ຂ່າວສານ

ປະເທດຕ່າງໆໃຫ້ຄຳໝັ້ນສັນຍາສະໜອງບ້ວງເງິນເກືອບ 25 ຕື້ USD ໜູນຊ່ວຍການສ້າງສາ ອີຣັກ ຄືນໃໝ່

16/02/2018

ຈຳນວນເງິນນີ້ໄດ້ປະກາດໃນມື້ປະຊຸມສຸດທ້າຍຢູ່ກອງປະຊຸມບັນດານັກອຸປະຖຳສາກົນ, ຈັດຕັ້ງຢູ່ນະຄອນຫຼວງ Kuwait City ຂອງ ຄູເວດ.

ເຈົ້າໜ້າທີ່ປະເທດຕ່າງໆເຂົ້າຮ່ວມກອງປະຊຸມ

(ພາບ: AP)

ວັນທີ 14 ກຸມພາ, ລັດຖະບານ ຫຼາຍປະເທດໃນໂລກ ໃຫ້ຄຳໝັ້ນສັນຍາສະໜອງບ້ວງເງິນເກືອບ 25 ຕື້ USD ເພື່ອໃຫ້ກູ້ຢຶມ ແລະ ລົງທຶນເພື່ອແນໃສ່ສ້າງສາປະເທດ ອີຣັກ ພາຍຫຼັງເວລາ 3 ປີທຳສົງຄາມຕ້ານອົງການລັດອິດສະລາມ IS. ຈຳນວນເງິນນີ້ໄດ້ປະກາດໃນມື້ປະຊຸມສຸດທ້າຍຢູ່ກອງປະຊຸມບັນດານັກອຸປະຖຳສາກົນ, ຈັດຕັ້ງຢູ່ນະຄອນຫຼວງ Kuwait City ຂອງ ຄູເວດ.

ບັນດານັກອຸປະຖຳໃນປະຈຸບັນແມ່ນ ອັງກິດ ແລະ ຕວກກີ. ອັງກິດໃຫ້ຮູ້ວ່າ: ຈະສະຫງວນໃຫ້ ອີຣັກ ບ້ວງສິນເຊື່ອມີມູນຄ່າເຖິງ 1 ຕື້ USD/ປີ ໃນໜຶ່ງທົດສະວັດ. ຕວກກີ ປະກາດ ຈະສະໜອງບ້ວງເງິນກູ້ຢຶມ ແລະ ເງິນລົງທຶນມີມູນຄ່າ 5 ຕື້ USD.

(ແຫຼ່ງຄັດຈາກ VOV)

ທ່ານເລຂາທິການໃຫຍ່ ໂຕເລິມ ເປັນປະທານຮ່ວມການພົບປະກັບຜູ້ນຳໜ້າຂອງສາມພັກ ຫວຽດນາມ - ກຳປູເຈຍ - ລາວ

06/02/2026
ຂ່າວສານ

ຕອນບ່າຍວັນທີ 06 ກຸມພາ, ຢູ່ສຳນັກງານພັກປະຊາຊົນກຳປູເຈຍ (CPP) ທີ່ນະຄອນຫຼວງ ພະນົມເປັນ, ທ່ານ ໂຕເລິມ ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດ ຫວຽດນາມ ພ້ອມດ້ວຍທ່ານ Hun Sen ປະທານພັກ CPP ແລະ ທ່ານ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ ໄດ້ເປັນປະທານຮ່ວມການພົບປະລະຫວ່າງຜູ້ນຳໜ້າຂອງສາມພັກ ຫວຽດນາມ - ກຳປູເຈຍ - ລາວ.