ບັນດາການເຄື່ອນໄຫວຕອບສະໜອງປີທ່ອງທ່ຽວແຫ່ງຊາດ 2022 ຈະຖືກຜັນຂະຫຍາຍຕາມ 6 ເນື້ອໃນຢ່າງຕໍ່ເນື່ອງຄື: ລາຍການ ໄປທ່ຽວ ກວ໋າງນາມ ໃນຍາມລະດູບານໃໝ່; ລາຍການ ທ່ອງທ່ຽວຕາມແມ່ນ້ຳລຳເຊ, ການກະສິກໍາ ແລະ ຜະລິດຕະພັນ OCOP; ລາຍການ ທ່ອງທ່ຽວຈຸດນັດພົບ ຈູລາຍ; ລາຍການ ທ່ອງທ່ຽວວັດທະນະທຳບັນດາເຜົ່າ ແລະ ເສັ້ນທາງ ໂຮ່ຈີມິນ ແຫ່ງເທບນິຍາຍ; ລາຍການ ກວ໋າງນາມ - ບັນຍາກາດລະດູຮ້ອນ ແລະ ລາຍການທ່ອງທ່ຽວ ສີສັນມໍລະດົກ. ບັນດາການເຄື່ອນໄຫວເຫຼົ່ານີ້ ຕ້ອງຕອບສະໜອງຕາມມາດຕະຖານການທ່ອງທ່ຽວຂຽວ ນັບແຕ່ສະຖານທີ່ທ່ອງທ່ຽວປອດໄພ, ເປັນມິດກັບສິ່ງແວດລ້ອມ ຕະຫຼອດຮອດການຮັບປະກັນຄວາມປອດໄພແກ່ແຂກທ່ອງທ່ຽວ. ປີທ່ອງທ່ຽວແຫ່ງຊາດ - ກວ໋າງນາມ 2022 ຈະປະກອບສ່ວນຍົກສູງພາບພົດ, ທີ່ຕັ້ງ, ເຄື່ອງໝາຍການຄ້າການທ່ອງທ່ຽວ ຫວຽດນາມ ເວົ້າລວມ ແລະ ແຂວງ ກວ໋າງນາມ ເວົ້າສະເພາະໃນໄລຍະຈະມາເຖິງ, ໂດຍສະເພາະແມ່ນເມື່ອ ຫວຽດນາມ ເປີດປະຕູເຄື່ອນໄຫວການທ່ອງທ່ຽວຄືນໃໝ່ ນັບແຕ່ວັນທີ 15 ມີນາ ເປັນຕົ້ນໄປ.
