນາມ.

(ແຫຼ່ງຄັດຈາກ VOV)

ນາຍົກລັດຖະມົນຕີ ຟ້າມມິງຈິງ ແລະ ບັນດາການນຳ ອາຊຽນ ເຂົ້າຮ່ວມກອງປະຊຸມສຸດຍອດ ອາຊຽນ - ຈີນ ຄັ້ງທີ 28

29/10/2025
ຂ່າວສານ

ໂດຍສືບຕໍ່ບັນດາການເຄື່ອນໄຫວໃນຂອບເຂດກອງປະຊຸມສຸດຍອດ ອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ, ຕອນເຊົ້າວັນທີ 28 ຕຸລາ, ຢູ່ ກົວລາ ລຳເປີ ປະເທດ ມາເລເຊຍ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ພ້ອມດ້ວຍບັນດາການນຳ ອາຊຽນ ແລະ ທ່ານນາຍົກລັດຖະມົນຕີ ຈີນ ຫຼີຊຽນ ໄດ້ເຂົ້າຮ່ວມກອງປະຊຸມສຸດຍອດ ອາຊຽນ - ຈີນ ຄັ້ງທີ 28.